August 15, 2011 hi India ramin zalenna a neih champha vawi 63-na (63rd.India Independence Day) a ni a. He India ram tana ni pawimawh leh chhinchhiahtlak tak hi buaina leh harsatna dang awm lova kan hman theih nan sawrkar lam chuan Kohhrante tawngtai turin min ngen a. Hei hi Mizoram Baptist Kohhran pawhin ngai pawimawhin mahni hmun theuhah ram tana tawngtai theuh turin kan inngen a ni e.
Sd/- Rev.H. Lianngaia
General Secretary,
Baptist Church of Mizoram
PASTORAL MINISTRY
ADVERTISEMENT - 2011
BCM Pastoral Ministry Department chuan 2012-2013 academic session-a tan turin Minister/Pastor thawk laite zing atangin deputation-a M.Th. zir tur- Academic programme leh Training programme atan pakhat ve ve tirh a tum a. Dil duhte chuan September 13, 2011 aia tlai lovah a hnuaia hming ziak hnenah hian dilna theh luh tur a ni.Diltute tana hriat tur pawimawhte-
1. Diltu chuan BD aggregate marks-ah 60% (B grade) aia hniam lo a hmu tur a ni.
2. Training programme-a zir diltu chu 2001 emaw a hma lama BD passed a ni tur a ni.
3. Academic programme-a zir diltute tan September 14, 2011.1:00 PM-ah General English leh Scripture Knowledge- ah written test neih tur a ni ang. A hmun- Hqrs Office.
4. Diltu zawng zawngte’n September 15, 2011.1:00PM-ah personal interview neih tur a ni ang.
5. Dilnaah chuan mahni zir tum discipline sawi chian tur a ni a, BD certificate leh marks sheet photo copy thil tel tur a ni.
6. Zir tumna college atangin mahni-a application form inngaihtuah tur a ni.
Baptist Kohhrante Asia khawmualpui huapa kan inthlunkhawmna, Asia Pacific Baptist Federation (APBF) inkhawmpui lian (Congress) chu September 4-8, 2012 hian Kuala Lumpur, Malaysia-ah neih a ni dawn a. BCM in palai leh Zaipawl intirh a tum bakah mahni insensoa kal duh an awm chuan an kal phalsak a ni a. Air ticket leh Registration pawh mahni inbuaipui tur a ni ang a. Kal tumte chu headquarters office-ah in report tur a ni tih kan inhriattir e.
Sd/- Rev.H. Lianngaia
General Secretary,
Baptist Church of Mizoram
ADVERTISEMENT
Nursing School, Christian Hospital Serkawna thawk turin Librarian (Substantive post) pakhat a ruak a. B.Lib.Sc. chinin dil theih a ni a. Dil duh chuan plain paper-a ziakin Kohhran lehkha leh Certificate thil telin a hnuaia hming ziak hnenah hian August thla chhungin dil theih a ni e. Hlawh chu BCM Pay Rules ang a ni ang.
Sd/- Dr. LALRAMZAUVA
Secretary,
Medical & Health Department Committee
Christian Hospital Serkawn
ADVERTISEMENT
1. BCM Medical & Health Department hnuaia thawk turin Diploma in X-ray Technology (2 year course) zir tur sponsore duh a ni a. Mipa, Class XII (Science) chin tan dil theih a ni. Dil duh chuan plain paper-a ziakin a hnuaia hming ziak hnenah dil theih a ni e.
2. BCM Medical & Health Department hnuaia contract basis-a thawk turin x-ray techincian mamawh a ni a. Medical Superintendent, CHS hnenah dilna thehluh theih a ni. Hlawh chu BCM pay rules ang a ni ang.
Sd/- Dr. LALRAMZAUVA
Secretary,
Medical & Health Department Committee
Christian Hospital Serkawn
LEHKHABU PE PHALTE TAN
St. James High School, Gongarai, Tripura chuan an school Library-a dah turin lehkhabu an rawn dil a. Mizo \awng lehkhabu pawh an duh vek a; pek tur nei chuan Headquarters Office-ah emaw, Executive Secretary Office-ah emaw, mahni remchanna hmunah dah theih a ni e.
MISSIONARY SUPPORT CHUNGCHANGA
MTKP HRIATTIRNA
TKP ten Missionary support kan pek chungchangah hriat fuh loh hlek kan nei thin a ni maithei a. Bial leh Unit TKP ten kan puala Missionary Support kan pek hi MTKP sumah a lut lova; BCM headquarters sumpuiah direct-in a lut nghal zel a ni. Receipt atang pawhin a hriat theih ang. MTKP hian kum khat atan Missionary Support hi Rs. 120,000 (Nuai khat leh sing hnih) kan pe ve thin a. Hei hi erawh chu Bial tin target pek atang hian budget dang kan siam ang thovin siam thin a ni.Bial leh Unit ten Missionary Support kan pek atanga pek erawh chu a ni lo. Kan tlin tawk ang theuhin Bial leh Unit atam thei ang ber Missionary Support pe chhunzawm zel turin MTKP chuan a beisei a ni.
Sd/- Rev.Samuel Lalremsanga
Organiser, MTKP
SUNDAY SCHOOL HRIATTIRNA
Sunday School chungchanga hriattur pawimawh kan tarlan tawh thenkhat kan han tarlang nawn leh e.
1. Pawl/Department tin zirlaibu BLS Bookroom hrang hrangah lei tur a awm e.
2. Nursery lehkhabu pawh a awm tawh a. Tin, Nursery chungchang hriattur pawimawhte Nursery lehkhabuah hian a ziaktu thuhmaah tarlan a ni a; chhiar ngun nise.
3. Kum 2011 atang hian Special Sunday School (Chakma) zirlaibu chu Chakma tawnga buatsaih a ni a. Puitling leh Baptisma zirlaibu, BLS Bookroom-ah lei theihin a awm bawk.
4. Sunday School-a kum 50 thawk tawh kumin Assembly-a medal dawng thei turte chu February 10, 2011 aia tlai lovah in report tur a ni.
Rev.B. Lalramhluna
Director,
Christian Education Department
LEHKHABU RO TLING
Mizorama Missionary Hmasa Ber. F.W.Savidge & J.H.Lorrain. An Sulhnu-Mizote Ro Hlu Bihchianna, tih lehkhabu chu AICS Research & Development chuan a tichhuak ta. He lehkhabu hi Pu Buanga leh Sap Upa-in Mizote tana an hnathawh hlutzia kawng hrang hrang atanga thlirna, mithiam tak tak 10-in an ziak dahkhawma a ni. BCM Book Room hrang hrangah zawrh a ni. Lehkhabu ro tling, Rs. 100/- man chauh a ni e.
SUNDAY SCHOOL HMING LAMNA
Kum thar 2011-a hman tur Sunday School hming lamna bu lei theihin a awm ta a. Aizawl, Lunglei Bazar, Serkawn, Tlabung, Hnahthial leh Lawngtlai BLS Bookroom-ah te lei theih a ni e. A man rs. 15/- a ni. Tin, bu khat hi kum thum daih tura ruahman a ni a; kum 2012-ah a hran kan siam tawh dawn lova; uluk deuhvin kan hmang dawn nia.
Sd/- Rev.B. Lalramhluna
Director, Christian Education Department
MIZORAM KOHHRAN HRUAITUTE COMMITTEE PRESS RELEASE
Mizoram Kohhran Hruaitute Committee (MKHC) chuan mi \henkhatin tun laia India ram chhiarpui (Census-2011) sawrkarin a neih mek, Sakawlh nen sawi zawma mite an sawi\haih avanga Census-a tel duh lo eng emaw zat an awm tih a hriatin pawi a ti a. Kohhran mipuite hnenah he thuchah hi a siam a ni.
1. India ram hian kum 10 danah Chhiarpui a nei \hin a, tuna chhiarpui hi a a vawi 15-na a ni tawh a. Tu mahin sakawlh nen an la sawi zawm ngai lo va, tuna chhiarpui pawh hi kan Bible-in a Sakawlh a sawi nena sawi zawm thar phut chi a ni lo.
2. Chhiarpui neih ruala National Population Registration siam mek leh Unique Identification (UID) pawh hi sakawlh chhinchhiahna a ni lo. Thupuan 13:18 in a sawi sakawlh nambar 666 hi chu sakawlh chhinchhiahna neite tana in\awm tlan vek tur a ni a. Tuna UID erawh hi chu nambar inang lo \heuh, kum 15 chin chunglam, a duh apiangte tan chauh hman tur a ni a, sakawlh nambar nen ngaihpawlh loh tur a ni.
3. Kan Bible-in sakawlh a sawi, Dan Bawhchhepa tia a sawi bawk chuan Pathiana an vuah apiang leh sakhua zawng zawng a do dawn a (II Thesalonika 2:3-4) , India sawrkar erawh chu a khua leh tuite tana sakhaw zalenna zau tak siamtu leh sakhaw hrang hrang betute humhalhtu a ni a, sakawlh nena sawizawm chi a ni lo.
4. Pathian thu nen a inkalh anih chauh loh chuan kan chunga roreltute thuzawm hi ringtute tih tur a ni a; India sawrkarin chhiarpui a kalpui mekah pawh hian hlauhthawnna nei lova, sawrkar hmalakna lo \awiawm vek turin Kohhran mi zawng zawngte MKHC chuan a ngen a ni.
Sd/-
REV. C. CHAWNGLIANA
Chairman, MKHC
Sd/-
REV. C. CHAWNGLIANA
Chairman, MKHC
NAUPANGTE THIAN AGENTS LEH KNP SECRETARY TE HRIATTIRNA
Kum 2010 hian Naupangte Thian hi vawi hnih chiah a la chhuak a, pawi kan ti hle. regular tak leh tha taka kalpui a nih theih nan Editorial Board din thar a ni a, heti angin:-
Editor : Pi Irene Colbert Joint Editors : Pi Vanlalngaii, Pi Lalthangmawii chhangte leh Pi PS. Lalhmingthangi Cir. Managers : Rev.R. Lalbiakliana, Director, FOD
A copy kan sem chhuah dan pawh tih thar vek tur a ni a. Chuvangin Agent Address chiang tak leh lak zat bakah a man pek tawh dan chiang takin Circulation Manager hnenah hriattir tur a ni. July 2010 atang chuan in report te hnenah chauh thawn tum a ni tawh ang. Kumin atana Missionary laksak, a man pe tawh kan awm chuan hriattir bawk a ni e. Unit report, Hawilopar leh thu chhuah tur nei chuan Editor/ Circulation Manager hnenah thawn tur a ni. Hriattirna hi lehkha emaw, phone emaw SMS in a hnuaia mi hnenah hian tih tur a ni.
.jpg)
