Aug 9 2012
BCM News
HATIM Pual Proggramme:
BCM Education Department chuan HATIM Campus Development drive atan August 12 & 26 hian Lunglei khawpui chhung Kohhran hrang hrang 20-ah hun an hmang dawn a. August 12, a thawhkhatnaah hian Electric veng, Gilgal, Kikawn, Zotlang North, Farm veng, Moria, Edenthar, Chanmari VT. leh Gosen Biak inah te hun hmang tura beisei a ni.
M.Th. zir zo:
Kan pastor-te zing atangin tun hnaiah Rev. Lalmuanzuala Sailo, AP Far East field Director chu Church History-ah First Class leh Rev. James Zorammawia, Mamit bialtu pastor chu Social Analysis-ah (High) Second Div.ah M.Th, tha takin an zo.
R&D ah Microscope Training mek:
BCM Relief & Development Department chuan July 3, 2012 atang khan Microscope Training an buatsaih a. Tun tumah hian khaw 14 atangin mi 14 an training a; ruahman lawk dan chuan naktuk, August 13 hian Graduation programme buatsaihin training-a tel te hi Microscope pek vek tum a ni.
Mission News:
Tun Pathianni August 12 hmang hian Thaizawl Kohhran chuan Mission Convention an nei dawn a, speaker Missionary, Pu Lalnghakmawia, Phairuangkai a ni ang. Lunglei Luangmual Kohhran member 13 te chuan Putlungasih-a Headmaster Quarters sa-in July 30, 2012 khan kalin Work Camp an nei bawk.
Zotlang Bial Worship Seminar
Zotlang(Lunglei) Pastor bial chuan nimin August 11, 2012 khan Zotlang Biak inah Bial chhung Upa leh Rawngbawltute, FOD hruaitute leh zaihruaitute pualin Worship Seminar an nei dawn a; Worship & Music Director, Rev.R. Lalbiakliana’n a hmanpui ang.
Tuak 29 Innei tha
Saiha bialtu Pastor, Rev.K. Lalbiaksanga chuan August 4, 2012 khan a bial chhung Saiha Town Church-ah nupa tuak 29 innei tha a kutsuih.
KNP Inkhawmpui & Camping
Saiha Town Church-ah vek hian Aug.11-12 hian KNP inkhawmpui an nei mek a; speaker atan Pro Pastor, J. Lalpiantluanga an hmang. Zohnuai KNP pawhin Aug.9-11 hian an Rawngbawltu, Pu C. Lalkima hovin Camping an nei dawn a, hetiang bawk hian Salem(Lli) KNP chuan Pu C. Lalbiakthanga hovin tunkar chhung hian Camping an nei.
Beirual Thuzir – Thianghlimna
Publication Board chuan kumin Beirual Thuzir – THIANGHLIMNA chu a peih ta a; thawn chhuah mek a ni. Kohhran tinin tihtakzetin i zir leh hlawm teh ang u. September 1-15 chhung chuan tu Kohhran mahin thuzir aia dah pawimawh zawk programme dang nei lo tura beisei kan nih hlawm kha.
MBKHP Hruaitute Kawrthah Bialah
Vawiin Pathianni hmang hian MBKHP hruaitute chu Kawrthah bial Tuidam-ah an fehchhuak a. President/Organiser hovin Exe. Comt. member, Pi Lalmalsawmi Sailo leh Pi Lalremsiami te an kal.
Crusade/ Camping Programme
Tunlai hian kan Evangelist team hrang hrangte rawngbawla an ch>tch^nna BT in kan hriat theih chin hetiang a ni.
Mizoram For Christ (Speaker: Evan. Tlangmawia) Bungtlang South Kohhranah.
Ambassador For Christ (Evan. K. Lawmsanga) Hmar Chaltlang Kohhranah an tan leh mek bawk
Gospel Messengers (Evan.B. Lalthanliana) Aizawl Chanmari Kohhranah.
Exodus team (Evan. Lalrosiama Hnamte) Lawngtlai College Vengah (LIKBK nen inkawpin)
Riangvaite Thian (Speaker: Evan. H. Dochhunga) Serte Kohhranah Camping an la nei kal zel.
Evangelical Revivalistic Ministry (Speaker: Evan. David H. Lallawmkima) YLA buatsaihin Lawngtlai Council vengah.
Gospel Herald (Evan. Lalhuliana Chhangte) Serchhip Kohhranah.
