Nov 25 2011
Mission News (Updates)
BCM Upa leh Pastor te Field tlawh :
Mission hotute tirha BCM Upa 16 leh Pastor 4 Arunachal tlawha kal te chu an la tluang zel a, Arunachal East Field an fang mek. Dam leh tluang taka an kal a, an tlawh Missionary-te leh kohhran te tan malsawmna an nih theih nan i tawngtaipui ang u.
Work Camp :
1) Sethlun kohhran member 22 chuan St. James H/S, Tripura an sakpui mek.
2) Sethlun Unit TKP member te pawh Nazareth Comp. H/S, Vathuampui kawt laih zawlpuiin an Work Camp mek.
3) Bazar BMP member 8 chuan Hezamara-a Pu C. Lalthawmliana, Evan. quarters an sakpui mek.
4) South Vanlaiphai kohhran pawhin Samuksuri Chakma Biak in an sakpui mek. v) Hrangchalkawn Bial Mission comt. tirh mi 22 ten Tuichawnga Missionary quarters an sakpui mek.
5) Tawipui ‘S’ kohhran Mistiri 10 leh eirawngbawl tur mi 2 te chu Arunachal East-a Rega Biak in leh Mebo Biak in sakpuiin an thang mek bawk.
6) Kar hmasa khan Chanmari Unit TKP te chu an Bialtu Pastor Rev. LB Khawpuimawia hovin Putlungasih H/S compound laih zawlpuiin an zuk thawk bawk.
Zohnuai BMP Work Camp kal chesual :
Zohnuai BMP Unit member 18 Bolisora-a Primary School sa tura motor 407-a kal te chu Nov. 22, 2011 Thawhtan zan dar 6 vel khan Vathuampui kawng, Chikhurlui thlen hmain, khuar an helna lamah an chesual a. Vanduai thlak takin Zohnuai BMP President Pu R. Rohmingthanga (65) chu a hmunah ka chhawn lohvin a thi. Nl. Lalzamveli chu a banruh a tliak a, a pum leh beng a hliam bawk; mipa dang 5 hliam bakah Tv. Kandra Joy, Evan. Longpuighat Circle, tuna BCM Hqrs.-a Chakma Bible letlinga awm, BMP te hruaitu pawh a hmui a kak. Hliam tawkte an dam theih nan leh Pu Rohminga nupui fanaute’n Lal Isua thlamuanna an chan theih nan i tawngtaipui ang u.
Mission Convention :
1) Nov. 18 – 20, 2011 khan Moria, Rahsiveng kohhran chuan Mission Convention an nei a, Pu C. Pachhunga, BCM Missionary, Yingkiong, Arunachal East Field-a thawk chu Speaker-ah an hmang. BCM Audio-Visual worker Pu C. Lalengkima’n Projector hmangin Mission Focus a neihpui a, kohhranten hlawk an inti hle.
2) Hemi rual vek hian Rev. V. Vanlalchhunga, BCM Upper Republic Bialtu Pastor chuan Chhipphir kohhran chu Mission Convention a neihpui bawk.
3) Nov. 25 – 27, 2011 hian Bunghmun Pastor Bial Mission Convention, Bunghmunah Rev. Dr. K. Lalrinthanga, AGS i/c Mission chu Speaker a ni.
4) Nov. 25 – 27, 2011 vek hian Lungchem Pastor Bial Mission Convention chu Changpui kohhranah neih a ni a, Rbt. H.S. Lalhmingthanga, BCM Mission Promoter chu Speaker a ni. Thupui chu – Marka 16:15 ‘Chanchin Tha hi hril rawh u,’ tih a ni.
Rotlang West programme : Upa Dengdailova te Team chu BBC kohhran Rotlang West-ah rawngbawlin an awm mek. Pathian malsawmna i dilpui ang u.
Ringthar pung zel : BCM Mission Field-ah ringthar Baptisma chang an pung zel. Kan hriat theih chinah – i) Tun hnai khan Khumulung, Sadar ‘N’ Assn., Tripura Field-ah ringthar 23 laiin Baptisma an chang. ii) Arunachal West-a Naharlagun leh Silapathar-ah hmanni lawk khan mi 15 in ringthar Baptisma an chang bawk. Lawmthu i sawi ang u.
