HATIM-in Bus thar 2 Pathian hnenah hlan

BCM President-in a hlan

BCM President-in Pathian hnenah a hlan

Higher and Technical Institude, Mizoram(HATIM) chuan mamawhna san avangin Bus thar pahnih an neih belh leh ta. He Bus thar hi nimin July 1, 2015 chhun dar 12:00 khan BCM Office kawt-ah BCM President, Rev. C. Ngurhnema’n Pathian hnenah a hlan a, HATIM Principal, Dr. Chawngthanpari’n Bus lei dan leh an mamawh dan report a pe bawk. Heng Bus thar hi pakhat man Rs. nuai 17 chuang hret niin Registration tih fel vek a ni tawh bawk. HATIM Bus lai thar pahnih hi BCM Assembly-in a lo remtih angin Loan puk a lei a ni a, tuna an hman lai pahnih (A hlui) te nen a vaiin bus pali an nei ta a ni.

HATIM hian Lunglei Chanmari-a Centenary Building luahin an la kal mek a. Hostel atan a chhehvela building an luah hawh bawk a, Tunah hian Kawmzawl-ah Campus thar buatsaih mek a ni a, ngawrh takin hna an thawk a ni. Campus thar-ah hian Girls Hostel leh Boys Hostel sak mek a ni a, September thla hmalam hian Hostel te hi luah fel theih beisei a ni bawk.

Principal, Dr.Chawngthanpari'n Report a pe

Principal, Dr.Chawngthanpari’n Report a pe

Mizorama Christian College awm chhun HATIM hi kum 2007-ah hawn tan a ni a, University Exam an hmachhawn tawh-ah te Topper leh Top Ten ah an lang deuh zel a, tunah hian Permission neiin College pangngai tak an ni chho tawh a ni. HATIM-ah hian BCA, B.Com leh B.A-English zirna te hawn mek a ni a, zirlai 100 chuang zet an awm mek a ni.

 Hatim Bus3

Read More – About HATIM:

Posted in BCM News.

admin