HATIM-in Thanks Giving Day hmang dawn

12790873_1122874311065139_7955962336909793086_n

HATIM Chanmari (Gilbert Renthlei)

Naktuk chawhma dar 10:00 atang hian Higher & Technical Institute of Mizoram (HATIM) chuan Thanks Giving Day,

Serkawn Biak In-ah an hmang dawn. He inkhawm hi Dr Chawngthanpari, Principal HATIM-in a kaihruai ang a, Campus Choir, T. Lalrinmuana, Ladies Band HATIM leh Men’s Band HATIM te an zai ang a, Rev Dr K. Thanzaua leh Rev H. Sangchema ten thu an sawi dawn bakah a duh apiang thu sawina hun hawn a ni ang a, Hriatrengna lung hawnna Rev Lalbiaksanga Chinzah in a nei ang a, Rev H. Lianngaia’n malsawm tawngtaina hun a hmang ang.

Chawhnu lamah Sunday School Hall-ah hun hman ani ang a. He hunah hian HATIM Drama Club ten lemchan ‘Beauty is a Beast’ by Theatron chu an entir ang a, tlai dar 3 atangin ruai theh a ni ang. (Scr: Lunglei Chanchin thar)

Ps: Mizorama Christian College awm chhun Higher & Technical Institute of Mizoram (HATIM) hi kum 2007-ah hawn tan a ni a, University Exam an hmachhawn tawh-ah te Topper leh Top Ten ah an lang deuh zel a, tunah hian Permission neiin College pangngai tak an ni chho tawh a ni. HATIM-ah hian BCA, B.Com leh B.A-English zirna te hawn mek a ni a, zirlai 100 chuang zet an awm mek a ni. (mizobaptist.org)

Posted in BCM News.

admin