Weekend News

MBKHP Hruaitute Programme:

# Tunkar Inrini leh Pathianni (July 19-20, 2014) hmang hian Phaithar Pastor Bial chuan Kohhran Upa leh Rawngbawltu Nupui Seminar an nei dawn a. He mi a hmanpui tûr hian MBKHP Organiser Pi PS Lalhmingthangi bakah Pi B.Lalremsiami leh Pi K.Zodinpuii MBKHP Ex.Committee Memberte an kal ang.

#Tin, July 27, 2014 Pathianni khian Saiha East leh Saiha ‘W’ bialah MBKHP Hruaitute Chhawmdawlna In awarness Campaign neiin Saiha khawpui chhûng kohhran hrâng hrângah hun an hmang bawk ang.

Social Concerned Department che chhuak:

Tunlai hian kan rama ruihlo tha lo leh hlauhawm tak Khehpuam (PseudoEphedrine ) leh ‘Meth’ (Meth-Amphetamine) an tih mai lo lût mêk leh thalai ten an chhiatpui mêk chungchânga zirtirna leh hemi laka thalaite an fihlim theih nân Rev. Lianchhunga Khiangte, Organiser, Social Concerned Department chuan Lunglei khawpui chhunga School hrang hrangah hun a hmang mêk a. Power Point Presentation hmangin he ruihhlo thatloh zia leh hlauhawm zia zirtirna a pe thin a ni.

Fakna inkhawmpui:

Diltlang Pastor Bial chuan tunkar July 17-20, 2014 chhung hian Diltlang Kohhran-ah Fakna Inkhawmpui cum Sports Meet an hmang dawn a. Speaker-ah Bialtu Pan hmang ang.

General Secretary lo haw:

BWA General Council Meeting- July 6-12 hmanga Izmir, Turkey-a kal, General Secretary, Rev. H. Lianngaia chu nimin, July 15, 2014(Nilaini) khan Headquarter Serkawn a rawn thleng leh ta. BWA General Council rorelna hi July 7-11 chhungin nitin neih thin a ni a. He Council-meeting hian Kum 2015-2020 chhung BWA President thar atan Ngwedla Paul Msiza. South Africa chu a thlan g a, hei bakah hian Vice President thar atan mi 12 thlan an ni bawk. (Read More)

BHSS-in Bus thar neih belh:

BHSS chuan School mamawhna san avangin Bus thar an neih belh leh ta. He Bus thar hi tukin dar 10:00 khan BCM Office kawt-ah General Secretary, Rev. H. Lianngaia’n Pathian hnenah hlanin tawngtaina a hmang a, a hmangtu tur BHSS kutah hlan nghal a ni. (Read More)

BWA President thar:

Khawvel puma Baptist Kohhran inzawm khawm – Baptist World Alliance (BWA) General Council Meeting, Izmir, Turkey-a July 6-12 chhunga neih chuan BWA President 2015-2020 atan South Africa mi Ngwedla Paul Msiza (53) chu an thlang (Read More)

HATIM Result tha:

Tunhnaia Mizoram University (MZU) hnuaia college hrang hrang Bachelor degree result a tichhuah takah khan Mizoram Baptist Kohhran College, Higher And Technical Institute of Mizoram (HATIM) chuan Pathian zarah hlawhtlinna ropui leh chhuanawm tak tak kan dawngin kan chang leh ta a, Department hrang hranga zirlaite an passed vek pakah Top-ten-ah engngemawzat an lang.. (Read More)

Evangelist te Programme

Mizoram Evangelical Ministry (Speaker :Upa R.L.Thianghlima) Aizawl Edenthar Kohhranah Camping an neih hnuiin, nilai zan thleng Crusade an la chhunzawm ang.

Gospel For All (Speaker: Upa F.Lalnuntluanga) ten Zotlang Kohhranah Camping leh Crusade an nei mek.

Mizoram for Christ (Speaker: Upa C. Tlangmawia) ten Lunglawn Kohhranah rawngbawlna an la neih chhunzawm zel.

Mizoram Evangelical Revivalistic Ministry(Speaker:

Evan.David Lallawmkima) te chuan July 15 atang khan Lawngtlai Vengpui Kohhranah Camping leh Crusade an nei mek.

Posted in BCM News.

admin