ṬKP Gilgal Unit  ten HATIM Campus ah Hnatlang an nei.

March 27, 2021 khan ṬKP Gilgal Unit, Theiriat chuan Campus chhung kawng thar ṭhenkhata phah tur lung (boulders) chhutkeh hna thawkin an hnatlang an thawk a. TKP member member 45 zet thawk chhuakin boulder trip 4 zet an chhu zo hman a ni.

HATIM Proincipal, Pu V. Vuansanga chuan – Hnatlang thawk thinte chunga lawmthu sawi in hmalakna kal mek te a tarlang a. Tun dinhmunah Academic Block ‘C’ tur sak tan tum mek a nih thu te, he building sak hna hi BCM Property Department hmalaknain bank loan hmanga sak tum a nih thu te tarlangin, hemi bakah hian hmachhawp hnai zual zingah Principal Quarters  leh Staff Quarters  sak thuai tuma hma lak mek a nih thu te,  internal roads hmun engemaw zatah siam hmabak a la awm thu te a tarlang.

Hetiang hmachhawp tam tak an neih lai hian thil man leh hlawhfa rate te a lo san zel avangin kohhran hote a ṭul ang ang thawk a an lo hnatlang ṭhin hian sum tam tak senna tur a lo sukiang thin chu lawmawm a tih thu Principal hian sawiin, HATIM hmasawn zelna atana infrastructure development atana hmalakna te tluang tak leh sawt tana a kal zel theih nan kohhrante ṭawngṭaipui zel tura ngenin, theihtawpa tang ho turin a sawm nhgal bawk.