Buhfaitham Pathianni – April 25

Tunkar Pathianni, April 25, 2021 hi Mizoram Baptist Kohhran Ni pawimawh (Special Sunday) “Buhfaitham Pathianni” a ni a, thupui Sem darh chu pun lehzualna a ni”. (Thufingte 11 : 24a) tih a ni ang.

Kum 1973 Assembly chuan Buhfaitham rawngbawlna hi Tualchhung Kohhran kutah a dah a, BKHP ten an khawn a, Kohhranin a buaipui thin. Kum 1982 atang in Assembly-in BHKP kutah mawhphurhna zawng zawng a lo dah ta a. Sum tling khawm te chu Tualchhung Kohhran kaltlangin Ram thim (Mission) lamah chhûn luh thin a ni.

Finance Department-in a tarlan danin kum 2020-2021 Financial Year chhunga Buhfaitham atanga BCM sum hmuh chu a vaiin cheng nuai 906, sing 8, sang li leh 756 (Rs. 9,06,84,956/-) a ni a. (Hei hi Audit fel a la nih loh avangin la danglam thei a nih thu a tarlang bawk)

Buhfaitham lo chhuah dan

Kum 1908-ah Khasi rama nu pakhat chuan ‘chaw chhum apiangin buhfai vei khat lek lekin dah hrang ila, Hei hi chhungkaw tinin kan tih chuan nasa takin hna a thawk thei ang’ tih rinna a nei a, a ti nghal ta a. Rei lo te chhungin Khasi ram luan chhuak nghalin, Mizoram pawhin kan lo la chhawng ve ta a ni. BCM-in buhfai kan tham tan kum hi F.W Savidge (Sap Upa) Report-a a lan dan chuan kum 1915 a ni.

Kum 1973 atangin BCM Assembly chuan buhfaitham rawngbawlna hi BKHP kutah a dah tan in, BKHP te hian an khawn a, Kohhran in a buaipui thung a ni. Kum 1982 atang chuan mawhphurhna zawng zawng BKHP kutah dah alo ni ta a, a khawn leh buaipui zawng zawng pawh BKHP te kut ah a awm ta a ni.

Buhfaitham atanga sum hmuh chu Tualchhung Kohhran kal tlangin Mission lamah chhun luh a ni thin a ni. Thahnemngai taka buhfaitham thimtute avangin hma kan sawn zel a. Kum 2020 – 2021 a buhfaithama kan hmuh zawng zawng chu  Rs. 9,06,84,956.00/  a ni.  Kum hmasa, 2019-2021aia a sanna chu Rs. 54,62,048.00 a ni.

Kum 2011 atanga BCM-in Buhfaitham atanga thawhlawm kan hmuh dan  hetiang hi a ni:-

Kum   Sum hmuh zat Punna
2010 – 2011  – 2,34,44,300.00 44,48,748.00
2011 – 2012  – 2,88,03,599.00 53,59,299.00
2012 – 2013  – 34,895,771.00 60,92,172.00
2013 – 2014  – 40,739,775.00 58,44,004.00
2014 – 2015  – 47,558,569.00 68,18,794.00
2015 – 2016  – 55,483,671.00 79,25,102.00
2016 – 2017  – 61,170,221.00 56,86,550.00
2017 – 2018  – 66,894,786.00 57,24,565.00
2018 – 2019  – 7,48,47,036.00 79,52,250.00
2019 – 2020  – 8,52,22,908.00 1,03,76,502.00
2020 – 2021  – 9,06,84,956.00 54,62,048.00