Hospital Report July 2017

  Medical Superintendent, Christian Hospital Serkawn hnen atanga kan dawn danin Christian Hospital Serkawn-ah July 2017 chhung khan OPD-ah mi 2198 inentir awmin an zinga 310 admit an ni a, nau piang 38 an awm laiin, mitthi 5 an nei thung. Report kimchang hetiang hi a ni:-

Weekend Programme

Praise Gathering #TKP Serkawn Unit buatsaihin Zanin, August 11, 2017(Zirtawp zan dar 7:00) hian Serkawn Biak in ah PRAISE GATHERING neih tur a ni a, a thei apiang tel turin kan sawm.. Zaithiam tak2 zai ngaihthlak tur a awm dawn bakah, Lalpa Fakna leh Chibaibukna(Praise & Worship)  hun hman a ni bawk ang.

ZBMS, Birpara-in Landlease Hmu ta:

Kohhranhoten nasa taka Pathian hnêna kan dîl thin Birpara Mission Campus Landlease chu Sorkar lam atangin August ni 3, 2017 khan tihfel a ni ta. Hun rei tak atanga an lo buaipui thin, Landlease hi  hmuh a harin nasa takin an bei tawh bawk a.

CMC Vellore Emergency Council Meeting-ah kal

Christian Medical College, Vellore, Emergency Council Meeting vawiin, August 10, 2017-a neih mekah BCM aiawhin Upa Dr. B. Laldinlliana, Medical Superintendent, Christian Hospital Serkawn chu August 8, 2017-(Thawhlehni)-a Medical Committee neihzawh veleh hmanhmawh takin Vellore panin a kal nghal a, Meeting zawh veleh a lo thlawk haw leh nghal ang.