SS kum tawp Exam

Tun Pathianni lo thleng tur, December 3, 2017 hi Mizoram Baptist Kohhran, Christian Education Department chuan Sunday School kum tawp exam hun atan a ruat a. Pathianni Chawhma Inkhawm banah Exam hi neih a ni ang.  Zirlaite thahnemngai leh dik taka exam turin kan in sawm thar leh a ni.

Bible Sunday-December 3

December 3, 2017 (Pathin Ni) hi khawvel huapa kristiante ni pawimawh “Bible Sunday” a ni a, Mizoram Baptist Kohhran pawhin he Ni hi urhsun taka hmangin, Chawhma Inkhawm-ah Headquarters atanga Progamme siam angin Kohhran tinah hun hman a ni ang. Kumin Bible Sunday thupui atan “Thu (Pathian thu) chu hril rawh.” tih hmangin thuchahngaihthlak a ni […]

AICS-ah Mission Programme

November thla chhung hian AICS-ah Missionary Training lai (mi 5) te tan Programme hrang hrang kalpuiin hma an la mek a, Missionary te tana tul leh pawimawh tak tak Practical-in an zir a ni.

R & D in Hriselna lam inzirtirna nei

Nimin, November 28, 2017 khan Mizoram Baptist Kohhran, Relief & Development Department chuan R & D Hall, Ramzotlang, Serkawnah Hriselna lama hma kan sawn theih na turin ‘Community Health Awareness” Program a buatsaih a. Hetah hian hmeichhe hriselna te, tunlai natna tlanglawn (Dengue,Scrubtiphus, Hepatitis), Zun thlun (Diabetes) chungchang te in zirtirna hun a buatsaih a.

Assembly Committee lian pathum meeting zo

Mizoram Baptist Kohhran, Assembly Committee lian pathum – Mission, Service  leh Central Committee te chu November 21 -28 chhung khan Sap Upa leh Pu Buanga Hall, Serkawn-ah Meeting an nei a. Tarlan tawh ang khan heng Committee hrang hrang te hi ni hnih awh theuh Meeting tura ruahman chu nikhat theuh-ah an zo thei vek a ni.

CHS Staff-te Retreat dawn

Christian Hospital Serkawn chuan November 28 atanga December 1 thleng hian Hospital-a thawktu te leh Nurse Student te pualin Retreat an buatsaih dawn a, Speaker Rev. Dr. V. Laldingliana a ni ang. He Retreat thupui tur chu “Thahnemngai rawh” II Tim 2:15 a ni.

Weekend News

Academy of Integrated Christian Studies,(AICS) chuan Vawiin, 23 leh naktuk 24, November 2017 awh hian an zirlaite pualin Seminar Hall-ah Career counseling an buatsaih a. He programme hmingah hian Seminar on Career Counseling for Theological students tih a ni.

Rualbanlote Ni hmang dawn

Tunkar Pathianni, November 26 hi Mizoram Baptist Kohhran Ni Pawimawh (Special Sunday) – “Rualbanlote Ni” a ni a. Hemi ni pual hian Mizoram Baptist Kohhran tinah Pathianni Chawhma Inkhawm hun hman a ni ang. Kumin Rualbanlote Ni thupui-chu “Chhuak la lamlianah te, daiah te kal la, ka in khah nân mi han thlêm lût hrâm rawh” […]

Assembly Committee ten Meeting nei chho mek mek

Mizoram Baptist Kohhran hnuaia Department Committee hrang hrang ten October thla atang khan Committee meeting an nei chho a. Department te an in zial fel hnu-ah Assembly Committee lian pathum – Mission, Service  leh Central Committee te chuan tunlai hian Sap Upa leh Pu Buanga Hall, Serkawn-ah Meeting an nei veleh mek bawk.

Sunday School zirlaibu lei theih

Sunday School zirlai 2018 Beginner-Senior ‘A’ chhut zawh tawh a ni a, BCM Bookshop-ah lei theihin a awm tawh e. Senior ‘B’ zirlai (Joba) chhut mêk a ni a, November thla chhûngin zawh fel beisei a ni bawk. Zirlai bu man a hnuaia mi ang hi a ni e.

MBKHP Pandal sa țan

Mizoram Baptist Hmeichhe Pawl (MBKHP) Inkhawmpui, February 1-4, 2018-atan a dawlna tur Pandal chu nimin, November 20,2017 khan Lunglawn mualah sak țan a ni ta. Pandal hi YMA Sub Hqrs Lunglei pandal structure hmanga sak a ni a, a chhûngah mi 6,500 nuamsa taka țhut theihna tura ruahman a ni.

Lydia Project hnuaiah Pangpar siam training

November 16-17, 2017 khan Mizoram Baptist Kohhran, Relief & Development Department chuan Lydia Project hnuaiah Aizawl area a Self Help Group te tan Skill Development Training on Artificial Flower Making a buatsaih a. He training ah hian Aizawl area veng/khua hrang hrang a atangin Self Help Group aiawh mi 20 te zirtirna pek an ni. SHG […]