Hospital Report- June 2018

Medical Superintendent, Christian Hospital Serkawn hnen atanga kan dawn danin Christian Hospital Serkawn-ah June 2018 chhung khan OPD-ah mi 2028 inentir awmin an zinga 280 admit an ni a, nau piang 28 awmin,mitthi 8 an nei thung. Report kimchang hetiang hi a ni:-

BHSS changtlung chho zel

Baptist Higher Secondary School, Serkawn chuan Science zirna tih changtlun nân Atal Tinkering Laboratory fund Nuai 12 an hmu a. He sum hi Laboratory equipment leh room maintainance atâna hman chhoh mêk a ni. Hei bakah hian activities hrang hrang neihna tûr atâna tih a ni bawk.

President leh Gen.Secretary lo haw

July ni 1-7, 2018 chhunga Baptist World Alliance Council Meeting Zurich, Switzerland-a kal, Rev.Lalbiaksanga Chinzah, BCM President leh Rev.F.Ramdinmawia, General Secretary te chu tluang takin Headquarters an lo thleng leh ta.