Mission Field Accounts Audit zo ta

Field Audit 2019

BCM Mission Field Accounts Audit June 3,2019 atanga neih tan chu tluang taka zawhfel a ni ta. Mission Fields Auditorte te, Upa K Lalrohlua, Pu Lalrammuana Sailo leh Upa JL Hmingthanga te chu Guwahti Region Mission Field accounts an zawh audit zawh veleh Kolkata lamah chhuk thla lehin, Kolkata Region hnuaia Misssion Field te –  MP&MS, Jharkhand Field, leh North India Mission Accounts te an Audit leh nghal a, audit hi tluang taka neiin June 12(Nilaini) khan Headquarters  an lo thleng ve leh ta. Continue reading Mission Field Accounts Audit zo ta

Non-Mizo Mission Field hawng dawn

Rev.B.Zirsangliana Director, Non-Mizo Mission Field

Mizoram Baptist Kohhran Assembly 2019-in Non-Mizo Mission chu chak leh hlawk zawka kalpui a nih theih nan Field Director  enkawlna hnuaiah Mission Field pangngaiah dah ni se ti-a a lo rel bawhzuiin ruahmanna kalpui a ni a.  Tunkar Pathianni, June 16, 2019 hian Mizoram Baptist Kohhran Biak In, Venglai, Lunglei-ah Non-Mizo Mission Field hawnna leh Field Director tirhchhuahna Inkhawm buatsaih a ni ang. Continue reading Non-Mizo Mission Field hawng dawn

RELIEF SUNDAY (June 16,2019)

Kauchhuah-ah tuilian tuarte tanpuina sem lai

Tunkar Pathinni–June 16, 2019 hi Mizoram Baptist Kohhran Nipawimawh “Relief Sunday” a ni a. Mizoram Baptist Kohhran Biak In tinah he Ni pual hian Pathianni chawhma Inkhawm hun hman a ni ang. Kumin Relief Sunday Thupui chu “Pe rawh u, tichuan pekin in awm ang”. (Luka 6:38) tih a ni ang a, Hemi nia thawhlawm hi BCM Charity Fund-ah dah turin Bial kaltlangin Headquarters-ah thawn tur a ni ang.

Continue reading RELIEF SUNDAY (June 16,2019)

Weekend Programme

Gosen Kohhran leh Biak In thar President-in a hawng

President-in Kohhran thar leh Biak In thar hawng

May 7, 2019 (Zirtawpni) chawhma dar 10:30 khan  Thenzawl – Tualvungi vêngah Thenzawl Pastor Bial Kohhran 5-na atân BCM GOSEN Kohhran chu Rev. PC. Liandula, President, BCM in a hawng ta. Kohhran thar hawn rual hian Biak In thar an luah tur chu a hawng nghal bawk.  He Kohhran hawn thar, BCM Gosen-ah hian Chhungkaw 24 awmin Member 95 an awm a ni.

Continue reading Weekend Programme