HATIM Admininistrative Block sa tan

Admn Block sakna turah Bazar Bial  TKP Hnatlang

Higher and Technical Institute of Mizoram (HATIM), Kawmzawl Campus-ah hma lak chhoh mek tamtak zingah Administrative Block (Block ‘C’)  chu sa tura hma lak chhoh tan mek a ni a. Ban khur JCB-in a laih chu a siamrem hna, hnatlâng hmasa ber thawkin Bazar Bial TKP Member engemaw zât chu Dt 24.8.19 (Inrinni) khan an hnatlâng. Continue reading HATIM Admininistrative Block sa tan

Tuipuiah tui luang hmanga rawngbâwlna:

Tlabung TKP ten rawngbawlna

Tlabung Unit TKP te chuan tunkar  Pathian ni, August 25, 2019 khan Khawthlang Tuipuiah tui luang hmanga rawngbâwlna an nei. Tlai lam dâr 3:40 vêlah Missionary kai atanga engine lawng hmanga TKP member 30 vêl kal chhuak te chuan Bangladesh ramri dep, Thekaduar thlang lawk, BGB (Border Guard Bangladesh) Camp Opposite-ah tlai dar 4:30 vêl khan Tuiluang hmanga rawngbâwlna hun duhawm tak an hmang. Continue reading Tuipuiah tui luang hmanga rawngbâwlna:

JBS Zirlai ten thisen pe

Serkawn: 29th August 2019:

Vawiin August 29, 2019 (Ningani) chawhma dar 10:30 kha Jubilee Bible School, Ramzotlang, Serkawn chuan Christian Hospital, Serkawn-a damlo mamawh apiangte hman atan thisen unit 9 an pe. JBS zirlaite hian Christian Hospital-ah kal chilhin Blood Donation room-ah thisen hi an pe a ni. Kumin May thla kha JBS zirlai tam zawkte chuan Christian Hospital-ah vek hian thisen an lo pe tawh a, tuntumah hian khami tuma la pe ve lo ten an pe ve leh a ni.

Continue reading JBS Zirlai ten thisen pe

Assembly Executive Committee Meeting zo ta

Assembly Executive Committee August, 2019

28th August, Serkawn:

Mizoram Baptist Kohhran Assembly hnuaia Rorelna sang ber, BCM Assembly Executive Committee Meeting chu vawiin, August 28, 2019 (Nilaini) zing dar 10:30 khan  BCM Conference Hall thar, BCM Office, Serkawn-ah neih a ni. Meeting hi BCM President, Rev. PC Liandula’n a kaihruai a, General Secretary Rev. F. Ramdinmawia’n Department hrang hrang report tlangpui a pe.

Continue reading Assembly Executive Committee Meeting zo ta

“Eye Donation Forthnight on Eye Donation” pualin hun hmang

Vawiin, August 26,2019 Chawhma dar 10:30 khan Christian Hospital Serkawn OPD kawtzawlah 34th National Fortnight on Eye Donation pualin hun hman a ni.

He hun hi Dr Lalramzauva, Medical Superintendent, Christian Hospital Serkawn in kaihruaiin kalkhawmte lawmna thu a sawi a. Eye Donation Forthnight hi India ram pumah kum tin hman thin niin a tum ber chu mitthlak (eye transplant) mamawhna sang lutuk phuhru thei tura mit pek (donate) pawimawhna mipui te hnena inzirtir a ni, a ti. Continue reading “Eye Donation Forthnight on Eye Donation” pualin hun hmang

Weekend Programme

Mission Convention:

#24-25 August 2019 chhûng hian Bazar Pastor Bial chuan Mission Convention an nei dawn a.  Bial Chhung Kohhran hrang hrangah a rualin Convention hi an hmang dawn a ni.  Rev. R.Lalthangliana, Mission Co-ordinator, Venglai Kohhran-ah Speaker niin a hmanpui ang a, Bazar Kohhran-ah Rev. Vanlalmuankima, Bialtu pastor, Kikawn Kohhranah Rev. L.Vanlalsanga, Education Director  leh Edenthar Kohhran-ah Rev. Joseph Vanlalruata, JBS   ten hun an hmanpui ang.

Continue reading Weekend Programme

NEICC-WA Exchange programme hmang

Tunkar Inrinni leh Pathianni hmang hian North East India Christian Council – Women Association Inter unit intlawhtawn programme (NEICC-WA Exchange Programme) hmangin Lairam Isua Krista Baptist Kohhran Hmeichhia mi 50 te chu Mizoram BKHP te rawn tlawhin Lunglei-ah an rawn kal dawn a. ruahman ang chuan Inrinni zanah BCM Ramthar Kohhran-ah hun an hmang ang a, Pathianni-ah Moria Kohhran Rahsiveng leh Zotlang Kohhrah-ah te inkhâwmpui an ni ang. Continue reading NEICC-WA Exchange programme hmang