Khawvel SS Ni hmang dawn

Tunkar Pathianni, November ni 3, 2019 hi khawvel Sunday School Ni a ni a, he Ni hi Mizoram Baptist Kohhran chuan urhsun takin a hmang leh dawn a. Pathianni zing Inkhawmah “Pathian thu Thimna tiengtu” (II Samuel 22:29) tih thupui hmangin thuchah ngaihthlak a ni ang.

BCM President-in Golden Jubilee hmanpui

Mizoram Baptist Kohhran, Hnahthial Lungleng chuan November 1-2,2019 hian an Kohhran kum 50-na, Golden Jubilee an lawm a. Rev. PC Liandula, BCM President-in Jubilee hriatrengna lungphun a hawng ang. Jubilee hmanpui hian BCM Headquarters atangin Pi M. Lalthanzuali, Archivist leh BCM Choir an kal bawk.

BCM-in kum chanve  Target nuai 269-in khum

Mizoram, Baptist Kohhran, Finance Department-in, kum 2019-2020 Half Year Statement-a a tarlan danin April – September, 2019 (thla ruk) chhung atana Pastor Bial hrang hrang target chhunluh atangin Target pumpui cheng Nuai 6313 leh sing riat(Rs. 631,380,000) ah cheng Nuai 3426, sing ruk leh sawmthum pariat(Rs. 342,660,038) hmuin 54.27 % a dawng tawh.

BMP Meet, 2020 thupui tur thlang fel

Mizoram Baptist Kohhran, Fellowship Organisations Department(FOD) Committee chu October 30, 2019 chawha dar 11:30 khan Sap Upa leh Pu Buanga Hall, Serkawn-ah an thukhawm a. Mizoram Baptist Mipa Pawl (BMP) Meet vawi 3-na, February, 2020-a Thingsai-a neih tûr thupui atan “Isua zuitu rinawm” tih chu an thlang fel a ni.