CCIM Assembly-ah BCM aiawh palai pahnih tirh an ni

Congregational Church of India, Maraland (CCI(M)) Assembly February 13-16 chhunga Phuura, Siaha District-a neih mekah BCM aiawha palai turin Rev. H. Lalfakzuala, Hnahthial North Bial leh Upa LT Hrangchhuana, BCM Marpara te chu an kal a. Anni hian BCM aiawhin chibaibukna (Greetings) sawiin rorelnaah pawh delegates an nih angin an tel ang.

Kristian Hospital Ni hman a ni dawn

Christian Hospital Serkawn

Tunkar Pathianni, February 16, 2020 hi  Mizoram Baptist Kohhran ni pawimawh, Kristian Hospital Ni a ni a, Tualchhung Kohhran tinah he Ni pual hian hun hman a ni ang. Kumin Kristian Hospital Ni thupui atan “Tihdamin kan awm ta” (Isaia 53:5). tih hman a ni ang. Headquarters atanga tawngtai thupui buatsaihsa hmangin tawngtairual a ni ang a, hemi ni a Inkhawm thawhlawm hi Christian Hospital Poor patient Fund a hman turin Headquarters-ah thehluh tur a ni ang. Continue reading Kristian Hospital Ni hman a ni dawn

Kohhran Upa Refreshers’ Course Kalpui mek a ni

Kohhran Upa Refresher’s Course 2020

February 11-22 chhung hian Mizoram Baptist Kohhran hnuaia Kohhran Upa leh Non-Mizo Mission-a thawk lai Evangelist te pualin Jubilee Bible School, Ramzotlang, Serkawn-ah Refreshers Course buatsaih mek ni a. He Course hi batch hnih-ah thenin Batch khatna hi Kohhran Upate pualin February 11-15 chhungin neih a ni ang a, Inrinni-ah thlahna Inkhawm neihpuiin, Certificate hlan an ni ang. A Batch hnihna hi Non-Mizo Evangelist te pualin karleh, February 18-22 chhungin neih a ni leh dawn a ni. Continue reading Kohhran Upa Refreshers’ Course Kalpui mek a ni

MTKP Rorel na-in, Mizotawng hum halh leh Gender Identity chungchang inzirtir an rel.

MTKP Rorel 2020@Serchhip

Mizoram Thalai Kristian Pawl (MTKP) Rorel Inkhawm vawi 66-na, February 13, 2020-a Mizoram Baptist Kohhran Biak In, Serchhip-a neih chu tluang takin an zo ta. Rorel Inkhawm hi dar 10:00 Am –ah tanin, Rev. Vanlalmuankima, MTKP President-in Rorel hi a kaihruai a, MTKP Organiser, Rev. K. Lalbiakenga’n Report a pe bawk. He Rorel Inkhawm-ah hian Rorel palai 467 an kal a, he Rorel Inkhawm hi Rev.F.Ramdinmawia, FOD Director-in a telpui a ni. An thurel langsar zingah – “Mizotawng humhalh leh tihhmasawn a nih theih nan MTKP-in hma lak ni setih leh “Pathianin min siam chhan dik tak, MIPA leh HMEICHHIA nihna (Gender Identity) chungchang in zirtirna MTKP huapin neih nisetih te an rel a ni. Continue reading MTKP Rorel na-in, Mizotawng hum halh leh Gender Identity chungchang inzirtir an rel.