Chanmari Bial TKP-in BCM Charity fund atan Inkhawmpui thawhlawm an hlan.

Chanmari Bial TKP Hruaitute leh  R&D Staff te

Chanmari Pastor Bial TKP  chuan Kumin January 17-19 a Bial TKP Inkhawmpui a Pathianni zing inkhawm thawhlawm Rs. 18,400/- chu  BCM Charity Fund-atan nimin, February 27,2020(Ningani) khan Bial TKP hruaitu te R&D Office ah kalin an hlanna hun an hmang a, BCM R&D-a thawktuten lawm takin an lo dawngsawng a ni. Continue reading Chanmari Bial TKP-in BCM Charity fund atan Inkhawmpui thawhlawm an hlan.

MBKHP Rorel Vawi 70-na-in Kristian Chhungkaw beihpui neih an rel.

February 27, 2020 (Ningani) khan Mizoram Baptist Kohhran Hmeichhe Pawl (MBKHP) Rorel vawi 70-na chu Mizoram Baptist Kohhran Biak In, Bethlehem, Thenzawl-ah neih a ni a. Nilai zan dar 7:00 ah palai lawmna inkhawm neiin Pi V.Biaklawmi, MBKHP Executive Commt member in a kaihruai a, MBKHP Organiser Nl. Lalhmingmawii Chongthu-in thuchah a sawi. Continue reading MBKHP Rorel Vawi 70-na-in Kristian Chhungkaw beihpui neih an rel.

BCM Assembly karleh Nilaini atangin tan a ni dawn ta

BCM Rahsiveng

Mizoram Baptist Kohhran Rorelna sang ber – BCM Assembly vawi 124-na chu karleh March 4-8 khian BCM Biak In, Rahsiveng-ah neih a ni dawn a, kumin Assembly Thupui atan hian “Din thar lehna” tih hman a ni ang.  Assembly atana inpuahchahna leh inbuatsaihna hrang hrang a kal chho mek a – A dawltu, Kohhran leh Office te pawh an inpeih chhuak thawkhat ta. Continue reading BCM Assembly karleh Nilaini atangin tan a ni dawn ta

Sunday School Training buatsaih

February ni 29 – March 1, 2020 chhûng in Tuiphai Pastor Bial Sunday School Training cum Campaign, BCM Biak In, Khawhri-ah neih a ni dawn a. Resource Person atân Upa M.Thansiama leh Rbt. KH Phunthanga, Sunday School Trainer-te an kal. Inrinni nilengin Sunday School zirtirtute pualin Training hi neih a ni ang a, Inrinni zan leh Pathianni-ah te Sunday School  Campaign neiin Kohhran hrang hrangah hun an hmang zui nghal ang.

Mission Convention

February ni 28-1st March 2020 chhûng hian Diltlâng Pastor Bial chuan “I rawngbawlna hlen rawh” tih thupui hmangin Mission Convention, BCM Biak In, Khawmawi-ah an neih dawn a. Speaker atan Upa HL Liantluanga, Mission Promoter ruat sa chu chhungkaw damlolhna avangin a thei dawn ta lo a, a aiah Rev. R. Thanmawia, Editor Kohhran Beng  chu speaker a ni ang. A ni bakah hian Pu C. Lalengkima Production  Assistant BCM AV leh missionary thawklai mi 2 leh zaia rawngbawl tur Nl. Lalruatpuii Sailo Tawipui N te an kal bawk. Continue reading Mission Convention

Education Director Leh Mission Coordinator te – Lungpuk-ah an kal

February 27 (Ningani) khan Education Director Rev. L. Vanlalsanga leh Mission Coordinator, Rev. R. Lalthangliana te chu Lungpuk, Siaha District-ah an kal a. February 28 (Zirtawpni) chamin Education Director hian Lungpuk BCM Primary School Board Meeting a neihpui ang, Hemi chhung hian Mission Coordinator hian Khumi hnam Survey neiin hun a hmang thung. Continue reading Education Director Leh Mission Coordinator te – Lungpuk-ah an kal