Mizoram Baptist Kohhran, Relief and Development Department chuan May 29, 2020 (Zirtawpni) khan Tlabunga Bangladesh border-a duty VLTF te tan Rs. 10,000 bakah Thosilen 8, Silpouline 4,  Thosi hlo bur 10 an hlan. R&D Staff te chu heng thilpek hlan hian vawiin khan  Tlabung-ah langin an  kal a ni.

BCM Choir leh Aizawl leh Lawngtlai Area Baptist Choir te combine music video siam Tunkar nilaini, May 27 khan Mizoram Baptist Kohhran, Worship & Music Committee Meeting, Sap Upa leh Pu Buanga Hall, Serkawn-ah neih a ni a. He Meeting hi Chairman Rev. F. Ramdinmawia, General Secretary-in a kaihruai a, report tlangpui a pe bawk. An thu rel langsar zingah

May 25, 2020 Thawhtanni  khan BCM Relief & Development hmalak na in Pangzawl khaw chhung Thli leh Rial avanga chenna in chhia chhungkaw 58 te chhawmdawlna atan BCM charity fund atang in cheng nuai khat, sing nga (Rs. 150,000/-) pek a ni.

Mizoram Baptist Kohhran, Assembly 2020-in Pastor Bial pathum – Chawngte ‘L’;  North Vanlaiphai leh Mampui Pastor bial thar hawn tura a lo passed angin, May 30, 2020 (Inrinni) hian Pastor thut hmun tur theuhah Bial thar hawn programme hman a ni ang. Heng Pastor Bial thar hawn programme te hi Covid-19 avanga lockdown kalpui mek lai a nih avangin Sorkar-in inkaihhruaina a siam ang leh pun khawm phal chin ruahman angin kalpui a ni ang.

Tunkar Pathianni, May 31 hi Thlarau Thianghlim thlen ni (Pentecost Ni) a ni a. He Ni hi khawvel pumah Kristian te chuan urhsun takin an hmang thin a. Mizoram Baptist Kohhran pawhin he ni hi Special Sunday atan a hmang thin a ni. Kumina Thlarau Thianghlim thlen Ni thupui atan “Thutaka min hruaitu Thlarau Thianghlim” (Johana16:13) tih a ni.