Christian Hospital Serkawn-a Medical Officer, Dr. Goldie Lalrinsangi Sailo d/o Lalnuntluanga Sailo Venglai, Lunglei chu July 31, 2020 zing dar 2:20 khan Christian Hospital, Serkawn-ah boralin, duh leh hlim taka rawng a bawl sak thin, a Lalpa hnenah a chawl ta. Hemi ni vek, chawhma dar 11:00-ah an chenna in, Venglai, Lunglei-ah vui ni in, Venglai thlanmualah ropui taka thlah liam a ni.
July 30, 2020 (Ningani) kha Thalai Kristian Pawl (TKP) din champha vawi 69-na a ni a. Kumin TKP Day thupui chu “Lalpa hman tlak” II Tim. 2:21 a ni.
July 28, 2020 (Thawhlehni) khan General Secretary Office-ah Kristian Hospital Centenary Sub-Committee an thu khawm a. He Meeting hian Assembly, 2020-in Kristian Hospital kumza tlinna hriatrengna atan Hospital Centenary Building sak ni se ti-a a lo rel tawh bawhzuiin, hmalak dan tur an ngaihtuah a ni.
July 28, 2020 (Thawhlehni) khan Sap Upa leh Pu Buanga Hall, Serkawn-ah Mizoram Baptist Kohhran Administrative Committee Meeting neih a ni a. He meeting-ah hian Higher and Technical Institute, Mizoram (HATIM) a Day Scholar hawn chungchang ngaihtuah a ni.
Continue reading HATIM-ah Day Scholar hawn remtih a ni.Tunkar Thawhlehni, July 28, 2020 khan Mizoram Baptist Kohhran, Project Sunshine hotute leh Director, Social Concern Department leh thawktu te BCM Committee Room, Serkawn-ah inkawmhona leh hmalak dan tur inkawhhmuhna an nei.
Kumin TKP Day, July 30 chu Covid-19 hrileng avangin a huhova hman a rem dawn tak loh avangin MTKP ruahmanna-in TV leh Youtube lama tih chhuah turin TKP Day lawmna Programme an siam .
Kum 2020 – 2021 session atan School of Nursing, Christian Hospital Serkawn-ah General Nursing & Midwifery (GNM) zir duh tan dilna hun hawn mek a ni a, Prospectus leh Application form 1st – 20th August, 2020 thleng pek chhuah a ni dawn a. HSSLC pass chin, 40% marks hmu chin, December 2020 a kum 17 thling chin leh kum 30 aia upa lo, hmeichhia leh mipa tan dil theih a ni ang.
Continue reading GNM zir duhte tan dil theih a ni taMizoram Baptist Kohhran Hmeichhe Pawl (MBKHP) Executive Committee Meeting chuan MBKHP Inkhawmpui 2021, February thlaa S. Vanlaiphai-a neih tura ruahman tawh chu Covid-19 avang a ram dinhmun te thlirin neih loh mai ni se, tiin a rel.
