BCM Administrative Committee & Administrative Working Committee- Meeting June 27 –in thuneihna a pek angin Assembly Puipate Meeting  July 1, 2020 a thukhawm chuan Covid-19 vanga Lockdown kalpui mek chungchang leh Mizoram Sawrkar-in Lockdown inkaihhruaina thar, July 1 atanga hman tan tura a duan te thlirin hetiang hian Kohhran hote hriat tur thuchhuah a siam.

Mizoram Baptist Kohhran chuan Pathian kaihhruaina ropui tak dawngin Mission rawngbalwnaah theihtawpin  hma a la ve zel a. Mission Field hrang hrang 24-ah Missionary te leh a rami thawktu mi 1300 dawn dahin hma a la a ni. January-JUne thlenga report kan hriat chinah ringthar 835 nei tawhin Kohhran thar 5 phun a ni bawk

Rev Dr. Rodinmawia chuan Senate of Serampore College (University)-a Branch pakhat, SCEPTRE (Senate Centre for Extension and Pastoral Theological Research) -a a khaipa ber ‘Dean’ ni turin Rev.Dr. Rodinmawia Ralte chuan June 10, 2020 khan a hna thar a zawm fel ta. He hna hi kum thum term a ni a, BCM pastor zingah he hna chelh hmasa ber a ni.

July ni 5, 2020 Pathianni hi Mizoram Baptist Kohhran ni pawimawh, “Mission Sunday” a ni a. He ni hi kum tin, July Pathianni hmasa berah hman thin a ni. Kumin Mission Sunday-ah hian thupui pahnih – Zinglam leh zan lam atan siam a ni a. Zing lam thupui atan chuan  “Li thuk lam pan Kohhran”. (Luka 5:4) tih a ni ang a, Zan lam thupui ah “Lo chu khawvel a ni “,(Matthaia13:38). tih a ni.