TKP Ramthim Ni – May 29

Vawiin, May 29, 2021 (Inrinni)hi Mizoram Baptist Kohhran Ni pawimawh (Special Day) “TKP Ramthim Ni”a ni a. Kumin TKP Ramthim Ni thupui hi Thil tha ti atana siam (II Ephesi 2:10) tih a ni a.  Kum dangah chuan TKP Ramthim Ni-ah hian MTKP atanga ruahmanna an siam zul zuiin inkhawm leh tawngtai programme te siamin urhsun takin hun an hmang thin a, Mission rawngbawlna lama Thalaite cho thar leh nan te, Missionary te puala tawngtai leh Tawngtai programme te siam thin a ni bawk. Continue reading TKP Ramthim Ni – May 29

Upper Assam field hawn a ni dawn.

Mizoram Baptist kohhran, Assembly 2021-in Mizorama Chanchin tha thlen champha phak vawi 125-na hriatrengna atan Mission Field thar hawn ni se ti-a lo passed angin, Upper Assam Mission Field thar chu May 30, 2021 (Pathianni) chawhma dar 11:00 hian hawn a ni dawn ta. Upper Mission Field thar hawnna hi a hmun-ah kalin hawnna Programme buatsaih tum a nih lain Covid-19 hrileng avangin ruahman angin tih theih a ni ta lo va, biakhmuhtheihna kaltlanga hawn a ni ang a, Youtube kaltlanga en theih a ni ang. Continue reading Upper Assam field hawn a ni dawn.

Kan Missionary Pu C.L. Remruata kan then ta.

Mizoram Baptist Kohhran Missionary, Pu C.L. Remruata (S/o Rev C. Ngurhnema) Kolkata Regional Office-a thawk mek chuan May 23, 2021 (Pathianni) chawhnu dar 1:50 khan RN Tagore Hospital, Kolkata-ah Covid-19 avangin a boral a. A ruang hi May ni 24 (thawhtan) tlai dar 4:20 ah Kolkata atangin, Ambulance- a rawn phurh a ni a, West Bengal Field-a thawktu te, Rev. H. Lalengmawia, Field Director leh Missionary dang pathum in Birpara atangin an rawn belh ve leh ang. Ruahman anga tluang taka an rawn kal thei a nih chuan May ni 26 (Nilai Ni) chawhma dar 10 atanga 12 inkar ah Aizawl rawn lut tura beisei an ni a. YMA Hall, Zotlang Aizawlah vuina inkhawm hmangin, Rev. Dr. R. Zolawma, Bialtu Pastor, Zotlang Pastor Bial, Aizawl in a vuiliam ang. Continue reading Kan Missionary Pu C.L. Remruata kan then ta.

Thlarau Thianghlim thlen Ni (Pentecost Ni) : May 23

Tunkar Pathianni, May 23 hi Thlarau Thianghlim thlen ni (Pentecost Ni) a ni a. He Ni hi khawvel pumah Kristian te chuan urhsun takin an hmang thin a. Mizoram Baptist Kohhran pawhin he ni hi Special Sunday atan a hmang thin a ni. Kumina Thlarau Thianghlim thlen Ni atan thupui hranpa siam a ni lo va, Tualchhung Kohhran ten tha an tih angina thupui an duh zawng an hman tura tih a ni. Continue reading Thlarau Thianghlim thlen Ni (Pentecost Ni) : May 23

Kristian Hospital, Serkawn-ah Covid Test-na, Rapid Antigen Test (RAgT) test an kalpui ve ta.

BCM Medical Department hotute leh Mizoram Sorkar hmalakna-in May 6, 2021 atang khan Christian Hospital Serkawnah Official in Covid Test-na, Rapid Antigen Test (RAgT) test an kalpui ve tan ta. Covid Test kalpui tan ni, May 6 atanga May 20 thlenga Test tawh zat hi mi 311 niin heng zingah 310 negative-in, positive pakhat hmuh chhuah a ni.

Continue reading Kristian Hospital, Serkawn-ah Covid Test-na, Rapid Antigen Test (RAgT) test an kalpui ve ta.

BCM THAWKTU/PENSIONER TE COVID-19 VEI ENKAWL MEK TE DINHMUN

Updated: Friday, May 21, 2021, 02:00 pm

Kohhrana thawktu/pensioner te leh an chenpui an chhungte (a ram mi thawktu telin) Covid-19 avanga mahni in, CCC leh Damdawi In a enkawl mek te, vawiin May 21 chawhnu dar 2 thlenga an chanchin, anmahni, an thawhna hmuna hotu te leh an chhungte kan biak pawhna atanga kan dawn te kohhran hoten kan tawngtaipui theih nan kan rawn tarlang e. Continue reading BCM THAWKTU/PENSIONER TE COVID-19 VEI ENKAWL MEK TE DINHMUN

NGENNA LEH HRIATTIRNA

COVID -19 hrileng laka mipuite kan him theih nan Mizoram Sorkarin Total Lockdown a puan avangin Printing Press pawh khar a ni a. Chanchinbu chhut leh sem chhuahna lamah harsatna kan tawh avangin Baptist Today chu May 16 leh 23 Issue te kan ti chhuak thei dawn lo va. Kohhrante hriatthiamna kan han dil a ni e.

Sd/-
Rev. Dr. Lalzarliana
Director,
Communications Department