Baptist Covid Care Centre, Ramzotlang, Serkawn tanpuina petu an awm ve zel a. August 20, 2021 thleng a BCCC atana tanpuina sum dawn tawh chu a vaiin Rs. 16,22,000/-/- a ni a, sum fai bakah bungrua leh khawl engemawzat an dawng tawh bawk. Hetiang hi August 20, 2021 thlenga thilpek an dawn tawh dan a ni.
Daily Archives: August 20, 2021
Kum Kal Ta (2020_2021) Assembly Target Cheng nuai 179 chuangin khum a ni.
Tunkar Nilaini, Agust 18, 2021 khan Finance & Pension Committee Meeting Sap Upa leh Pu Buanga Hall, Serkawn-ah neih a ni a, Meeting hi President, Rev. Dr. V. Laldingliana’n a kaihruai a, General Secretary Rev. F. Ramdinmawia’n BCM sum dinhmun : pawisa lo luh dan leh pawisa hman dan report tlangpui a pe. Continue reading Kum Kal Ta (2020_2021) Assembly Target Cheng nuai 179 chuangin khum a ni.
Mission Board Meeting neih a ni.
Tunkar Thawhlehni, August 17, 2021 khan Mizoram Baptist Kohhran, Mission Board Meeting, Sap Upa leh Pu Buanga Hall, Serkawn-ah neih a ni a. Meeting hi President Rev. Dr. V. Laldingliana’n a kaihruai a. Rev Dr. C. Vanlaldika, AGS (Mission)-in report tlangpui a pe.
BCM R&D-in Mausen leh Lungrang 4C leh Kolasib District ah Covid tuarte chhawmdawlna an pe.
Relief & Development hmalakna-a Lunglei khawchhung hmun hrang hrang-a 4C-ah te chhawmdawlna sem a nih hnu ah, August 13, 2021 (Zirtawpni) khan Lunglei khaw pawn Mausen leh Lungrang-a 4 C ah te R&D chuan tanpuina cheng 10,000/- ve ve an hlan a. Continue reading BCM R&D-in Mausen leh Lungrang 4C leh Kolasib District ah Covid tuarte chhawmdawlna an pe.
BKHP-in IBWU Tawngtai hun an hmang
August 15, 2021 (Pathianni) kha India rama Baptist Kohhran Hmeichhe inzawm khawm – India Baptist Women’s Union (IBWU) Tawngtai Ni a ni a. Hemi Ni hian India ram pumah Baptist Hmeichiate chuan IBWU atanga Tawngtai Programme siam sa hmangin tawngtai hona an nei. Continue reading BKHP-in IBWU Tawngtai hun an hmang