CHS-ah Laser hmangin kal-a lung awm chhut dip a ni:

Laser hmanga kal-a lung awm chhut dipna

Christian Hospital Serkawn-ah Retrograde Intra Renal Surgery(RIRS)  tih tan a ni ta a. RIRS hi Laser hmanga kal(kidney)-a lung awm chhut dipna(dusting-na) a ni. Kal (Kidney)-a lung awm treatment chi hrang hrang a awm a, Laser hmanga chhut dip hi treatment modality tunlai ber pakhat a ni a.

Upa Dr. B. Laldinliana, Medical Superintendent, Christian Hospital, Serkawn chuan Pathian khawngaihna leh malsawmna azarah hetiang hmanrua nei thei leh hmang theia an awm chu lawmawm a tih thu sawiin, he thil hi Mizoramah chuan a hmasa ber a ni a. BCM leh Mizoram tan kidney stone treatment milestone pawimawh tak pakhat a ni ve a ni a ti. Pathianin hetianga damlo, a bikin  Mizoram chhim lam tan hmun danga refer tur tam tak Christian Hospital-ah ngei enkawl theih a lo ni ve dawn ta hi a lawmawm hle a ni a ti a, a hmanruate hi a derdep em em avangin chhe mai theite a ni a, fimkhur taka kan hman leh Pathian ven himna kan dil fo a pawimawh hle a ni a ti bawk.

Laser hmanga kal(kidney)-a lung awm chhut dipna(dusting-na)

A sawi zelnaah, “Tunah hian BCM Assembly rorelna-in a lo passed tawh angin  Lithotripsy(Ultrasound hmanga pawn lam atanga chhut kehna) pawh BCM chuan lei turin hma a la mek bawk a, Pathian zarah hei pawh hi kan nei thei turah ngai ila, mite hnena Pathian ram a lo lan fiah deuh deuh theihna tura BCM chuan  tihdam rawng bawlnaah hian hma a sawn zel kan beisei a ni”. a ti.

Laser hmanga kal(kidney)-a lung awm chhut dipna(dusting-na)

Posted in BCM News.

admin