AAA&DC working Committee meeting neih a ani

Tunkar Thawhlehni, March 17 khan Aizawl Area Administrative & Development Working Committee Meeting JH Lorrain Hall, Aizawl-ah neih a ni a. Meeting hi Rev Dr. B. Lalramhluna, AAA&DC chairman in kaihruaiin, AAA &DC Secretary – Rev. Dr. R. Lalthanmawia (Executive Secretary, Aizawl)-in report tlangpui a pe bawk.

Secretary-in Report-a tarlan zingah Bawngkawn Bial, Thingthelh khuaah kohhran a din thu leh Official-a Kohhran thar hawnna nei turin Bialin hma a lak mek thu te, Biakin hmun tur pawh cheng nuai 10 (Rs 10,00,000/-) in lei fel a ni tawh thu tarlangin, Baptist house, Khatla sak that tura hma lak mek a nih thu te, Architect in sak dan tur ruahmana a siam chu thlirho a nih thu leh kuminah sak zawh hman beisei a nih thu te a tarlang bawk.

An thurel tlangpui hengte hi a ni:-

  1. BMP Coordination Committee, Aizawl ten kum 2020 chhunga Plan & Budget Rs 1,15,000/- AAA&DC pawmpui tura an theh luh chu pawm pui a ni.

2. Kanghmun South, Thenzawl Pastor Bial atangin Biakin sak that mamawh em avangin Bialtu Pastor hriatpui-a tanpui an dilna chu, Aizawl khawpui chhunga kohhran hrang hrangah Rs nuai thum (3,00,000/-) tlin tura appeal siam ni se tih a ni.

3.Kohhran harsa tlawh Programme leh tunlai hrileng Covid 19 chung chang relin, Kohhran harsa tlawh tura Aizawl khaw chhung kohhrante ruahman thuah tunlai hrileng Covid 19 vangin tun dinhmunah chuan bawh zui rih loh nise an ti.

Hei bakah hian Headquarters thuchhuak angin, Bial huapa thiltih leh tualchhung kohhran anga fehchhuah/vahchhuah te pawh tih rih loh nise tih a ni a. Kohhranho te pawhin MKHC emaw BCM Hqrs. thu chhuakte ngaichang a, ngai pawimawh hram hram tura hriat tir ni se an ti bawk.

Leave a Reply