Administrative Committee-in Tualchhung Kohhran te Pathian ram thilpek ngaipawimawh a, tanla zel turin a Ngen.

Mizoram baptist Kohhran, Administrative Committee Meeting, June 11-a neih chuan Covid-19 thawh hnihna leng mek leh, hrilengin a nghawng hrang hrangte a thlir a. He hri-in Mizoram a tuam mek leh he hri avanga thihna leh natna tuar chhungkaw tam tak an awm chu pawi a tiin, a tuarpui takzet a,  BCM anga inenkawlna hrang hrang leh Bial leh Tualchhung Kohhrante dinhmun te pawh thlir chungin ruahmanna thar leh hmalak dan tur te a rel a.

An thurel tam tak zingah – Covid-19 hrileng avanga Lockdown kalpui chhunzawm zel a nih avang leh hrileng-in ziaawm lam a la pan hleih theih loh avangin Tualchhung Kohhran tam takin Pathiam Ram tana thilpek lakkhawm leh a thawnna chungchang ah te pawh harsatna leh hriatthiam loh awm thei ni-a hria-in, Tualchhung Kohhrante hnenah Pathian Ram thilpek lakkhawm chungchangah Sorkar-in SOP a siam bawhchhe lo va, Parthian ram tulna leh pawimawhna te ngaituah chunga Tualchhung Kohhran tinin an remchan ang zel a theihtawpa tan la thar tur leh, thawhlawm pawh a remchan dan ang zel a lakhawm chhunzawm zel turin a chah a ni.

Kum hmasa lamah Covid hrileng karah Assembly Target kan tlin theih avangin Assembly aiawhin Administrative Committee chuan lawmthu a sawi bawk a ni.