Administrative Committee Meeting neih a ni

Tunkar Nilaini, December 1, 2021 chawhma dar 11:00 khan Sap Upa & Pu Buanga Hall, Hqrs. Office, Serkawn-ah Mizoram Baptist Kohhran Administrative Committee Meeting neih a ni a. Meeting hi President Rev. Dr. V. Laldingliana’n kaihruaiin, Meeting thurel thenkhat hetiang hi a ni.

MKHC Executive Member 2022-2023 atan Executive Secretary, Aizawl Area, Rev. JC Vanlalluaia, Bialtu Pastor, Republic Vengthlang Bial leh Upa JL Thangluaia, Thuampui Aizawl te ruat an ni a, MKHC General Meeting 2021 palai atan Rev. Lalbiaksanga Chinzah, Ramhlun South leh Upa Dr. RK Lianthanga, Upper Republic, Aizawl te ruat an ni. Mission Working Committee in ‘Missionary-a pawm (recognised) chungchang’ Administrative pawmpui tura a rawn thlen chu remtih a ni a, Missionary atana pawm tura remtih te hi mi pathum Lalremmmawii, Hnahthial, Mission Committee, Hnahthial South Pastor Bial in Udalthanasora, Chakma Mission-a Missionary atana a rawih mek te, Rev. HC Vanlalhruaia, Shillong, Sipai Pastor thawklai te leh Rami Hmar, BCM Mahanaim, Lungsen in Arunachal Far East Field-a Puanthui Zirtirtu atana a rawih mek te an ni.

Meeting hian department hrang hranga thawktu Contract-a rawih lai mi 43 te Substantive Post a hlankai turin a remtih bak ah, Mission Department-a thawklai mi 9 te thawktu an nihna nemngheh (Confirm) tura remti in, Committee sang zawka pawm a nih hnu ah Assembly ah thlen a ni ang.