Notice & Info.

R&D hnuaiah Puanthui zir duhte tan
Dilna hun hawn a ni

BCM, Relief and Development Department hnuaiah puanthui (Tailoring) zirtur lak a ni leh dawn a. Zir duhte chuan Plain Paper ah dilna ziak in, mahni lawina Kohhran lehkha thil telin BCM Hqrs. Office Serkawn-ah hun tiam chhungin thehluh theih a ni.

Last Date of Application :      May 23, 2022
Interview hun            :           May 24, 2022
Interview-na hmun    :           BCM Committee Hall, Hqrs. Office
Contact No.                :           9436147738, 8729826092

Sd/-Rev. R. Lalnunzira
Secretary
Relief & Development Department Committee
Baptist Church of Mizoram

Evangelistic Team Recognition leh Renew dil hun Hriattirna

BCM hnuaia Evangelistic Team Recognition ni mekte leh ni thar duhte tan kum hnih chhung (2022-2024) atan Team recognition dilna leh renew dil a lo hun leh ta a. Dil duhte chuan BCM-in Form a neih sa  hmangin Director, Pastoral Ministry Department hnenah May 15, 2022 aia tlai lovah theh luh tur a ni. Renew Diltu te tan chuan dilna form theh luh bak a ngai lo a, Recognition dil thar turte tan erawh chuan Revival & Evangelism Committee hmaah interview tur a ni a, Interview hun tur chu in hriattir leh a ni ang.

Sd/- Rev. Vanlalmuankima
Director
Pastoral Ministry Department
Baptist Church of Mizoram

Download Form:

  1. Recognition dilna Form

2. Renewal Form

ADVERTISEMENT

Higher And Technical Institute, Mizoram (HATIM) a thawk turin, a hnuaia tarlan ang hian Asst.Professor hna a ruak a. Pathian rawngbawlnaa ngaite tan dil theih a ni e.

Sl.NoName of PostNo.of PostQualificationsNature
of post
Pay
Level
1.Asst. Professor (Philosophy)2Ph.D or MA (Philosophy) With NET  Contract9
2.Asst. Professor (History)2Ph.D or MA (History) With NET  Contract9
3.Asst. Professor (Psychology)2Ph.D or MA (Psychology) With NET  Contract9
4.Asst. Professor (Education)2Ph.D or MA (Education) With NETContract9

Note:

  1. Dilna hi 25th March, 2022 (Friday) hmain AGS (Service) hnenah Contact Number leh Date of Birth tarlangin, Passport Size Photo nen thehluh tur a ni.
  2. Curriculum Vitae mumal tak thil tel bawk tur a ni.
  3. HSLC a chin chunglam attested Certificate & Marksheet (Xerox) copy leh Lawina Kohhran Lehkha thil tel tur a ni.
  4. Teaching Experience nei tan Experience Certificate thil tel bawk tur a ni.
  5. March 31, 2022 (Thursday) dar 10:30 a.m ah Sap Upa leh Pu Buanga Hall, BCM Office, Serkawnah Education Committee hmaah inlan (Interview) tur a ni a, Interview hunah hian Original Marksheet & Certificate ken tur a ni.

Sd/- Rev. R. Lalbiakliana
Associate Generral Secretary (Service)
Baptist Church od Mizoram

JBS ADMISSION NOTICE

Jubilee Bible School Serkawn chuan kum 2022 Academic session (April-December) atan Dip.CS (Diploma in Christian Studies) leh Bible Correspondence Bible Course zir duh tan Admission lak a lo hun leh ta. Dilna hi March 15 thleng dil thehluh theih a ni. Admission form hi heng hmun atang hian a lak theih ang.

1. JBS Serkawn
2. Executive office Aizawl leh
3. Executive office Lawngtlai.

Course: Dil theih chin:
1. Dip.CS (Diploma in Christian Studies) : Pawl 8 Pass chin chunglam
2. Bible Correspondence Course : Upa leh Rawngbawltu tan

Admission chungchanga zawh fiah leh hriatchian duh neite tan phone no: 9954098204/7896637510 ah zawh fiah theih a ni e.

Sd/- Principal
Jubilee Bible School, Serkawn.

KOHHRAN UPA REFRESHER’S COURSE DIL THEIH A NI

February 2022 chhung hian Jubilee Bible School Serkawn chuan kohhran upa refreshers course a buatsaih dawn a, tun khatah mi 20 tan a dil theih a ni ang. A dil hmasa apiang register zel a ni ang a, tum khatah a tlem berah mi 10 tal a dil an awm loh chuan a buatsaih theih lovang. Thlenkim ni hi ni 7 (Thawhtan) a ni a, ni 8-11chhung hi training ni ang a, ni 12 (Inrinni) hi tindarhni a ni ang. An awm chhungin ei in tum sak vek a ni bawk ang. Hrechiang duh tan phone number 9954098204/7896637510 JBS Principal zawh fiah theih a ni ang.

Sd/-Principal,
Jubilee Bible School

AICS-A ZIR DUHTE TAN DILNA HUN HAWN A NI

Academy of Integrated Christian Studies (AICS), Aizawl-ah 2022-2023 Academic Session atana heng zirna course hrang hrang zir duhte tan hian dilna hun hawn a ni leh ta e.

CourseDil thei chin
Master of Theology (M.Th) (New Testament)   (History of Christianity) Serampore College Hnuaia B.D. pass tawhte. A pumpuia B- grade leh a chung lam hmu a, an zir tur subject bika B grade leh a chunglam hmu chin. Zir tura thlante chuan Mess Fee chauh pein an zir thei ang.
Bachelor of Divinity (B.D.) (1) B.A. leh a tlukpui, leh a chunglam pass te.   (2)Serampore College/ University hnuaia B.Th. pass te. (3) ATA hnuaia B.Th. pass a, Serampore College hnuaia B.D. qualifying pass leh te.
Master of Divinity (M.Div.) (1) B.A. leh a tlukpui, leh a chunglam pass chin.   (2) Serampore College leh ATA hnuaia B.Th pass tawhte.
Diploma in Mission (DipMS) (1) B.A. leh a tlukpui, leh a chunglam pass chin.   (2) Serampore College leh ATA hnuaia B.Th pass tawhte.
  • Diploma in Church Music (DipCM)- Pawl 10 leh a chunglam pass te. (Kum khat chhung zir tur)
  • Certificate in Church Music (CCM) – Pawl 10 leh a chunglam pass te. (Kum chanve chhung zir tur)
  • Dilna form hi AICS website (https://aics.edu.in) atangin download theih a ni. Entrance Test exam hunah Exam Fee Rs. 200/- pek tur a ni.
  • Dilna thehluh hun hi March ni 30, 2022 thleng hawn a ni. Hard Copy thawn thei lote tan Academic Dean email (kecisiang@yahoo.com)-ah emaw, a whatsapp (7005067757)-ah pdf copy thawn theih a ni ang. Dilna thlalak (image) copy chu pawm a ni lovang, fiah taka print chhuah a harsat avangin.
  • Entrance exam leh Interview hi April ni 20-22, 2022-ah, AICS-ah neih tura ruahman chhin a ni a. A hun hi tihdanglam a nih chuan, diltute hriattir an ni ang.
  • AICS-a zir tumte chu kum 3 tal kohhran dan anga bawrhbanna nei lo an ni tur a ni.

Sd/-
Vanlalchhawna Khiangte
Principal, AICS.