AGS leh R&D Director dam tak in an lo thleng.

AGS Service Rev. R. Lalbiakliana leh R&D Director, Pu Lalrinawma te Andaman & Nicobar Island-azin pawh tunkar thawhtanni January 3 khan  dam takin Headquarters an lo thleng ve leh ta. Anni hian January ni 30 khan BCM Relief & Development hnuaia Skill Training Centre, Andaman & Nicobar Island hmuna puanthui zirzote thlahna inkhawm (Graduation Ceremony) an zu hmanpui bakah, An daman & Nicobar Island-a BCM Missionary Pu R. Lalsangzuala te chhungkaw hnathawh dan te leh an Kohhran enkawl te an zu enpui a ni.

Andaman & Nicobar Thliarkar ah hian BCM in Missionary Pu Lalsangzuala te chhung kan tir a, an ni hi Karen hnam zingah thawkin,Kohhran enkawl bakah Skill Training Centre dinin, chumi hmang chuan kum tin khulai hmuna cheng te, mi harsa leh rethei tak tak te hnenah Chanchin Tha hrila rawngbawlna an neih bak ah puanthui te zirtirin eizawnna bul an tan theihna tur in rawng an bawl a ni.

An rawngbawlna te Pathian in mal a sawm a, Skill Training Centre-ah hian ringlo mi te pawh zirtir ni in Chanchintha hrilna hmanraw pawimawh tak atan hman a ni a, zir duh pawh engemawzat an awm thin a, tunah hian Puanthui khawl pali chauh an neih avangin Puanthui zir duh tam tak an zirtir thei rih lo a ni.