AGS Mission – chhiatna tawh dan enin a kal

Tunhnaia Cyclonic Rain (Ruah leh thli) avanga Mizoram leh thenawm state hrang hrang te a tuam avangin BCM Mission rawngbawlna hmun pawimawh te pawh nunphung a khaihlakin an buai hle a. Heng harsatna thlenna hmun te a hmuna enpui a, hma lak dan tur te ngaihtuahpui turin Rev. Dr. C. Vanlaldika, AGS i/c Mission chu tukin, June 14, 2017 khan a chhuak ta. Ruahman ang chuan Phairuangkai leh Tuichawng a tlawh hmasa ang a, hemi hnu hian kawng tlang dan a zirin Zawlpui tlawh leh a tum bawk. A tul angin zanin leh naktuk zan thleng a cham ang. Chanchin kan hriat theih chinah Tlabung, Tuichawng te, Chawngte te, Zawlpui, Marpara, Phairuangkai leh Longpuighat (Kawrpuichhuah), ten an tuar nasa zual a ni. Inbiakpawhna a mumal loh avangin chhiatna thlen dan leh kan Mission hmun hrang hrang te chanchin hriat chian a la har hle.

Posted in BCM News.

Leave a Reply

Your email address will not be published. Required fields are marked *