AGS-Mission-in UGBC Inkhawmpui a hmanpui.

UGBC Conference 2020

United Galo Baptist Church, Arunachal Pradesh chuan khawmpui lian (Annual Conference) Janury ni 9 atanga ni 12 chhung hian Basar, Arunachal Prtadesh ah an hmang mek a. He inkhawmpui hi Rev. Dr. C. Vanlaldika, AGS-Mission chuan Speaker niin a hmanpui. Ani bak ah hian Arunachal East Field Director Rev. Lalsangzuala Sailo pawh speaker atan hian hman a ni bawk.

United Galo Baptist Church hi kum 2008-ah Galo Baptist Church Council atanga in dang in, Association hran in an awm tan a. Tunah hian tualchhung kohhran 10 awm in member 1400 vel an ni. Kum 2010-ah BCM nen thawh ho rawn dil in thawhhona thuthlung (agreement) mumal tak siamin vawiin ni thleng hian kan thawk ho a ni.

UGBC Anual Conference 2020 Pandal

United Galo Baptist Church hi Arunachal East Field huam chhunga awm niin, Basar headquarters a ni a, tunah hian Missionary Pu Lalthlanawma te chhungkua an thawk mek a, an ni bak ah hian BCM in a ram mi evangelist pathum an ruai mek bawk a ni. Kum 2019 January atanga December thleng khan ringthar mi 39  an nei a ni.

Posted in BCM News.

admin