President Elect leh AGS Mission– Khawthlang lamah

Tlabung tuilian 2018

Tunhnaia Ruahsur nasa avanga Tuilian leh leimin tuar mek te tlawha, enfiah turin Rev. Pc. Liandula, President Elect  leh Rev. Dr.C.Vanlaldika, AGS i/c Mission te chuan nimin khan Chhim Khawthlang lam panin an chhuak. Anni pahnih hi tun Weekend hmanga Jampui Sakhan, Tripura lama rawngbawla fehchhuak tura inpuahchah mek an ni a, an programme awmsa cancell-in tuilian tuarte a hmuna tlawh turin an chhuak ta zawk a ni.

An tum anga an kal theih chuan Kawrpuichhuah, Tlabung, Tuichawng, Chawngte leh a chhehvel te an theih ang angin an tlawh ang a, inrinni-ah Headquarters-a let leh hman an tum a ni.

Mizoram Baptist Kohhran (BCM) chuan, Relief and Development Department kaltlangin, tuntum ruahsur avanga leimin leh tuilian tuarte tanpui nan Tlabung YMA hnenah Rs. 5000, Sairang YMA hnenah Rs. 5000/- Zohnuai leh Electricveng, Lunglei-a leimin tuarte chhawmdawl nan YMA/VC hnenah Rs. 2000 leh Sulpouline 2 ve ve a pe nghal bawk.  Tin, Sairang-ah hian  in pakhat tuiin  a chîm  Pi. Maengii te chhungkua leh an chenna in thingin a vuak chhiat sak, Pu.Lalmuana Sairang te chu Rs.2000/- ve ve-in ṭanpuina a pe bawk a. Zawlnuam YMA hnenah tanpuina Rs. 3000/- BCM R&D hmingin hlan a ni bawk. Heng bakah hian mimal leh chhungkua te hnenh Sylpouline engngemawzat pek chhuah a ni bawk.

Tun tuma kan hotute khawthlang lama kalte hian an theih ang tawk Sylpouline leh tui in tur an keng a, a tuyl angin thawktute dinhmun tlawh kualin quarters leh School te pawh an nefiah ang.

 

 

Posted in BCM News.

Leave a Reply