AICS in Valedictory Service vawi 20 na an hmang

May 22, 2022 (Pathianni) chawhnu dar 1:30 khan Academy of Integrated Christian Studies (AICS) chuan Valedictory Service vawi 20 na an hmang

Valedictory Service hi Pastor Thanzinga Chapel AICS ah hman a ni a, Principal Rev.Dr. C Vanlaldika’n kaihruai in, Rev. Prof. R. Zolawma, President, BCM chu Valedictory Speaker a ni a, zirlai kalchhuak turte hnenah Krista thu hretu rinawm ni zel turin fuihna thuchah a sawi a. Rev. R. Lalbiakliana General Secretary pawhin Zirlai kal chhuak turte fuihna thu a sawi bawk.

Zirlai kalchhuak te hi Senate of serampore hnuaia Master of theology (M.Th) zirchhuak mi pahnih (2), Bachelor of Divinity (B.D) zirchhuak mi 25 bakah Asia Theological Association hnuaia Master of Divinity (M.Div) zirchhuak mi pakua (9) te leh Certificate in Church Music zirchhuak mi pathum (3) an vaiin mi 39 an ni.