AICS-a BD Final Year (BD IV) Zirlai Current man vangin a boral.

Tv. F. Zoliana, AICS-a BD Final Year Exam mek chu vanduai thlak takin Current-in manin, Ebenezer Medical Centre ICU-ah enkawl a nih hnu-in September 3, 2020 tlai dar 3:00 khan ropuina ramah min haw san ta. September 4, 2020 (Zirtawpni) khan an chenna Armed veng YMA ten tlaivarpui in, a tuk September 4, khan ropui taka thlah liam a ni.

Tv. F. Lalzoliana (30) hi August ni 26, 2020 khan an kohhran (UPC-NEI) lama a rawngbawlpui te nen, an Team Speaker Pastor J. Lalhmingsanga te in sak Thuampui Veng Aizawla an sak mek enpui in an kal a. In sak lai mek hi 11 KV line nen a inhnaih em avangin, a chung slab chhunlai pawh engemawchen chhunzawm lovin, line sawn huna chhunzawm atana tih a ni nghe nge a ni.

Hetia in sakna hmuna an titi ho mawlh mawlh lai hian an bul maia 11 KV line chuan vanduaithlak takin Lalzoliana hi man in nikhaw hrelova awm nghalin, a rang thei ang bera damdawi in panpui a ni a,Ebenezer  Medical Centre, Chawnpui-ah ICU-ah dahluh niin ventillator nena enkawl nghal a ni a. Thatlam pan zel tura beisei a nih lai in September ni 3, tlai dar 3 ah a rawngbawl sak thin Lalpa hnenah alo chawl ta a ni.

F. Lalzoliana hian 2017 atangin AICS-ah BD a zir tan a, tunah hian Final Year (BD IV) ni in, exam a hmachhawn lai a ni nghe nghe a ni. Zirlai taima tak leh thiamthei pawl tak ni in 2019-a Students’ Exchange Programme-a Harding Theological College, Meghalaya tel nghe nghe a ni.

An kohhran lama a rawngbawlna ah pawh hnuhma tha tak tak nei tawh leh rawngbawl zelna tura hmalam eng tak nei a ni bawk.  Zirlai fel leh duhawm a nih dan te, a zirlai pui te leh zirtirtu te mai bak ah, AICS chhungkua ang pawha an uizia leh an tawrh dan te Lalzoliana vuina ah hian AICS Principal Rev.Dr.Vanlalchhawna’n a thusawina ah pawh a tarlang a ni.

Tv. F. Lalzoliana’n a kalsan tak, a chhungte leh rawngbawlpui te, a zirpui leh zirtirtu te Pathianin thlamuanin awmpui se tih hi kan tawngtaina a ni.