AICS Valedictory Service neih a ni

Academy of Integrated Christian Studies (AICS) chuan February 24, 2021 (Nilaini) khan zirlai pass chhuakte tirhchhuahna leh thlahna Valedictory Service vawi 18 na an hmang. 

Rev. Dr. Vanlalchhawna Khiangte, Principal, AICS in inkhawm kaihruaiin, Rev. Dr. R. Lalthanmawia, Executive Secretary, Baptist Church of Mizoram chu valedictory speaker atan hman ani.

Tun tuma Valedictory service hi nikum 2020 April thlaa neih tur, covid hrileng avanga thulh leh tak aia hman a ni a, Senate of Serampore hnuaia BD zirchhuak mi 20, M.Th zirchhuak mi 6, Asia Theological Association hnuaia M.Div zirchhuak mi 7 leh Baptist Church of Mizoram hnuaia Diploma in Mission Studies zirchhuak mi 17, an zavaiin mi 50 te thlahna hun hman ani.

Heng zirlai pass chhuak ta te hi Mizoram hmun hrang hrang leh State pawn atangin he hun pawimawh hmang tur hian an rawn kalkhawm a, kal remchang velo te pawhin zoom hmangin an lo zawm ve bawk ani.