Aizawl Area BMP Executive meeting neih a ni

May 7,2022 (Inrinni) khan Savidge Hall, Baptist House, Aizawl ah Aizawl Area BMP Executive meeting neih a ni. a Meeting hi Committee Chairman Pu K. Zodinmawia’n a kaihruai a, Secretary Pu T. Thanliana’n report tlangpui a pe.

Secretary report chuan April 7, 2022 a Aizawl Area BMP Coordination Committee kum 2022-2024 atana hruaitu thar (Office Bearers) thlanna neih a nih thu leh  April 29, 2022-ah O.B Meeting neiin Executive Committee member atan mi 20 ruat an nih thu te a tarlang a. Aizawl Area-ah Pastor Bial 29 awmin chung zinga Bial 19 ah chuan Bial BMP din a nih tawh thu leh Bial BMP la din lohna Pastor Bial 10 a awm thu a tarlang bawk.

Meeting thurel zingah Aizawl Area BMP Fellowship neih ni se tih te, Missionary Cancer leh natna khirh tuarte tanpuina pek ni se tih te relin, Kum 2022-2023 atan Plan leh Budget te an ruahman a, Mizoram BMP Executive Committee-ah pawmpui tura thlen leh tur a ni ang.