Aizawl Area pastor’s Meet, 2019

Aizawl Area Pastors’ Meet, 2019

July 12-14,2019 chhung hian Mizoram Baptist Kohhran, Aizawl Area Pastor’s Meet 2019 chu Baptist Centre, Chanmari, Aizawl-ah neih a ni dawn a. Meet thupuiah “Pastoral Ministry” tih a ni ang. July 12, 2019 (Zirtawpni) zing dar 9:00-ah Meet hawn a ni ang a, Rev. K. Lalbiakchhawna’n kaihruaiin Rev. F. Ramdinmawia, general Secretary, BCM-in a hawng ang.

 10:30-11:00 chhungin Devotions hun hman a ni ang a, Rev. LB Khawpuimawia’n a kaihruai ang.  Chawhma  11:00 a.m-12:00 a.m ah Inhmelhriattirna (Introduction) leh Thupui sawihawnna  (Key Note Address)  Rev.R.Lalrintluanga’n a nei ang.  Rev.Dr.R.Thanmawia, Executive Secretary-in report a pek bak-ah thupui sawihona neih a ni ang.  Chawhnu lamah  Rev. C. Chhuntluanga, Pasator Coordinator, BCM –in Pastor Quarterly Report chungchang sawizauna leh hrilhfiahna a nei ang a, Rev. Dr.K.Lalrinthanga Paper  “Tunlai huna Pastorte mimal nuna tan kan lakna tur pawimawhte”, tih te,  Upa Dr. Lalzirmawia Chhangte paper  “Kohhrante mamawh leh kohhrante’n Pastorte min beiseina”,  tih te leh Rev. C. Ngurhnema Paper “Pastor hmasate atanga kan zir tur” tih te zir ho a ni ang.

Inrinni-ah Aizawl Area Administrative Committee Meeting neih a ni ang a, tlai lamah thupui sawihona neih a ni ang. Pathianni Chawhma lamah Kohhran hrang hrangah insemdarhin hun an hmang ang a, Chawhnu lamah BCM Chaltlang-ah Fellowship & Discussion hun hman a ni ang a, Rev. Dr. Zolawma’n a kaihruai ang. Chaltlang Kohhran-ah hian zanriah ei nghalin zan lamah an inkhawm nghal ang a. Rev. Tc.Laltlawmlova’n Inkhawm kaihruaiin Rev. Dr.R.Thanmawia, Executive Secretary, Aizawl-in thuchah a sawi ang.

Mizoram Baptist Kohhran – Aizawl Area hian Serchhip atanga –Shillong thleng a huam a. Executive Secretary, Aizawl enkawlna hnuaiah an awm a ni. BCM Statistics 2018-in a tarlan danin Aizawl Area chhungah hian – Pastor (bial nei) –29,  Pro.Pastor – 8, Minister bial nei lo(Pensioner,etc) – 36 an awm a. Pastor Bial – 29-ah Local Church  -185 awmin, Kohhran member 37,017 an awm a ni.

Posted in BCM News.

admin