Aizawl BKHP Silver Jubilee lawm mek

Silver Jubilee Main Celebration

Baptist Kohhran Hmeichhe Pawl(BKHP) Aizawl chuan an dinchamphaphak kum 25-na, SULVER JUBILEE chu August 1-2, 2018 hian Kanaan Biak In, Aizawl-ah an lawm mek. BKHP Aizawl Silver Jubilee lawmna hi BKHP Co-ordination Committee, Aizawl buatsaih a ni a. Jubilee thupui atan “Bungbel thianghlim, Lalpa hman tlak”  (II  Timothea 2:21) tih thu hman a ni.

Aizawla BKHP a din tirh (Kum 1993 Aug 2) khan Aizawl khawpui chhungah Pastor Bial 2 chauh a la awm a, BKHP member pawh tlemte an ni. Tunah chuan Aizawl khawpui chhungah Pastor Bial 9, BKHP Unit 53 leh member 3,355 lai an lo ni ta. He Silver Jubilee hi MBKHP Hruaitu pathum – Pi F. Lalrochami – President, Rbt F. Zanguri, Treasurer leh Dr Zoramthangi, Finance Secretary ten an hmanpui a ni.

August 1, 2018 (Nialai zan) khan Jubilee hawnna Inkhawm neih a ni a, Dar 6:30-ah Biak In kawtah Jubilee mei detin, Pi Lianngengi, Chairman-in a chhi kai a, meidet zawhah Pathian Biak inkhawm neih nghal a ni. Inkhawm hi Rbt Lalbiakzuali, ITI,  Republic VT Pastor Bial –in kaihruaiin, Rbt. F. Zanguri, Treasurer MBKHP hnen atangin thuchah ngaihthlak a ni a, Aizawl Area Baptist Choir leh ZotlangPastor Bial Zaipawl (Azl) te an zai bawk.

Vawiin August 2, 2018 (Ningani) zing atangin Jubilee lawmna pui ber (Main Celebration)neih tan a ni a, Zing dar 9:30-ah Jubilee Lungphun hawn programme awmin Pi K. Kaptluangin a kaihruai a, Rev. H. Chalbuanga’n lungphun a hawng. 9:45 a.m ah Pi Vanlalruati Hnamte kaihhruaiin Silver Jubillee dar vawi 25 vuak a ni bawk.

Chawhma lam dar 10:00 – 12:30 ah Jubilee lawmna Inkhawm neih chhunzawm lehin Upa P. Lianngengi’n inkhawm a kaihruai a, MBKHP President Pi F. Lalrochami’n chibaibukna (Greetings) sawiin Rev.Dr. R. Zolawma, Principal, AICS-in Souvenir a release bawk. Rev. F. Lalsangliana, Chairman, AADC in thuchah a sawi a, BKHP zaipawl – Zemabawk Bial, Luangmual Bial leh Aizawl East Bial ten Pathian fakn hla an sa a, Rev. Dr. RL Hnuni’n Malsawmna-in Inkhawm a tin.

Chawhnu lam hian Fellowship neih leh a ni ang a, hetah hian Hruaitu hlui chawimawhna neih leh a ni ang. Fellowship banah Jubilee lawman ruai kilho a ni ang.

 1:15 – 3:30 pm       :           Fellowship Programme

Zai Hruaitu           :  TKP Chawnpui Unit

Hruaitu                 :  Pi Lalparmawii, Vice Chairman

Thupuan              :  Secretary

Greetings           :  BMP Co-Ordination Comt, Aizawl

Zaipawl                 :  1) BKHP Bawngkawn Pastor Bial   2) BKHP Republic Pastor Bial

Hruaitu hlui Chawimawina Citation hlan

Kaihruaitu            :  Pi Hmangaihkimi, Finance Secretary Pi Lalhmunmawii, Pi R. Lalbiaktluangi

Hlantu turte        :  1) Upa C. Lalnunnema, Senior Adviser

2) Upa R. Hrangkima, Senior Adviser

Changvawn sawirualna  :  BKHP member zawng zawng

Sawi tur                                                :  Thufingte 31 : 10-31 (Nupui fel)

Kaihruaitu                            :  Pi Zomuanpuii,

Aizawl East Pastor Bial

Zaipawl                                 :  1) BKHP Mission VT Pastor Bial

2) BKHP Zotlang Pastor Bial

Thilpek hlan                        :  MBKHP Hruaitute  etc

Hlantu turte                        :  Pi Lalthanzami Punte, Pi Thansangi,

Pi Lalchhawntluangi

Malsawmna                        : Rev K. Rohmingliani

 

Posted in BCM News.

admin