Assembly 2019-Reports

GENERAL SECRETARY REPORT

BCM Assembly 2019 Palai zawng zawngte in zavaiin chibai ka buk a che u. BCM Assembly 2018 leh tun inkara Central Committee hnuaia hmalakna kawng hrang hrangte a tlangpui chauhin hetiang hian ka han report a, a chipchiar chu Minute buah tarlan a ni ang.

1. September 4, 2018 khan London-a Sap Upa leh Pu Buanga thlan siam thar dedication programme BCM Puipate leh member thenkhatte Mizoram atanga kalin, BMS hruaitu thenkhat leh London-a Mizo awm thenkhat ten hun an hmang. Hei hian BMS te leh Sap Upa leh Pu Buanga te lo lawina kohhran te rilru pawh a ti thar hle. He programme hi an ngai hluin BBC Radio ah leh chanchinbuahte pawh an chhuah hial a ni.

2. November 9, 2018-a Serampore Bi-centennial special programme hmang turin a hnuaia mite hi BCM aiawha tirh an ni.
1) Rev. Dr. Vanlalchhawna Khiangte
2) Rev. R. Lalrinliana
3) Rev. ZD. Rodingliana
4) Rev. Lalhmunsanga

3. Shillong Biak In sak peih tawh a ni a, Febuary 23, 2019 khan hawn a ni. Kum 3 chhung Biak In buatsaihna hun a nih lain kum 1 chhungin kan peih thei a, a lawmawm hle.

4. Mizorama Chanchin Tha thlen kum 125-na Gospel Quasquicentennial Jubilee lawmna programme January 11, 2019 khan Dist. Hqrs-ah te leh Tualchhung Kohhran tinah Gospel Quasquicentennial lungphun te siamin, ruai nen hlim taka hun hman a ni. BCM Puipate pawhin District Hqrs tinah insem darhin hun an hmanpui.

5. Chatuan ram min pansan te:

FINANCE

6. August thla tawp lam khan BCM Accounts Statutory Audit neih a ni a, tun meeting-ah hian ziaka sem a ni.

7. Kumin FY 2018-2019 atana Target thehluh hun hnuhnung ber chu March 22, 2019 a ni ang a, nakum FY atang chuan kum tin March 20 hmain thehluh tur a ni ang. Internal audit ?? A pumpui thuah account fello a awmlo.

8. Department hrang hrangte hlawh Service bu mila endik mek a ni.

9. 2019-20 Budget bu thar chu Nuai bi (in terms of lakhs)-a buatsaih a ni.

10. January 2019 thlenga BCM Healthcare Scheme zawmtute Department tina awm dan chu hetiang hi a ni:
Central : 402
Mission : 309
Service : 300
Total : 1011

11. BCM Healthcare Scheme April 1, 2018- January 31, 2019 dinhmun:
EXPECTED INCOME
Members contribution 2018-19 : Rs. 40,45,000
Budget 2018-19 : Rs. 33,00,000
Total : Rs. 73,45,000
ACTUAL RECEIPT
Upto December, 2018 : Rs. 37,85960
Budget : Rs. 24,00,000
Bank Interest : Rs. 2,103
Total : Rs. 61,85,960

PAYMENT
Total : Rs. 64,17,082
Kum 2017-18 balance nen kan la in manage thei a ni.

EXECUTIVE SECRETARY, AIZAWL AREA

12. Baptist House Upper Khatla kawngpui ân Book Shop chu Disaster Management atanga phalna kan hmuh angin luah leh tawh a ni a. Sawrkarin min thiah sak chin repair nan Rs. 2,01,12,500 sawrkarah kan dil a, Rs. 188.43 lakhs min pe a, kan lawm hle.

EXECUTIVE SECRETARY, LAWNGTLAI AREA

13. LAA&DC in a rel angin Tualchhung Kohhran te zualte 15 lai tlawh leh tanpui an ni a, hei hian nasa takin kohhran inpumkhatna leh hmasawnna a thlen a ni.

14. January 6, 2019 (Pathianni) khan Mizoram Chanchin Tha thlen kum 125 lawmna atan Pastor Bial 3 atangin Lawngtlai khawpuiah Gospel Rally ropui taka neih a ni.

FELLOWSHIP ORGANISATION DEPARTMENT

BMP
15. FOD hnuaia Fellowship dangte ang hian Kum 2020 BMP Meet hi kum tir lamah neih ve thin ni tawh se tih a ni a, a hun atan February 7-9, 2020 ruat a ni. BMP lo din tanna Thingsai khuaa neih tur a ni ang.

KNP
16. KNP kum 75 tlin lawmna programme Unit hrang hrangah hlung taka hman a ni a, hemi pual hian Souvenir pawh buatsaih a ni. Unit hrang hrangin an remchan angin lungphun an siam bawk.

MBKHP
17. Dt. 24th April, 2018 khan NEICCWA Inter-Denominational Gathering of Worship programme, Chanmari Presbyterian Biak In, Aizawla neihah BKHP member 40 an tel.

18. August 29- September 1, 2018 chhung khan 13th Asia Baptist Women’s Assembly Penang, Malaysia-ah neih a ni a, hetah hian MBKHP aiawhin member 20 an kal a, India aiawhin Cheraw an kan.

19. Kum 2019 MBKHP rorel February 28 khan BCM Lamthuamthum, Haulawng-ah hlawhtling taka neih a ni. Kum 2020-ah chuan Thenzawl Pastor Bial-ah neih a ni ang a, kum 2021-ah S. Vanlaiphai Pastor Bialah MBKHP inkhawmpui neih a ni ang.

20. MBKHP Chawnghei tawngtai neih a thawhlawm tllingkhawm atangin BCM hnuaia Missionary damlo damdawi ina admit mi 29 hnenah tanpuina/kanna pek a ni.

MTKP
21. Assembly 2017 thurel bawhzuiin Gospel Quasquicentennial inbuatsaih nan MTKP-in Lunglei khawpuiah Gospel Quasquicentennial Quiz, Siaha-ah leh Kolasib-ah Free Concert, Aizawl-ah Talk Show buatsaih a ni. Tin, Quasquicentennary pual hian ‘Fak Zairi Homecoming Music Videos’ December 30, 2018 khan release a ni bawk.

22. May 10-12, 2018 chhûnga Asia Pacific Baptist Youth (APBY) buatsaih Ho Chí Minh City, Vietnam-a ‘Making & Multiplying Disciples (MD2) Conference’-ah Mizoram TKP atangin Organiser leh mi dang 5 an tel.
23. World Blood Donor Day (June 14, 2018) khan Association for Voluntary Blood Donation Aizawl-in a buatsaihah MTKP chuan chawimawina a dawng. Tin, TKP Coordination Committee Aizâwl chu religious group zînga titha ber niin lâwmman pakhatna an dawng bawk.

24. July 30, 1951 (Thawhtanni) zana Serkawn Sikulpuia Thalai Kristian Pâwl (TKP) din a nih tuma telte zinga la damte titipuina video siam a ni. Hei hi Historical document hlu tak a nih a rinawm.

25. February 14-17 chhung khan MTKP Inkhawmpui vawi 47-na Tlabungah tluang taka neih a ni.

PASTORAL

26. Tualchhung Kohhran thar:

S.No Kohhran Hming Bial hming Hawn Ni
1 Salem Republic vengthlang May 25, 2018
2 Lawipu Mission vengthlang May 26, 2018
3 Tuithumhnar Hmawngbu June 3, 2018
4 Saihapui K Vairengte November 12, 2018
5 South Sabual Buarpui N December 9, 2018
6 Pukpui W Zotlang January 5, 2019

27. Bial thar hawn:

S.No Bial Hming Hawn ni
1 New Serchhip 23-Jun-18

28. Pension-a chhuak:
Rev. H. Lianngaia chu BCM Constitutions & Rules-in a phalsak angin, July 31, 2018 khan Superannuation pension-in a chhuak.

29. Evangelistic Team thar: Revival and Evangelism Committee chuan a hnuaia Team te hi a Recognised thar:

S.No Team hming Speaker Veng/Khua
1 Krista Khawngaihte Team Remsiampuii Royte Chaltlang
2 Kross Chhuangtute Team R. Lalrinchhana New Khawlek
3 Lalpa Hnathawh Kengtu Team Rbt. R. Vaninmawia Sekhum
4 Logos Outreach Group of Salvation ( L.O.G.O.S) Andrew Lalhmachhuana Fanai Rahsiveng
5 Pathian Thuhriltute Team Upa Laltlawmlova Sailo Electric Lunglei

30. Recognition tih tawp sak te: Revival and Evangelism Committee chuan heng a hnuaia Team te Recognition hi a tihtawp sak:

S.No Team hming Speaker Veng/Khua
1 Jehova Jire Upa H. Sangliantluanga Changpui
2 Gospel Revival Team Upa Lalkhama Sailo Bazar veng

31. Kohhran Upa Ordination: Kum 2018 chhungin Pastor Bial 59 atangin Kohhran Upa atan mi 135 nemngheh an ni.

32. Pastor Conference: December 11 – 14, 2018 khan AICS Campus ah ‘“Vanram chabi Kawltu” (Matt 16:19)’ tih thupuia hmangin Pastor Conference neih a ni a, Pastor leh Pro Pastor-te mi 126 leh Minister Pensioner 9, an vaiin mi 135 an kal.

33. Rev. Lalzarliana’n Senate of Serampore atangin Doctor of Ministry a hmu thar a, kan lawmpui hle.

PROPERTY DEPARTMENT

34. Ram lei:
1) 2018-19 FY chhungin hmun 14-ah ram Rs. 2,50,00,000 chuanga lei a ni a, Kolkata-ah Rs. 400 lakhs man lei tura in dawr mek a ni bawk.
2) Main Account Balance 2017-2018 atangin hmun 5-ah ram Rs 43,50,000/- man lei a ni.
Ram lei dan kimchang chu Minute & Report bu-ah tarlan a ni ang.
35. 2018-19 FY chhungin heng a hnuaia tarlan Bialah te hian Pastor Quarters sakna tur Rs. 10 lakhs theuh pek a ni:
1) Kanhmun Bial
2) Lungchem Bial
3) Lunglei Bazar Bial
4) Hnahthial South Bial
5) Phuaibuang Bial

Quarters grant pek tawh sa, la sa zo theilo leh major repairs atan Bial 7 hnenah sum pek belh a ni bawk.

36. HATIM Administrative building chu sak zawh tawh a ni a, official taka in handover-na kan la neilo nain, in hriatthiamnain February 14 khan luah luh a ni.

37. Assembly Executive Committee Hall: AEC Hall 45’x70’ approx. sak mek a ni a, hall seating capacity hi 320 (Approx) a ni. Kumin chhunga sak zawk hman beisei a ni.

38. Basketball court: Mizoram Sawrkar, Sports Fund atanga BCM Mual a Basketball court sawnna tur Project Estimate Rs.19 lakhs min rawn sanction sak atangin Court hi sawn tawh a ni.

39. Communication Department a Audio Visual tih changtlun nan Finance Committee chuan Main Balance atangin Rs 16,00,000 equiptments lei nan a pe.

40. Thil dangte:
1) Property budget atangin Building Infrastructure lam hna hmun hrang hrang hmun 15 vel ah khawih kal reng a ni.
2) Pastor Quarters 20 chuangah repairs, tuizem, Quarters sak chhunzawmna etc. atan sum pek a ni.
3) Hqrs leh hmun hrang hranga BCM Qtrs/building te a tul anga repair leh extend mek zel an ni. Detailed report chu Minute & Reports bu ah tarlan a ni.
BOARD OF THEOLOGICAL EDUCATION

41. Saitual Pastor bialah Lay Leadership Training May 4-7, 2018 khan Saitual khuaah neih a ni.

42. Princeton Theological Seminary (PTS) atangin exchange student Austin Matthew, North Carolina tlangval fel tak kan nei. Northeast India-a kan Baptist-pui Theological College nen Student Exchange nei turin hma lak a ni bawk.

43. Mizoram sorkar atangin Zero Waste Management atan cheng nuai 15 leh Volleyball Court siamna tur cheng nuai khat dawn a ni a, hna thawh mek a ni.

JUBILEE BIBLE SCHOOL

44. Tunah hian Jubilee Bible School-ah zirtirtu 5 leh zirlai 27 an awm. Zirlai zingah hian Missionary thawklai leh kohhran dang CCI (M) leh ECM memberte pawh an tel. Practical Ministry programme pawh hetiang hian neih a ni:
1) JBS Awareness Campaign Lunglei khawpui chhunga Tualchhung Kohhran 15-ah neih a ni.
2) June 13-14 ah Annual Sports
3) July 30-ah Chhawmdawlna In tlawh a ni
4) BCM Kahrawt, BCM Immanuel, Champhai leh Rihdil te tlawh a ni.

WORSHIP AND MUSIC DEPARTMENT

45. BCM Choir:
1) Ramchhunga rawngbawlna bakah rampawnah pawh Arunachal Far East, NEICC 78th 3rd Biennial Session (Meghalaya), leh NEICCYA Silver Jubilee (Meghalaya)-ah te rawngbawlna an nei.
2) Lelte Award 2018, Choir of the Year lawmman April 13, 2018 khan a vawi khatna atan dawn a ni.
3) BCM Choir Inkaihhruaina buatsaih a ni bawk.
4) February 10, 2019 Pathianni zan khan Music Video album hla 16 awmna tihchhuah a ni. BCM Chanmari-ah Rev. F. Ramdinmawia’n a release.

46. Bial eng emaw zatah Worship Seminar, Music training, Jr. TKP/Tleirawl Meet neih pui a ni.

ASSEMBLY HMASA THUREL UMZUI DAN

BCM Assembly 2019 Palai zawng zawngte in zavaiin chibai ka buk a che u. BCM Assembly 2018 thu passed bawhzui dan tlangpui ka han report anga, report chipchiar chu Minute buah tarlan a ni ang.

1. Vehicle hlui tihral leh a thar lei chungchang (1.2):
Vehicle hlui hralh tura Assembly 2018-in a rel te

c Type of Vehicle Regn. No. Date of Regn. Hralhna zat
1 Bolero SLE(Lawngtlai ES) MZ – 07/2332 6.8.2012 3,00,000
2 Bolero DI LX2wd(Hqrs.) AS-01 AE 5908 25.9.2007 1,60,000
3 TATA Winger AR 01C 6960 12.03.2009 15,000
4 Bolero-SLX DI(HATIM) Mz-02/9949 31.8.2010 nil
5 TATA 207 Telco(R&D) MZ-02/9895 23.8.2010 2,00,000

Vehicle lei thar tura Assembly 2018-in a rel te

S.No Type of Vehicle  Place of Post Remarks
1 Mahindra Bolero – SLX Power plus HATIM Lei tawh
2 Mahindra Bolero-Camper 4WD R&D Dept. Lei tawh
3 Mahindra Bolero – ZLX Power plus ES Office, Lawngtlai Lei tawh
4 Eeco Van Huto English School  La lei loh
5 TATA 407 Tripper Med. & Health Lei tawh

2. BCM Rehabilitation Centre din chungchâng (1.3): MBKHP lam nên tang kawpin thawh dun chhoh mek a ni. BCM in Centre manager (Temporary) pakhat leh Contract Counsellor pahnih hlawh kan pe mek. Tin, Boys Hostel sakna leh Infrastrcture development atan tun Financial Year chhung hian Rs. Nuai 20 dawn kan hmang tawh. Hemi bakah hian kum tinin Property Committtee kaltlangin Infrastructure Development atân sum eng emaw zat dah thin a ni bawk. Thawktu dang pawh MBKHP te nên inbe rawnin lâk chhoh zel tum a ni.

3. BCM Charity Fund din chungchâng (1.4): R&D in hma la in Tualchhung Kohhran hrang hrangah hriattir a ni a, pawisa pawh a rawn lut tan tawh.

4. Finance Rules Revise chungchâng (1.5): Finance Committee-in umzuiin tunah hian Finance Rules leh Finance Manual te bu khat a siam a ni.

5. Memorandum of Understanding (MoU) sign te:

S.No Pawl hming A hun chhung MoU sign Ni
1 Kalay Valley Baptist Association
(Assy. 2018 rorel 1.9)
5 yrs March 11, 2018
2 The Leprosy Mission
(Assy. 2018 rorel 8.1)
5 yrs April 2, 2018
3 Galo Baptist Union
(Assy. 2018 rorel 3.1)
10 yrs May 12, 2018
4 Global Chin Christian Federation (GCCF)
(Assy. 2018 rorel 6.1)
5 yrs February 1, 2019

6. APPEAL: Assembly-in Appeal siam a phalsak te tan Administrative Committee in a um zui a, hetiang hian sum hmuh a ni:-
1) BHSS Building sak nan Pathianni zing thawhlawm vawi khat dil – Rs. 8,58,256/-
2) BCM tualchhung Kohhran tina Shillong Mizo Baptist Kohhran (SMBK) Biak In Sakna tur – Rs. 19,06,271/-
7. Aizawl-ah Music School din nise (5.5): A course zir dan tur leh thil tul ang te BTE in uluk takin hma a la mek a ni.

8. BCM hian Kolkota-ah ram lei ni rawh se. (5.11 & 5.30): Assembly thurel bawhzuiin Kolkata-ah hmun/building Rs. 4,00,00,000/- (Nuai Zali) man lei tum mek a ni. A leina tur atan hian Supplementary Budget siam a ni a, Target-a sem ral a ni.

9. Baptist Church of Mizoram Missionary Supporter policy 2013 kan hman mek siam that chungchang. (5.15): Missionary Supporter Policy 2013 siam that chungchangah Mission Board-in hma a la a, Agenda ah hian an hmalaknate rel tura dah a ni.

10. BCM Ordained Minister Superannuation pension-a chhuakte hi Assembly hmingin an service hriatpuina turin ngaihhruihna thu ziak (Citation) pek ni se, Assembly-ah hlan thin ni se, Ordained Minister Superannuation pension-a lo chhuak tawh zawng zawngte pawh pek leh vek ni se. (5.17): BCM Ordained Minister Superannuation pension-a chhuakte Citation hi tun Assembly 2019 atanga pek tura buatsaih a ni.

11. BCM-in Nauhlan, Baptisma leh Inneih Certificate a hman mekte hi siam that ni se. (5.19):
Administrative Committee-in a mawhphurtu tur mi 3 a rautte ruahmanna chu ngun taka thlir a nih hnuin
AEC August 2018 ah pawm a ni a, chu chu tunah hian hman mek a ni. Tihdanglam dan:
1) Inneih certificate kan hman lai hi a la tha in hriat a ni a.
2) Nauhlan leh Baptisma certificate-ah hian Pian ni leh kum leh nu hming ziak lan tura ruahman a nih thu report a ni a.

12. BCM Mission Field tlawh dan inkaihhruaina siam ni se. (5.20): BCM Mission­ Board-in lo bawhzui se tih chu umzui a ni a. Ruahmanna an siam chu tun Assembly hian kan thlir ho dawn a ni.
13. Missionary Day (January 11) hi Holiday ngheta puan anih theih nan Mizoram Sawrkar-ah thlen nise. (5.21): Assembly thurel ang hian “Missionary Day (January 11) hi Holiday ngheta puang turin ngenna lehkha Chief Minister Pu Lalthanhawla hnenah thehluh a ni. Kuninah hian engmah tihdanglam awm lova a awm hi kan lawm hle a ni.

14. Ram pum huapin tawngtai inkhawmpui neih nise (5.22): September 29, 2018 dar 11:00 am – 3:00 pm khan ram pum huap tawngtai inkhawm hun hman a ni.

15. Kohhran Upa thlan tharte tan BCM hian Orientation Training buatsaih thin rawh se. (5.26):
Orientation Guide Book siam a niin, a mamawhte Bialah thawn chhuah tawh a ni. Kum 2019-a Upa thlan tharte Orientation neih puina tur pawh 2019-20 Budget-ah telh a ni.

16. BCM Headquarters atanga Lehkhabu chhuah (Publication) leh Kohhran Chanchinbu thuziak chi hrang hrang tih dik loh avanga tih dik lehna (Corrigendum) tam lutuk hi tihreh theih nan Assembly-in hma la tura rawtna. (5.29): BCM Lehkhabu tihchhuah te reng reng tihdikna chhuah ngai lova tan la theuh turin Department tinte hriattirna siam a ni a, Department lehkhabu chhuah tur reng reng te chu Literature Reader kal tlanga tih zel tura hmalak a ni. Hemi bakah hian Lehkhabu leh Chanchinbu leh hunbi neia lehkha tihchhuah ngaite Publication Time Frame Calendar siamin a hun taka tichhuak thin tura hmalain ruahmanna siam a ni bawk.

17. BCM Ni pawimawh zinga “Thlai thar Pathianni” hi a hun ruat bur lovin Tualchhung Kohhran remchan dan anga hman ni se (5.30): Hei hi 2019 atanga hman tan tur a ni ang.

18. Serchhip Bial leh Saitual Bial atanga New Serchhip Bial Siam chungchang (6.2): Serchhip leh Saitual Bial atangin New Serchhip Pastor Bial thar chu June 23, 2018 khan BCM President Rev. Lalbiaksanga Chinzah in a hawng.
19. Assembly 2017 Thurel 5.8 umzuiin Lithotripsy Rs. 72,00,000/- a lei a ni a, a accessories Rs. 5,00,000/- a lei a ni bawk. Tin, C-Arm Rs. 19,00,000/- a lei a ni a, a in hi Rs. 50,00,000/- seng a sak zawh tawh a ni. A vaiin – Rs 146,00,000/-

 

MISSION REPORTS
APRIL 2018 – JANUARY 2019

A hmasain BCM Assembly palai lo kal zawng zawngte kan Lalpa, Isua Krista hmingin chibai ka buk a che u. Tun tumah hian Mizoram Baptist Kohhran Mission lama kan rawngbawlna chanchin report pe thei tura hun tha tak min pek avangin a hmasain Pathian hnenah leh palai zawng zawngte hnenah lawmthu ka sawi a ni. Nikum April 2018 atanga kumin January 2019 thlenga BCM Mission rawngbawlna chanchin report tlangpui chu hetiang hi a ni.

1. Missionary Lak tharte: Kan report pek hun chhung hian missionary thar mi 12 lai kan nei a, hengte hi an ni:

S.No Name Degree Post Father’s Name
1 Laldikkimi Khiangte M.Sc.B.Ed Subtantive K.Zoenga
2 R.Lalhriatpuii B.A.Dip.T.Ed. Temporary R.Lallianzuala
3 Vanlaldina B.A.B.D Temporary L.H.Liansanga
4 Lalramdinpuii Khiangte B.A.B.D Contract K.Vanlalchhuana
5 PC.Lalhriatpuii B.A. Contract PC.Lalengmawia
6 H.Lalruatfela Sr.Sec.Dip.T.Ed Contract H.Lalneihkima
7 RL.Lalsangpuii B.A.CCC Contract Chhunzika
8 Esther Lalkhawngaihi MSW Contract B.Lalremthanga
9 Elizabeth Lalnuntluanga GNM.B.Sc (N) Contract V.Vansanga
10 R.Lalremruati HSSLC.Dip T.Ed Contract R.Romawia
11 J.Lalrokima B.D. Contract Lianthanga
12 H.Lalawmawii B.Th.M.Div. Contract H.Lalnunmawia

2. A chunga mi thar lak bakah hian Missionary Temporary-a thawklai kum 10 lo service tawh atangin Pu P.Lalzamliana chu substantive post atan lak a ni. Tin, Contract-a thawk lai kum 10 chuang lo service tawh Pu Vanlalhluta Sailo E/T leh Pi B.Laldinpui E/T leh Pi Lalengzami E/N te chu Temporary post atan lak an ni bawk.

A chunga mi thar lakte hian AICS-ah Missionary Training an nei mek a, Kumin April 2019 hian an zo dawn a ni. Theological degree nei mi pali Tv.Vanlaldina, Nl.Lalramdinpuii Khiangte, Tv.J.Lalrokima, leh Nl.H.Lalawmawii te chuan an thawhna hmun thlengin rawngbawlna hna an thawk mek tawh a ni.

3. Furlough nei mek: Kumin kum kal lai mekah hian Kan Mission Field atangin kan missionary thawk lai mek Field hrang hrangin mi 17 ten Missionary Furlough Deputation programme an hmang tawh a, Heng Furlough Programme hmangte hian Pastor Bial thum theuh tlawhin hun an hmang a ni. Furlough Deputation an hman dan hi Pasor Bial thum ang zelah hian Khawpui Bial khat leh Thingtlang Bial hnih hi mi pakhatin hun a hman dan a ni. Kohhranho te leh Bialtu Pastor ten theihtawp chhuaha lo tawiawmin thenkhatte chuan Kohhranah Appeal te an rawn nei a, heng Appeal te pawh in lo tihhlawhtlin sak a. Chumi avang pawh chuan Kohhran hote leh Bialtu Pastor te chungah lawmthu ka han sawi a ni.

5. Missionary Conference Vawi 6-na Hmang Zo: Nikum lama Mission Board committee-in a lo rel tawh Missionary Conference neih nise tih chu November 1st – 4th, 2018 chhung khan neih a ni. He conference-ah hian Mission Field hrang hrang atangin Missionary 450 lo kalin hun hlimawm tak BCM.Electric Kohhranah tluang takin kan lo hmang zo ta a ni. He Conference thupui hi- “Thlarau Thianghlim, I hnathawh tithar leh ta che”. tih chu a ni. Speaker hi Rev.Lianchhunga Khiangte Organiser MTKP chu hman a ni a; Hun hrang hrangah Workshop neiin Suibject hrang hrang Witnessing Christ in the context of Hindu Fundamentalist, The importance of Oral Proclaimation in Mission, Mission Among the Muslims, leh Culture and Mission te zir a ni. Resource Persons atan Rev.Dr.Rodinmawia Ralte, Rev.Dr.B.Lalramhluna, Mr.Gerhard Hoffmann, & Mr. Kajal Uddin, Upa Dr.Andrew Lalhmangaiha AICS, Nl.Lalhmingmawii Chawngthu, AICS te sawm an ni. Programme hlawhtling takin kan nei a chhunzawm zel tlak niin kan hria.

6. Feh chhuahna: Mission Promoter, Mission Coordinator leh AGS i/c Mission te chuan Mission Field hrang hrangah Mission hmalakna leh thawh zelna atana thil tul leh Programme pawimawhah zinchhuakin hun an hmang a. Hei mai bakah hian Mission Convention, Consultation leh Mission Crusade Programme kohhran hrang hrangah zin kualin hun kan hmang reng bawk a ni. Heng programme hrang hrangah hian kan BCM Mission kalhmang Local Church, Bial leh Assembly thlenga rilru hmun khat pu leh pheikhai rual tak leh awmze nei taka Mission Field beih a tul thu hi kan tlangaupui zingah a tel a. heng bakah hian kan sum neihte awmze nei tak leh hlawk taka hmang turin kan infuihin Mission Support uar zel tura campaign kan nei ngawrh hle bawk.

7. Missionary Tirhchhuah Inkhawm: Missionary tura kan lak thar, Theological degree nei mi palite’n AICS-a Missionary Training leh BCM Headquarters Office-a Orientation an paltlang hnuin Tirhchhuah Inkhawm November ni 11, 2018 khan BCM Rahsiveng Biakinah neih a ni a. Rahsi veng kohhran hian zo takin tirhchhuah inkhawm min thleng a, kan lawm tak zet a ni. Tirhchhuah programme-ah hian Rev. Dr.C.Vanlaldika, AGS i/c Mission-in inkhawm kaihruaiin Rev.F.Ramdinmawia’n BCM aiawhin a tir chhuak a, Rev. B.Lalrinawma’n Thuchah a sawi a ni. Chung Missionary te chu hengte hi an ni:
1) Lalramdinpuii Khiangte B.A., B.D. – Arakan Field, Myanmar (contract)
2) H. Lalawmawii, B.Th., M.Div. – Jharkhand (Contract)
3) Vanlaldina, B.A., B.D., – BMS, Tuichawng (Contract) Chakma Mission
4) J. Lalrokima, B.D., Gogamuk (Mishing), AP West (Contract)

8. Pathian khawngaihna ropui tak avangin Mizoram Baptist Kohhran tlangtin leh hmuntina awmte chuan Tawngtai, thilpek, fuihna leh Field tlawh leh work Camp ten kan mission Field kan vil reng a ni. Hei hi thil tul leh pawimawh tak, kan tan hona lian tham tak leh Field hmasawnna hnar ber a ni tih hi kan chiang hle a ni. Kum 2018 chhung ringawt pawh khan Field tlawh leh work camp Tualchhung Kohhran,Bial,FOD leh ABC te hial in thawhin Ramchhung leh rampawn Mission Field hrang hrangah tha leh zung sum leh pai hlanin kan feh chhuak reng bawk a ni. Hetianga Fehchhuahna nei tura Headquarters-a in report hi group 25 vel kan nei a ni. Heng Kohhrante hian Mission Field-ah hna tul hrang hrangte thawkin leh an mamawh hrang hrangte hriatpuiin heng kal tlang hian kan mission spirit hi kan ti nung reng bawk. Hei vang hi a ni mahna kum kal ta ai khan ringthar pawh kan ngah ta zawk a ni. Hetiang hi a nih avangin Kohhrante’n kan field hi uluk taka vilin hma la zel turin Palai lokalte kan ngen nawn leh a; chumi rual chuan Field tlawh inkaihhruaina zawm tlan theuh tum ila a lawmawm hle bawk ang.

9. Mission School Report:
Mission Field kan enkawl mekah hian High school 17 enkawlin Nikum 2018 khan HSLC/Madhyamik result tha tak kan nei. Candidate hi 494 neiin heng atang hian Distriction mi 15, I Div 94, II Div 122, III Div 109, Simple 9 an ni. Pass zawng zawng hi 355 niin Compartment 35 an ni a, Fail hi 88 an awm thung. Pass percentage hi 81.41% a ni. Pathianin School hmangin BCM rawngbawlna pawh tluang tak leh chak takin min la hruai zel bawk a ni. Hemi a nih avang hian kan sikul hmalaknate hi theihtawp chhuaha Kohhranhoten tha thlah miah lova, bei zel tur pawh niin kan lang.

10. Ringthar dinhmun January 2018 – January 2019:

S.No Name of Field Ringthar zat Kohhran thar zat
  A Home Mission
1 Bru Mission 376 7
2 Chakma Mission 160 1
3 Non-Mizo Mission 27
B India ram state dang
1 Tripura 1358 3
2 MP & MH 21 1
3 Arunachal East 274 1
4 Arunachal West 253 1
5 Arunachal Far East 291 2
6 Assam 193 1
7 Bengal 107 1
8 North India Mission 757 5
9 Jharkhand 132 3
10 Andaman 62
C. India ram Pawn
1 Nepal 73 2
2 Bhutan 15 2
3 Miria,Bangladesh 62 1
4 Cambodia 8
5 Arakan 38 3
TOTAL 4205 34

11. Mission Worker Dinhmun thar ber

S.No Name of Field Ringthar zat Kohhran thar zat
  A Home Mission
1 Bru Mission 376 7
2 Chakma Mission 160 1
3 Non-Mizo Mission 27
B India ram state dang
1 Tripura 1358 3
2 MP & MH 21 1
3 Arunachal East 274 1
4 Arunachal West 253 1
5 Arunachal Far East 291 2
6 Assam 193 1
7 Bengal 107 1
8 North India Mission 757 5
9 Jharkhand 132 3
10 Andaman 62
C. India ram Pawn
1 Nepal 73 2
2 Bhutan 15 2
3 Miria,Bangladesh 62 1
4 Cambodia 8
5 Arakan 38 3
TOTAL 4205 34

No. of Missionary

Year Male Female Total
2015 – 2016 662 436 1098
2016 – 2017 815 449 1264
2017 – 2018 821 456 1277
2018 – 2019 832 465 1297

 

Sd/- Rev. Dr. C. Vanlaldika
AGS Mission

 

AGS SERVICE REPORT
(April, 2018 – March, 2019)

THUHMAHRUAI:

Pathian hruaina leh awmpuinain kum 2019 Assembly chu kan lo thleng leh ta a. He hun lawmawm tak min hruai thlengtu kan Pathian Engkimtitheia hnenah chuan lawmthu awm sela. Assembly palai lokal zawng zawngte min Chhandamtu Lal Isua hmingin chibai ka buk a che u. Kum 2018 – 2019 BCM Service rawngbawlna report tlangpui pe leh theia min siamtu kan Pathian hnenah lawmthu ka sawi nawn leh a, tun tum hi AGS i/c Service ka nih anga report ka pek theih hnuhnung ber a lo ni dawn ta reng mai. Kum thum chhung AGS Service hna tling lo tak leh fel lo taka ka chelh chhung hian Pathian hruaina ropui tak ka chang nasa hle in ka hria. Chubakah ka rawngbawlpui Assembly Puipate BCM Headquarters office thawktu zawng zawngte, Service hnuaia Department Heads, Institution Head te leh thawktu zawng zawngte nen thawhhona tha tak kan nei hi lawmawm ka tiin, an chungah pawh lawmthu ka sawi bawk a ni.

Service hnuaiah Department pasarih a awm a, hrang hrang dinhmun leh rawngbawlna tlangpui chu hetiang hi a ni.

1. BAPTIST LITERATURE AND PRINTING (BLP):

Baptist Literature and Printing (BLP) hnuaiah hian rawngbawlna peng thum a awm a, chungte chu:
1) Baptist Literature Service: Baptist Literature Service-ah hian thawktu 20 an awm mek a. BLS rawngbawlna-ah hian hmasawn a harsa hle a, a chhan chu kan dawr neihte hi a tlangpuiin a zim a bungrua tam deuh han in dah belh tur leh Item thar tih belh turin hmun a awm thei lo a ni.Tin, kan Branch neihte hi luah man pek a ngai deuh vek a, dawr nghaktu hlawh pawh a tum pha meuh lo a ni. Kan harsatna tawh pakhat ni a lang chu Kohhran mite hian lehkhabu chhiar kan uar tawk lovin lehkhabu chhiar kan tlem telh telh hi a ni.

2) Baptist Printing Press: BPP rawngbawlna hi Pathian hruaina zarah tluang taka kalpui zel a ni a, thawktu 21 an awm. Kum 2018 BCM Assembly in temporary post 2 kan dil min phal sak angin mi 2 temporary post a dah an ni. Thawktute inpekna azarah Kohhran chanchinbute pawh a hun tak a tih chhuah theih a ni thin a, a lawmawm hle. Inchunga lehkha chhutna khawl lian hi vibration a nasat avangin building lamin a tuar mek a, inhnuai lamah sawn tura tih a ni tawh a. Hun lo kal zel turah chuan kan hmun hma hi a zau tawk loh avangin in hnuai building extend hi Property Department ah kan dil a, min remtih sak tawh a, amaherawhchu hmalak a la ni lova a rang lama hmalak theih ni se thil lawmawm tak a ni ang.

3) Publication Board: BCM hminga lehkhabu chhuak zawng zawnga hmalatu chu Publication Board hi a ni. Kum 2019 Sunday School zirlaibu leh Beirual Thuzir kan chhut bakah kuminah hian heng lehkhabu (1) Inkhawm Kaihhruaina (2) Pu Thangbawnga chanchin (3) Recruitment rules (4) Finance rules (5) Mizo tawng ziak dan (6) Minute ziak dan Register te Baptisma, Nauhlan, mitthi leh Kohhran Register te chhut a ni. BCM Grant hi Rs 2,000,000 (Nuai sawmhnih) chauh a ni a. Hei hian Sunday School zirlaibu chhutna tur pawh a daih mang loh avangin lehkhabu dang chhuah tur chuan thil harsa tak a ni. Chuvangin hma sawn zel tur chuan Budget tam zawk Assembly hian a dah a ngai a ni.

2. CHRISTIAN EDUCATION DEPARTMENT:

Pathian hruaina leh rawngbawlpuite zarah Chriatian Education Department rawngbawlna hian hma a sawn zel a, a lawmawm hle. Sunday School tih hmasawn nan Tualchhung leh Pastor Bialah te Sunday School training neihpui thei tur leh Headquarterte tanpui turin Kum 2006 atang khan Trainer-te hi kum hnih atan zel ruat an ni. Heng Trainer kan neihte hi Sunday School tih hmasawnna atan an tangkai tak zet a, an chungah pawh kan lawm hle a, lawmthu kan sawi a ni. Planninga dah angin Pastor Bial 9-ah training neihpui a ni a, heng planning bakah hian Bial leh tualchhung sawmna tum 4 kan dawng bawk a, hengah te hian hlawhtling taka Sunday School training neihpui a ni bawk. Training neih hi a hlawk a, training inpek hi kan kalpui that a tul hle .
Intermediate Meet hi kum 2018-2019 chhungin Bial 4 planningah dah a ni a, heng bakah bial 3 atangin sawmna kan hmuhte nen Inetrmediate meet hi Bial 7 laiah kan neihpui bawk a ni.

Target (2018-2019) pek dan: Pastor Bialten kan taget kan ngai pawimawh hle thin a, a lawmawm hle. Target kan ngaih pawimawh avang hianSunday School rawngbawlna pawh tha takin kan kalpui thei a ni tih inhre nawn leh ila, tan ila chhunzawm zel ang u.

3. COMMUNICATION DEPARTMENT:

Communication Department rawngbawlna hi BCM rawngbawlna pho langtu berte zing ami a ni a. Tun dinhmunah hian thlatin chhuak Kohhran Beng copy 12,000 leh Baptist Today copies 13, 600 chhut mek a ni. Kohhran beng leh Baptist Today latu kan pung chho ve zel a, kan lawm hle a ni. A man pek thu-ah hian Agent te hi Kohhranten tun ai hian ngaihven pui deuh thei ila hma kan sawn hle in a rinawm. Communication department hnuaiah hian Audio Visual leh Editorial Board a awm a. A.V hmanrua leina atan Finance Committee in Rs 16,00,000/-(Nuai sawm paruk) min pek hmangin hmanraw tha zawk lei a ni, hemi hmang hian Inkhawmpui lian LIVE Telecast te pwh tha zawkin kan ti thei ta a kan lawm hle. Tunah hian 24 hrs TV channel neih ve a chak awm hle a, hmalak mek a ni bawk. Lawngtlai khawchhungah pawh Media Committee insiam in chumi te hmalakna chuan Local Chnnel 24 Hrs pek a ni bawk .BCM News Weekly Round-up buatsaih a ni a, hei hi Kohhranhoten kan tangkaipui ngei pawh beisei a ni. Chu bakah A.V room pawh thuam that chhoh mek zel a ni, hei hian A.V hmanga kan rawngbawlnaah hmasawnna tha zawk min neihtir theih ngei a beisei awm.

4. EDUCATION DEPARTMENT:

Education Department hnuaiah hian HATIM, BHSS, BHSS (Junior Section), Baptist English School Zawlnuam, Primary School Lungpukte an awm a. Kum 2019 atang hian Primary School Hmawngbu pawh Education Department hnuaia awm tura tih a ni. Chu bakah Pastor bial leh Tualchhung Kohhranten English Medium school an din 29 te hnenah Grant in Aid & Relief Budget atangin tanpuina pek a ni. Nikum Assembly in min phalsak angin Tualchhung Kohhran hrang hrangte Pathian ni vawi khat thawhlawm tlingkhawm hmangin tunah hian Block II (Science building) sak tan chhoh mek a ni. Tin, Science Laboratory tih changtlunna atan Sawrkar atanga Rs Nuai 12 kan dawn hmangin room buatsaih zawh a ni tawh bawk. HATIM Administrative building pawh NECS-ina min sak sak pawh peih fel tawh a ni a, February 13 khan luah chhoh a ni. HATIM, BHSS, BHSS Junior Section-ah te hian result leh thildangah pawh duhthusam phak lohna lai awm bawk mahse, kan Schoolte avanga Baptist Kohhranin malsawmna kan dawn leh chawimawina kan dawn kawng hrang hrangah kan nei a ni. Result tha tak tak kan neiin Top ten-ah pawh engemaw zat an lang thin. Thawktute inpekna leh thawhrimna avangin Mizoram leh State level Competition hrang hrangah pawh kan lang ve thin a, hei hi thil lawmawm tak a ni.

5. MEDICAL AND HEALTH DEPARTMENT:

Medical and Health Department rawngbawlna pawhin Pathian hruaina leh awmpuinain hma kan sawn ve zel a, a lawmawm hle. Medical and Health Department hi BCM in Department khat-a thawktu kan neih tamna ber pawl a ni a, tunah hian Serkawn Hospital leh Lawngtlai Hospitalah thawktu 185 kan nei mek. Infrastructure leh equiptments lamah pawh hma kan sawn chhho zel a. Assembly Executive Committee-in min phalsak angin Oxygen lak nan leh Hospital thil tul dang a hman atan TATA truck 407 Tipper lei a ni a, kan harsatna tam tak min sut kian sak ta a ni. Christian Hospital Serkawn chuan Mizoram Society Registration Act 2005 hnuaiah registration kan nei ve ta. Hengte hi Mizoram chhim lama awmte tan thil lawmawm tak leh malsawmna a ni. Assembly in a min passed sak Lithotripsy lei turin hma lak chhoh mek zel a ni a, tunah hian a dahna tur pawh peih fel a ni tawh a, rei lo the-ah kan neih beisei a ni.

6. RELIEF AND DEVELOPMENT DEPARTMENT:

Relief and Development Department-ah hian thawktu 12 an awm. Kum tinin khuarel chhiatna a pung chho zel a. Chutiang chhiatna tuartu te hnenah theih ang angin R & D Department atangin Relief pek a ni thin a, Emergency Relief atan Rs 2,45,350/- bakah bungrua engemaw zat pek chhuah a ni tawh. Skill training puanthui leh Nurse training Pithapuram, Andra Pradesh ah kalpui mek a ni. Kuminah hian training chi hrang hrang Mushroom cultivation training, Food processing training, Community Seminar, Flower arrangement training, Chhang siam/ur training etc. mi thlan chhuah bik te area-ah neihpui a ni tawh. Assembly rorelnain a passed angin BCM Charity Programme chu kalpui chhovin hma lak mek zel a ni.

7. SOCIAL CONCERN DEPARTMENT:

Social Concern Department hnuaiah hian rawngbawlna pawimawh tak tak, Public Guidance leh Prevention and Care, Christian Counselling, Baptist Church Orphanage (BCO) te an awm. Heng rawngbawlna peng hrang hrang enkawltute hian theihtawp a tan la in hmasawnna hmuh tur engemaw zat a awm. Assembly in a rel angin Rehabilitation Centre chungchangah pawh MBKHP -te nen tang hovin Centre Manager atan Pi Lalnunzami Chawngthu chu lak a ni a, Counsellor atan T. Lalnunpuii leh C. Lalrokima te chu Contract fixed a thawk tura lak an ni bawk. Tin, Boy Hostel sakna atan leh building repair and maintenance atan Cheng Nuai sawm panga chuang zet pek a ni bawk. Tunah hian Boys Hostel pawh luah theih mai tura buatsaih mek a ni.

1) PG & PAC: He rawngbawlna a mawhphurhna la tu ber Rev. K. Lalbiakenga hian Khawpui chhung Kohhran hrang hrang leh School ah te leh thingtlang hmun hrang hrangah HIV/AIDS Awareness Premerital sex , zuk leh hmuam leh ruihhlo that lohna te campaign a neihpui thin a ni. Heng bakah hian Bial, Tualchhung leh ABC level-ah te campaign neih thin a ni a, Kohhranten an hlawkpui hle in hriat a ni. Heng bakah hian Social Concern hmalakna hrang hrang Kohhrante hnenah campaign a neihpui thin.
2) Christian Counselling Centre: Christian Counselling rawngbawlna hi mimal nuna harsatna hrang hrangt neite lo kawma tanpuina a ni. CCC hi miten an rawn pan chhan tlangpui chu Depression, Anxiety, nupa kar harsatna, Ruihhlo vanga harsatna neite an ni. Kumin chhungin heng TKP Unit-ah te hian Mental Health Awareness campaign neih a ni. BCM Kikawn BCM Chanmari Vengthlang, BCM Moria, BCM Zohnuai, Haulawng Bial BKHP-ah te neih a ni.

3) BCO: Tun dinhmunah BCO ah hian mipa 8 leh hmeichhia 7 an vaiin 15 enkawl mek an ni. A khat tawkin BCO a naupangte hi lut leh chhuak an awm ve reng a, Hengte hi Child Welfare Committee thu pek anga lak luh leh pek chhuah thin an ni. BCO ah hian hna hrang hrang thawkin Office Staff mi 10 leh Naupang enkawltu bik (mother) mi 7 an awm a, thawktute hi naupang enkawl chungchang leh tul dang hrang hrangah training te neiin, naupang chhungte khua-ah kalin Home visit te an nei thin a, counseling an neihpui thin a ni. Kumin chhungin kan naupangte zing atangin Italy lamah mi 2 leh USA lamah pakhat adoption a kal kan nei a, an chhungte bula haw hi mi 5 an awm bawk. Tin, fa lak theih (Adoptable) naupiang hlim atanga kum 10 a upa enkawlna atan an ruat chu nau piang hlim atanga kum 6-a upa an nih thlengin sawrkar lamin an rawn siam thar leh a ni.

Donation lam: Kumin chhung hian Public donation atangin Rs. 12,50,000 vel hmuh beisei a ni a, kan beisei zat hi Kohhran, FOD, Pawl hrang hrang leh mimal thahnemngaite azarah hmuh theih kan beisei.

Rev. R. Zohmingliana
AGS. Service.