Assembly Committee lian pathum meeting zo

Mizoram Baptist Kohhran, Assembly Committee lian pathum – Mission, Service  leh Central Committee te chu November 21 -28 chhung khan Sap Upa leh Pu Buanga Hall, Serkawn-ah Meeting an nei a. Tarlan tawh ang khan heng Committee hrang hrang te hi ni hnih awh theuh Meeting tura ruahman chu nikhat theuh-ah an zo thei vek a ni.

Mission Committee:

November 21, 2017 khan  Mission Committee chu tluang takin an  nei a, nikhat-ah meeting hi an zo thei a. An thu rel langsar zingah –

  1. Post chhuahsan pahnih (Substantive Post 1 leh Temporary Post 1) hum dilna, Mission Board Committee atanga lut chu Assembly-a thlen chhoh remtih a ni.
  2. Mission to Muslim hnuaia Field Director dah chungchang ruahmanna kal mek chu la enzui leh ni se, a tul angin hotuten hma lo la rawh se tiin dah a ni.
  3. Mission Promoter ni lai mek Upa HL Liantluanga chu 2018-2021 term thar atan Mission Promoter ah ruat zui leh a ni.
  4. Recognise Missionary te leh Local Workers rawihte thawh hun chhung bithliah ni se tih rawtna chu ngaihtuah a ni a. Local Workers (native) te hi BCM thawktu dangte ang bawkin kum 62 an nih thleng rawih ve ni se. Recognise Missionary te recognition term chu kum 5 ni se la, chumi hnu-ah chuan kum thum atan zel recognition hi pek zawm theih a ni ang.
  5. Missionary zingah an rawngbawlna avanga Serh leh sang khawih theihna pek dilna chu ngaihtuah a ni a. Pu C. Lalfakzuala(Arunachal West) leh Pu Pc.Lalbiakzara (Arunachal far-East) te chu Serh leh sang khawih theihna pek turin Assembly Executive-ah thlen ni rawh se tih a ni.
  6. Kum 2018-2019  leh Planning ruahmanna chu a tlangpuiin pawm a ni a, Finance lamin en fel ngai leh siam that ngai te lo umzui se la, Executive Committee-ah thlen chhoh ni rawh se tih a ni. Mission budget pumpui Rs. 260,122,400/- a ni.

Mission Committee-ah hian Pastor Bial aiawh leh Assembly aiawh member 110 an awm a, tun tumah hian member 80 an tel thei a ni

 

Service Committee:

Service Committee Meeting November 23-ah neih niin tluang takin an zo thei a. Member 57 awmah member 45 an kal a 11 an kal thei lo a ni. Tun tum Committee-ah hian thu ngaihtuah tur(Agenda) a lut tam lo va, kum kal ta 2016-2017 leh kum kal lai mek 2017 April-October Achievement Report te thlirin Evaluation an nei a, Department report hrang hrang te an thlir bawk.

An thu rel langsar zingah –

  • Hnathawktu chawlh hun (retirement) chungchang Contritution Ammendment rawtna chu Write-up te siamin thlirho leh ni sela, Assembly Executive-a thlen chho leh ni rawh se tih a ni a,
  • Christian Hospital-a BMS Missionary Doctor Stockley hriatrengna atan Room sak thar mek dah rawtna leh Christian Hospital kawt hming Dr.Stockly Square tih tar rawtna chu ruahman mek a nih thu tarlana  ni.
  • Kum 2018-2019 Budget atana Department hrang hrangin an rawn ruahman chu a  pawm a ni a, Executive Committee-ah lo thlen tura tih a ni. Service Dept. Budget pumpui – 290,722,860/-

Central Committee:

Central Committee chu November 28,2017 khan neiin tluang takin an zo nghal a. He Committee-ah hian Member 54 awmin, tun tumah hian member 42 an tel thei a ni.  An thurel tlangpui heng te hi a ni:-

# Sap Upa leh Pu Buanga Thlan, UK a mi chei chungchanga ruahmanna chu thlirin pawma ni a. Tualchhung Kohhran tinah Appeal siamin chu sum atang chuan siam ni se, tiha ni a, Administrative in hma lo la zawm zel se tih a ni.

# TLM Mizoram nena rawngbawlho dan en that rawtna Assembly Executive-ah thlen chhoh ni se tih a ni.

# MoU leh Rules & Regulations rei tak kan hman te hi en thata tihdanglam ngai te tihdanglam rawtna chu Assembly-ah thlen remtih a ni.

#Pastoral Department atanga Pastor nemngheh tura thlan mi 5 leh Pro.Pastor lak tharte mi 5 report chu pawm a ni a, Executive Committee-ah report leh ni se tih a n i.

#Property Department atanga Motor hlui tih ral leh a thar lei tura ruahmanna lo lut chu pawm a ni a, Assembly-ah thlen chhoh ni se tih a ni.

#Kum 2018-2019 Planning leh Budget te thlir hovin siam that ngai te siam tha-in pawma ni a, Finance Deprtment kaltlangin Assembly Executive-ah thlen a ni ang. Central Budget pumpui chu 274,060,510/- a ni.

NB: Tun tuma Committee lian ten an hnuaia Department hrang hrang budget an pawm te hi Finance-in enfelin a la zutmam leh dawn a, Chumi hnu-ah Execuitve Committee-ah thlen chhovin, Assembly pawmpui turin Executive Committee-in a la thl;en chho leh dawn a, chuvangin Department Budget pawm tak te hi a chipchiarin kan tarlang ta rih lo a ni. )

 

Posted in BCM News.

Leave a Reply

Your email address will not be published. Required fields are marked *