Assembly Executive Committee Meeting Neih a ni.

October 27 khan BCM Hall, Serkawn ah Assembly Executive Committee Meeting neih a ni a. Hripui avang in tun tum Assembly Executive Committee Member hi kal thei chin atang in tih tlem a ni a, mi 213 kal thei tura ruahman atangin mi 193 an kal a ni. Meeting hi President-Elect Rev. Dr. R.Zolawma’n kaihruai in, General Secretary Rev. F. Ramdinmawia hnen atangin report ngaihthlak a ni.

Thurel zing ah, Planning Commission Vawi 5-na Assembly 2021 in a pawm tak, chul mam leh siamrem ngai lai siam rem a nih dan te ngaihthlak a nih hnu ah, sawiho a, pawm a ni a. Indian Evangelical Mission leh Upper Subansiri Baptist Association, Arunachal Pradesh in thawh ho chhunzawm an dilna te ngaihtuah ni in, thawh ho dan tur ngaihtuah tura remtih a ni a, Assembly ah thlen tur a ni. Fellowship Department Inkaihhruaina (Ennawn/Revised) chu pawmpui tura thlen a ni a, siamthat ngai lai te siamthat leh phawta hman tura buatsaih ni se tih a ni. AICS Kum 25-na (Silver Jubillee) 2025 a lawm chungchang rel a ni a, Theological Education Committee bawhzui tura dah a ni.