Assembly Executive Committee Meeting neih a ni

Mizoram Baptist Kohhran Assembly hnuaia Rorelna sang ber, BCM Assembly Executive Committee Meeting chu January 20 – 22, 2021 khan BCM Hall, BCM Office, Serkawn-ah neih a ni.Meeting hi BCM President, Rev. Dr. K. Lalrinthanga’n a kaihruai a, General Secretary Rev. F. Ramdinmawia’n Department hrang hrang report tlangpui a pe.

General Secretary report-in a tarlan langsar zual zingah kum kal lai mek-a BCM Target (2020-2021) atanga thla kaw chhung (April-December) a hmuh tawh chu  Cheng veibelchhe 50, nuai  69, sang 7 leh 988 (Rs. 50,69,97,988) niin hei hi target pumpui atanga -73.1% a ni a, thla kaw chhunga hmuh tura beisei cheng vaibelchhe 52, Nuai 1, sing 7, sang 7, leh 500 (Rs. 52,01,77,500) (75 %) a ni a, thla 9 chin target tlin lohna hi cheng  nuai 131, sing 7, sang 9 leh 512 (Rs. 1,31,79,512)a nih thu a tarlang bawk.

Kum kal mek 2020-2021 chhungin Pastor bial 3 – Mampui Pastor Bial, Chawngte ‘L’ Pastor Bial leh North Vanlaiphai Bial thar te hawn a ni a, Minister 3 Superannuation pension-in an chhuah thu leh, Kum thar (2021 – 2022) -ah Minister pali (4) Pension-a chhuak tur an awm thu a tarlang.

Report ah hian Financial year hman mek (2020–2021) chhungin Mizoram hmun hrang hrangah BCM ram (Biak In hmun) 10 leina atan Rs. nuai 158 hman phalsak niin, Kohhran harsa zualte  tanpuina (Relief to Churches) Budget atangin cheng nuai 41 sem fel a ni tawh bawk.

Kum 2020 khan Kohhran Upa thlan thar mi 150  zingah mi 141-in Exam an bei a, Exam zawng zawng passed vek a, Kohhran Upa Ordain tur zinga pakhat chuan vanduaithlak takin chatuna ram min pansan a, mi 140 te chu ABC theuhah nemngheh an nih thu tarlan a ni.

Mission Department lamah kum 2020 January – December thla chhungin ringthar 2660 an awm thu leh Kohhran thar 25 din a nih thu a tarlang a,  Odhisa Field hawn thar tura ruahman leh Quasquicentenial hriatreng nana Mission Field thar hawn tura buatsaih ‘Upper Assam Field’ Dibrugarh pawh ruahmana engkim siam tawh a nih thu leh Covid hrileng avangin ruahman angin kalpui theih a nih rih lo thu a tarlang bawk. Missionary te zingah Covi9-19 hri vei mi 10 te chu Kohhran hote tawngtaipuina vang leh pathian khawngaihna avangin tun dinhmunah an dam kim tawh thu report-ah tarlan a ni bawk.

He Meeting-ah hian Department hrang hrang leh Committee lian – Nomination, Central, Service leh Mission Committee te Agenda pawimawh tak tak rel a ni a, Chung zinga thu rel langsar zual te chu –

Pastoral Committee-in mi 12 Pastor atan a lak te pawmpui tura a rawn thlen chu a pawmpui a, February ni 1, 2021 atangin Pro.Pastor atan Appointment pek remtih a ni.

Pro-Pastor pali, Probation Period hmang zo tawhte leh Exam paltlang tawhte chu Minister atana nemngheh tura chhawpchhuah niin, Committee hmaah kovin an inlan a, kumin Assemby-a nemngheh turin an vai hian thlan tlin an ni bawk.

Dibang Lohit Baptist Christian Association (DLBCA) leh Global Interaction, Australia (GIA), nena Memorandum of Understanding (MOU) ziak that  leh extent dilna chu Assembly-ah thlen chhoh remtih a ni bawk. 

Kum 2021-2022 BCM Target leh Budget ruahmanna te an thlir a, Assembly-ah thlen chhoh turin pawm a ni.

Planning Commission 2020 rawtna leh ruahmanna te an thlir ho a, sawihona atanga siam that ngai leh chul mam ngai lai te lo chul mamin, Assembly 2021-ah thlen chhoh remtih a ni.

Pastor atana lak thar te

 

Minister atana nemngheh turte