Assembly Nomination Committee in Assembly 2022 thupui a thlang fel

December 2, 2021 (Ningani) chawhma dar 10:30 khan Sap Upa leh Pu Buanga Hall, Serkawnn-a Assembly Nomination Committee Meeting chuan kum 2022 a BCM Assembly, Gilgal, Theiriat-a neih tur thupui atan “Mi tir ta che”  (Isaia 6:9 ) chu a thlang fel.

Meeting hi President Rev. Dr. V. Laladingliana’n kaihruaiin, Rev. F. Ramdinmawia, General Seretary-in report tlangpui a pe a.  General Secretary report chuan Zomi Baptist Church (ZBC) General Council, December 9-12, 2021-a neih tur atan BCM aiawha palai tura ruat Upa F. Lalzarmawia, Lunglawn chu Covid-19 a positive avanga a kal theih dawn loh thu leh a aiawha kal turin BCM Puipate Meeting chuan Upa C. Laldingliana (Jr) Serkawn a ruat thu leh BCM aiawh tura ruat sa pakhat Rev. C. Lalbiakchhawna, Bawngkawn Bial nen an palai tur thu a tarlang.

Tin, Mission Board member Rev. Lalhmingchhuanga Jongte leh  Christian Education Committee member Upa K. Lawmvela, Ramthar, Lunglei te chuan Chatuan ram an pan tak avangin Mission Board member atan Rev. R. Lalnghakliana, Tlabung Bialtu leh Christian Education Committee member atan Upa C. Rokima, Ramthar, Lunglei te chu Nomination Committee aiawhin Administrative Committee-in a ruat thu a tarlang bawk.

Tun tum Nomination Committee Meeting-ah hian Assembly 2022 atana Thupui leh Programme tur te duangin, Term thar atana Committee hrang hrang member tur te, BCM aiawha palaina hrang hranga palai tur te, Internel Auditors tur te an ruat bawk.  Heng Committee member leh palaina hrang hranga palai turte, Auditors ruat thu te hi Assembly-ah report a ni ang.