Assembly Nomination Committee Meeting neih a ni:

Tunkar Nilaini, January 10, 2021 khan Sap Upa leh Pu Buanga Hall, Headquarters Office, Serkawn-ah Assembly Nomination Committee Meeting neih a ni a. Meeting hi Rev. Dr. K. Lalrinthanga, BCM President-in a kaihruai a. General Secretary Rev. F. Ramdinmawia’n Report tlangpui pe-in thu rel tura chhawpchhuah Agenda tarlangin a sawi fiah bawk.

Meeting-ah hian March 10-14, 2021-a BCM Biak In, Ramthar-a Assembly Rorel lo awm tur atana Programme duan sa te thlir nawnin, BCM aiawha Ramchhung leh Ram pawn-a palaina hrang hranga palai tur te leh Assembly Committee leh Department Committee hrang hranga Assembly aiawh member tur te ruatin, 2021-2022 atan BCM sum lut leh chhuak endiktu tur Auditors tur an ruat fel a, hengte hi Assembly 2021-ah report tur a ni ang.

Heng bakah hian Headquarters Office Administrative Officer,  Pu Lalruatkima, Deputation-a dah chu March 30 hian a hun a lo tawp dawn tak avangin, BCM Rules in a sawi angin kum khat atan  pawh sei leh remtih a ni bawk.