Assembly Rorel chhunzawm zel

Kum 2017-18 BCM Target atân Rs 7806,22,000/, CT Scan lei tura hmalak chhunzawm leh Kal (Kidney)-a lung te awm chhut kehna khâwl lei remti.
………………….

Mizoram Baptist kohhran Rorelna sang ber, Assembly Rorelna nihnihna chu zawh fel a ni a. Nimin leh vawiin lama thu passed langsar chin chauh lo tarlang ila:–

  1. Mizoram sawrkârin zu a zawrh tihtâwp a nih theihna tûr a Mizoram sawrkâra thlen rawtna leh Sawrkarin Zu zawrh phalna a pêk hi BCM hian titâwp tûrin ngen ni se. tih rawtna agenda pahnih chu BCM hminga zu zawrh phalna a pêk titâwp tûra ngenna Mizoram sawrkârah tûn hnai maia thlen a nih thu ngaihthlâk a ni. He thu kal mek hi ngaihchan rih ni se tih a ni.
  1. BCM-in North India Mission-ah chak zâwka hma a lâk zêl theih nân thawktu dah belh rawtna chu hma thlir kallai mek a ni a, Mission Board-in a tûl angin lo thlîr zui zêl se tih a ni.
  1. Kum 2011-a Assembly-in CT Scan lei ni se tia a lo passed tawh hi lei tûrin chak zâwka hma lâk ni se tih thu chu a remchân dân anga hma lâk chhunzawm zêl ni se tih a ni.
  1. Kal (Kidney)-a lung te awm chhut kehna khâwl (Lithotripsy Machine) Hospital tân lei ni se, administrative committee-in a theih dân kawng lo zawng se tih a ni.
  1. Sap Upa leh Pu Buanga thlân chei that rawtna chu remtih a ni a, Administrative Committee-in lo ûmzui se tih a ni.
  1. Nazareth Comprehensive School leh Baptist Boarding School, Kamalanagar hi Higher Secondary School-ah upgrade nise ti-a rawtna chu Mission Board-in a remchân angin lo thlîr chhunzawm zêl se tih a ni.
  1. HATIM Academic Block ‘D’ sakna tûra te, Hunthar Biak In, Aizâwl sakna tur te, BCO tâna Operating Reserve Fund Rs. 10/- khawn te, Shekina Institute of Mission (SIM) building sak nâna appeal siam dilna te chu avai hian remtih a ni a, Administrative Committee-in ûmzui se tih a ni.
  1. Vehicle thar lei leh a hlui hralh chungchâng: Property Committee in motor hlui (Gypsy King (5 doors) Sumo Vicra GX Baleno Car Scooty Mahindra) kawl manhla tawh lova a hriatte tihral tura a rawn chhawp te chu remtih a ni a, Vehicle thar Bus-2 (BHSS tan), Gypsy-1 leh Scorpio/XUV (Hqrs.Office), Scooty-1(ES Office, Lawngtlai) te lei turin a passed bawk.
  1. All India Sunday School Association (AISSA)-in kumin 2017 May thlaa Regional Training thleng tûra BCM a ngenna chu an rawn dil ang hian BCM-in thlen remtih a ni.
  1. Audio Visual-ah tûn aia hmasâwn tûrin Assembly-in hma la se tih rawtna chu remtih a ni.
  1. Mizoram-a Chanchin Tha thlen kum 125-na (Quasquicentenial) lawmna tûr ruahmanna chu pawm a ni.
  1. Thawktute tâna Conduct Rules (Report): Assembly 2016-in BCM hnuaia thawktute tân Workers’ Conduct Rules buatsaih chu Assembly aiawhin Assembly Executive Committee-in lo thlira lo pawm tûra a tih chu ûmzuiin Department hotu \henkhatte ziaktîr an ni a. Tûnah hian he Conduct Rules hi zawh fela pawm a nih tawh thu leh a bu hran siam a nih thu General Secretary-in a report a ni.
  1. Pathianni serh chungchâng (Report) : Assembly 2016 thurêl Pathianni serh chungchâng chu ûmzui tûra tih a nih angin Administrative Committee chuan a ngaihtuah a. Hma la tûra mi ruatten ruahmanna an siam chu Administrative Committee vêk hian thlîr nawna a pawm hnuah Assembly-ah a rawn report a ni.
  1. Budget 2017-2018 leh Target semna: Budget: 2017-18 a pharh a ni a. Kum 2017-18 BCM Target atân Rs 7806,22,000/- chu pawm a ni. Kum hmasa lam aia a punna hi 818,40,720/- a ni a, chu chu 11.71% a ni. Budget pumpui atanga 64.00%, i.e. Rs. 4996,21,000/- chu Kohhran thawh chhuah tûr a ni ang a, a bâk zawng hi Department thawh chhuah tûr a ni thung ang.
  1. Nomination Committee (2017-2018) member : hêng a hnuaia mite hi Nomination Committee (2017-2018) member atân a thlang a, pawmpui a ni.

1) Rev Dr. Raltawnga, Venglai Lunglei

2) Rev V. Vanlalchhunga, Serkawn

3) Rev ZD. Rodingliana, Chanmari Lunglei

4) Rev J.C. Vanlalluaia, Electric veng, Lunglei

5) Upa C. Sangliana, Chanmari Lunglei

…………………………..

Assembly-ah hian BCM pawn lam atanga Kohhran dang leh Association BCM thawhpui leh inpalai tawn thei engngemawzat an awm a, kumin bikah heng ahnuaia tarlante hian palai rawn tirin, Rorelnaah an rawn tel a ni:-

  • Baptist Union of Great Britain:1) Rev Dianne Tidball, President

     

    CCI (M)

    1) Rev. B. Lalhnema

    2) Upa K. Sacho

    3) Upa TT Siama

     

    PCI Mizoram Synod:

    1) Rev Lianhmingthanga Sailo

    2) Upa C.H. Thangkhuma

     

    Global Interaction (GIA):

    1) Heather Coleman, General Director

    2) Ron Coleman

     

    Isua Krista Kohhran (IKK):

    1) Rev Denis F. Vânlalthlengliana

    2) Upa C. Lalduhawma

     

    Global Chin Christian Federation (GCCF):

    1) Rev Indiana Cung Cin

    2) Rev Pa Ni Maung

     

    Evangelical Church of Maraland (ECM):

    1) Rev P. Riabi, Sr. Executive Secretary

    2) Upa S. Lalrokhhuma

     

    Zomi Baptist Church (ZBC):

    1) Rev Thangdailova, Hnahlân Area Pastor

    2) Upa J. Thomte, Vice Chairman, Literature Board

     

    Lairam Isua Krista Baptist Kohhran (LIKBK):

    1) Rev Th. Vânlalzauva, AGS i/c Service

    2) Upa Zahrânga, Assembly Chairman

     

    Kalay Valley Baptist Association, Myanmar

    1) Rev Râlliankhama

Posted in BCM News.

Leave a Reply

Your email address will not be published. Required fields are marked *