Assembly Rorel vawi 121-na zo, Budget Nuai 7806 pawm

Mizoram Baptist Kohhran Rorelna sang ber, Assembly Rorel vawi 121-na chu, March 8, 2017, (Nilaini) atang khan Lunglei Chanmari Pastor Bial, BCM Chanmari-ah nghah a ni a, Assembly rorel – March ni 9 atanga neih tan chu vawiin March 11, 2017 (Inrinni) tlai dar 5:00 khan an zo fel ta.  

Assembly Rorel hun chhung hian thli leh ruah avangin a dawltu lam an hah a zual deuh a, tin, Assembly palai zing ami, Upa, Zatawna, Vaisam chu vanduaithlak takin vawiin chhun dar 1:30 vel khan Stroke avangin a boral a, vawiin vek khan an khua, Vaisam lamah thlahliam a ni.

Zaninah Vantlang Inkhawm-in Assembly Inkhawmpui chhunzawm leh a ni ang a, Naktuk Pathianni Chawhma Inkhawm chu Ordination Service atan hmangin Chawhnu lamah Lalpa Zanriah(Sacrament) Inkhawm a awm ang a, Pathianni zanah Assembly kharna Inkhawm awmin 2017 Assembly a tiak tawh ang. Kumin Assembly-ah hian Rorel palai signature lak atangin palai 1035 an kal a, an thu Passed langsar zual te lo tarlang ila.

  1. Mizoram sawrkârin zu a zawrh tihtâwp a nih theihna tûr a Mizoram sawrkâra thlen rawtna leh Sawrkarin Zu zawrh phalna a pêk hi BCM hian titâwp tûrin ngen ni se. tih rawtna agenda pahnih chu BCM hminga zu zawrh phalna a pêk titâwp tûra ngenna Mizoram sawrkârah tûn hnai maia thlen a nih thu ngaihthlâk a ni. He thu kal mek hi ngaihchan rih ni se tih a ni.
  1. BCM-in North India Mission-ah chak zâwka hma a lâk zêl theih nân thawktu dah belh rawtna chu hma thlir kallai mek a ni a, Mission Board-in a tûl angin lo thlîr zui zêl se tih a ni.
  1. Kum 2011-a Assembly-in CT Scan lei ni se tia a lo passed tawh hi lei tûrin chak zâwka hma lâk ni se tih thu chu a remchân dân anga hma lâk chhunzawm zêl ni se tih a ni.
  1. Kal (Kidney)-a lung te awm chhut kehna khâwl (Lithotripsy Machine) Hospital tân lei ni se, administrative committee-in a theih dân kawng lo zawng se tih a ni.
  1. Sap Upa leh Pu Buanga thlân chei that rawtna chu remtih a ni a, Administrative Committee-in lo ûmzui se tih a ni.
  1. Nazareth Comprehensive School leh Baptist Boarding School, Kamalanagar hi Higher Secondary School-ah upgrade nise ti-a rawtna chu Mission Board-in a remchân angin lo thlîr chhunzawm zêl se tih a ni.
  1. HATIM Academic Block ‘D’ sakna tûra te, Hunthar Biak In, Aizâwl sakna tur te, BCO tâna Operating Reserve Fund Rs. 10/- khawn te, Shekina Institute of Mission (SIM) building sak nâna appeal siam dilna te chu avai hian remtih a ni a, Administrative Committee-in ûmzui se tih a ni.
  1. Vehicle thar lei leh a hlui hralh chungchâng: Property Committee in motor hlui (Gypsy King (5 doors) Sumo Vicra GX Baleno Car Scooty Mahindra) kawl manhla tawh lova a hriatte tihral tura a rawn chhawp te chu remtih a ni a, Vehicle thar Bus-2 (BHSS tan), Gypsy-1 leh Scorpio/XUV (Hqrs.Office), Scooty-1(ES Office, Lawngtlai) te lei turin a passed bawk.
  1. All India Sunday School Association (AISSA)-in kumin 2017 May thlaa Regional Training thleng tûra BCM a ngenna chu an rawn dil ang hian BCM-in thlen remtih a ni.
  1. Audio Visual-ah tûn aia hmasâwn tûrin Assembly-in hma la se tih rawtna chu remtih a ni.
  1. Mizoram-a Chanchin Tha thlen kum 125-na (Quasquicentenial) lawmna tûr ruahmanna chu pawm a ni.
  1. Thawktute tâna Conduct Rules (Report): Assembly 2016-in BCM hnuaia thawktute tân Workers’ Conduct Rules buatsaih chu Assembly aiawhin Assembly Executive Committee-in lo thlira lo pawm tûra a tih chu ûmzuiin Department hotu thenkhatte ziaktîr an ni a. Tûnah hian he Conduct Rules hi zawh fela pawm a nih tawh thu leh a bu hran siam a nih thu General Secretary-in a report a ni.
  1. Pathianni serh chungchâng (Report) : Assembly 2016 thurêl Pathianni serh chungchâng chu ûmzui tûra tih a nih angin Administrative Committee chuan a ngaihtuah a. Hma la tûra mi ruatten ruahmanna an siam chu Administrative Committee vêk hian thlîr nawna a pawm hnuah Assembly-ah a rawn report a ni.
  1. Budget 2017-2018 leh Target semna: Budget: 2017-18 a pharh a ni a. Kum 2017-18 BCM Target atân Rs 7806,22,000/- chu pawm a ni. Kum hmasa lam aia a punna hi 818,40,720/- a ni a, chu chu 11.71% a ni. Budget pumpui atanga 64.00%, i.e. Rs. 4996,21,000/- chu Kohhran thawh chhuah tûr a ni ang a, a bâk zawng hi Department thawh chhuah tûr a ni thung ang.
  1. Heng Mission Agengies – Indian Evangelical Mission (IEM), Thlarau Bo Zawngtute (TBZ) te, Nyishi Baptist Church Council (NBCC) te, Global Interaction (Australia) te, Baptist Association nêna te nen thawhhona thuthlung (MoU) a lo tawp dawn avangin sign thar leh ni se tih a ni.
  1. BCM hian fa neih tam inzirtîr ni se, BCM Assembly-in M|KP kutah inzirtîrna hi dah se tih rawtna chu remtih a ni a, Agenda ang hian MTKP-in hma lo la rawh se tih a ni.
  1. Post hum dîlna (Lecturer Post-1, Doctor Specialist -1, Nursing Tutor – 1, Branch Manager -1, M/S Teacher – 1, Missionary – 6) te hna hum remtih a ni.
  1. Pastor Bial thar hawn thu Zâwlnuam Pastor Bial a\anga Kânhmun Pastor Bial thar hawng tûra Pastoral Committee in ruahmanna a siam chu Central Committee kal tlanga Asembly-ah thlen a ni a. ruahmanna hi pawm a ni, Pastoral Committee-in a ûmzui ang. Hetiangin:
                ZAWLNUAM BIAL                                KANHMUN BIAL:

    S.No Kohhran  Member   S.No Kohhran Hming Member
    1 Bawrai 131 1 Bûngthuam 129
    2 College vêng 50 2 Kânhmun * 258
    3 Thuampui * 123 3 Kânhmun Hmar vêng 114
    4 Vêngpui 213 4 Kânhmun Mission vêng 88
    5 Zâwlpui 300 5 Luimawi 166
    6 Chuhvêl 50 6 Thinghmun 54
    TOTAL 867 TOTAL 809

     

    • Post hawn dîlna:Heng ahnuaia Post thar hawn dilna te hi Concerned Department ten an rawn dîl ang hian post hawn phalsak a ni.
    S.No Name of Post Department No. of Post Nature of Post
    1 Asst. Professor AICS 1 Temporary
    2 Lecturer BHSS 1 Temporary
    3 Work Supervisor II HATIM 1 Temporary
    4 Doctor Specialist Medical & Health 1 Substantive
    5 Medical Officer Medical & Health 1 Substantive
    6 Dt. Medical Officer Medical & Health 1 Substantive
    7 Asst. Nursing Superintendent Medical & Health 1 Substantive
    8 Business Manager Medical & Health 1 Temporary
    9 Pharmacist Medical & Health 1 Temporary
    10 Lab. Technician Medical & Health 1 Temporary
    11 X-Ray Technician Medical & Health 1 Temporary
    12 Staff Nurse Medical & Health 5 Temporary
    13 Lab. Assistant Medical & Health 1 Temporary
    14 Pastor Pastoral Dept. 5 Substantive
Posted in BCM News.

Leave a Reply

Your email address will not be published. Required fields are marked *