Assembly Rorel zo fel, Budget nuai 9490.40 passed

BCM Assembly 2019, Venglai

Mizoram Baptist Kohhran Rorelna sang ber, Assembly Rorel vawi 123-na chu, March 6, 2019, (Nilaini) atang khan Bazar Pastor Bial, Venglai, Lunglei-ah  nghah a ni a, Assembly rorel – March ni 7 atanga neih tan chu vawiin March 9, 2019(Inrinni) zan  inkhawm ban khan Assembly puipate’n Minute chhiarin an zial fel ta. Rorel Minute-a tarlan angin Rorel palai in ziaklut zawng zawng hi 1090 an ni a, kum 2018-2019 Assembly inkarah Kohhran Upa thi report 64 sunna neih a ni.

tawh ang khan March 7, 2019 (Ningani) zing dar 9:30 khan Rorel Inkhawm tan a ni a. Rorel inkhawm hi Rev. C. Lalbiaksanga, President-in kaihruaiin Devotion hun hman zawhah BCM President Elect Rev PC Liadula hnenah President  charge hlanin Rorelna dawhkan a kian a. BCM President thar (2019-2020) hian Rorel a kaihruai nghal a ni.  Hun hmasa lamah President Elect thlanna neih a ni a. Rev. Dr.K.Lalrinthanga chu President Elect atan lungrual taka thlan tlin a ni a, BCM Constitutionin a sawi angin kum 2019-2020 chhung President Elect niin, 2020-2021-ah BCM President a ni zui dawn a ni.(Read Story)

Thu passed langsar te:

  1. BCM Pay Commission 2018 rawtna leh report a tlangpuiin pawm a ni a, siam that ngai te siam thaa zutmam, Pay benefits chu April 1, 2019  atangin hman tan tur  ani ang.
  1. Planning Commission 2020 din hi remtih a ni a. Administrative Committee-in Assembly aiawhin Terms of reference uluk zawkin lo thlir lo pawm sela, member thlan tur hmun ruakte pawh Nomination Commteee in lo thlang leh se tih a ni.
  1. BCM Nomination Committee-in Assembly Executive Committee kaltlanga Planning Commission din rawtna chu remtih a ni a, Member tura chhawp chhuah te pawh pawm a ni. January Executive Committee-ah en theih tura ruahmanna te lo duangin Assembly 2020 ah pawm tura thlen leh a ni ang.
  1. Odhisa Mission Field thar hawn remtih a ni.
  1. Gospel Quasquicentennial hriat reng nan Mission Field hawn remtih a ni.
  1. Nursing School Serkawn chu Nursing College-ah upgrade remtih a ni.
  1. Kristianten kan hunpui, Krismas leh Good Friday bawh buai thei zawnga programme siam lo turin Central Sorkar a thlen turin Mizoram Sorkarah ngen ni se.

Agenda pangngai atanga Thu Passed dang te

8. Non-Mizo rawngbawlnaah sawt leh awmze nei zawka hma lak a nih theih nan,Director hran nei a, enkawl rawtna chu remtih a ni.

9. “2019 Relief Sunday Tualchhung kohhran thawhlawm hi BCM Charity fund” atan pek remtih a ni

10. HATIM ah Elective Paper chu Core Paper a hlankai chungchang leh Elective Paper atan Education leh Pshychology dah belh rawtna chu remtih a ni.

11. BCM recognized Evangelistic Team-te an rawngbawlna zelah tawngtaipui an tulin BCM tawngtai hruaina buah hian telh ve tih chu remtih a ni.

12. Pathianni zing leh zana Pathian Biak inkhawm hruaitu thuta Pulpit hma emaw Pulpit atangin a ni emaw, inang tlangin neih ni rawh se tih rawtna chu tha tih ani a, Worship & Music Committee bawhzui turin dah a ni.

13. BCM hian Chanchin Tha thlen dan Documentary Film tha tak siam ni se tih chu remtih a ni a. Concern Committee Communication Dept.kutah dah a ni.

14. Debitola (Rabha Baptist Union) Mission Compound chhunga BCM Qtrs Missionary ten an luah tawh lohte Rabha Baptist Union kutah hlan tura rawtna leh Report chu pawm a ni.

15. BCM Assembly-in Pastor Quarters sakna a pek Rs 10,00,000/- ni thin chu Rs 15,00,000/- a tihsan remtih a ni.

16. Aizawl Area leh Lawngtlai Area-a Audio Visual (Lawngtlai-ah chuan Lawngtlai Area Media Ministry tia hming vuah a ni) lama thawk tur mi pakhat ve ve lak ni se tih chu remtih a ni.

17. Assembly leh Assembly inkara Kohhran Upa thi (Boral) te hriat reng nan Assembly hmingin Citation hlan ni se, tih chu remtih a ni a, Pastoral Department-in lo umzui se tih a ni.

18. Tualchhung Kohhran Nauhlan, Baptisma leh Inneih report hi BCM Headquarters Office-ah thehluh zel ni se, Headquarters Office-ah BCM pum huapin Record tha taka vawn ni se Administrative Committee-in lo umzui se tih a ni.

19. Arakan Mission Field infrastructure atan BCM huapin appeal siam remtih a ni.

20. BCM Tualchhung Kohhran tinah Biak In sak tanpuina tur kum tin Sunday vawi khat thawhlawm thawh rawtna chu kum khat (2019)atan remtih a ni.

21. Finance Committee in post thar 19 hawn belh leh Post chhuahsan 6 hum a dilna chu remtih a ni.

22. Assam Baptist Convention nen MOU renew remtih a ni.

23. Sadiya-Dibru Baptist Association nen MOU sign remtih a ni.

24. Nepal Baptist Church Council nena kum 5 atan MOU renew remtih a ni.

25. Sadar North Baptist Association nena thawhho a remchan tak loh avangin M.O.U tihtawp ni se tih a ni.

Planning Commission bawhzui leh hmalak tura passed te:

26. BCM hian KNP zinga rawngbawlna hi tun aia lian leh tha zawka kalpui ni se

27. BCM chhungkuate ei leh bar leh sum leh pai chungchangah hma kan sawn theih nan BCM hian Economic Development Policy siam se, Pastor Bial tinah chak takin hmalak ni se

28. BCM Constitution & Rules-ah Saptawng (English) a tlem thei ang ber hman ni se.

29. Gospel Quasquicentennial hriat reng nan Mission Field hawn ni se.

30. BCM in Lawngtlai-ah Guest House sak ni se.

31. BCM Book Shop Lawngtlai hi tihlen a thawktu dah belh ni se.

32. BCM Headquarters ram hi uluk taka humhalh turin hma lak ni rawh se.

Heng bakah hian Assembly Executive Committee in a relfel tawh leh a pawm tawh Assembly-a report te, Niomination Committee in Palaina hrang hrang a BCM aiawh tur leh Committee hrang hrang a Assembly aiawh member tur a ruatte pawh pawm a ni. (read detailed)

Budget 2019-2020: BCM Budget leh Target semna Finance Department-in a ruahman chu a tlangpuiin pawm a ni a, Rorel thu passed atanga siamrem ngai te Finance Committee siamrem turin dah a ni bawk.

Budget tlangpui hetiang a ni:-

Sector A: Central : 3247.97 lakh.
Sector B: Mission:2993.25 lakh.
Sector C: Service :  3249.18 lakh.
                   Total : 9490.40lakh. 

Budget pumpui atang hian Rs. Nuai 6312.37 chu Kohhran Thawhlawwm (Target) atanga hmuh beisei a ni a, Rs. Nuai 3178.03 chu Derpartment thawhchhuah (Department Contribution) tur  a beisei a ni. A pumpuiah kum hmasa aia budget punna chu Nuai 1,145.73 (13.73) a ni.

Posted in BCM News.

admin