Assembly Target (2021-2022) nuai 70 chuang hlek in tlin lo. 

Mizoram Baptist kohhran, Assembly Target (2021-2022) Kohhran Thawhlawm (Church Contribution) atanga hmuh tura beisei chu cheng nuai 70 chuang hlek in phak loh a ni.

Finance & Pension Department-in, kum 2021 April ni 1- March ni 31, 2022 Assembly Target hmuh dan a tarlan danin, Bial/Tualchhung Kohhran atanga lut tura ruahman (Church Contribution) pumpui  chu Rs. 77,66,75,000/-  (Vaibelhchche 77.66) a nih lain, sum hmuh zawng zawng chu Rs. 76,96,57,001/- (Vaibelchhe 76.96) a ni a, Thawhlawm hmuh beisei zat tlinlohna hi Rs. 70,17,999/- (Nuai 70.17) niin, tlin lohna zat percent hi za zelah 0.90 a ni a, Target atanga hmuh zat percent chu za zelah 99.10 a ni.

Target tlinlohna hi a chhan bulpui berah chuan hripui in Kum tluanin min tuam a, sumdawngte leh nitin eizawnna nasa takin a nghawng a, Bial thenkhatah phei chuan hripui avang hian Thla tina Thawhlawm ip  sem thin, sem theih loh chang nei te, Sem chhuah vek hnu-a hrileng a lo zual avanga lak khawn hleih theih loh chang te an awm fo bawk  niin Bial thenkhat atangin report dawn a ni bawk.

General Secretary, Rev. R. Lalbiakliana chuan, kum 2021-2022 Assembly Target tlin lohna chu tam tham viauin lang mah se, Kohhran hote rilru ti hnual lo tura chahin, hripui avangin mi tinin harsatna kan tawh laia, hetiang zat kan tlin hi lawmawm a tih thu  sawiin. “Kohhran hoten kan Target kan tlin loh avangin hnung tawlhah in ngai lo i la, kum hmasa lam aiin kan thilpek punna hi a la tam zawk tho a ni‘ tiin, Kum thar kan hmabak-ah pawh hmalam pana tan la sauh sauh turin Kohhran hote a sawm nghal a ni.