Rawngbawlna Chanchin Thar

‪Electric‬ Pastor bialin Bial huapin Baptisma chan buatsaih Electric Pastor bial (Lunglei) chuan November 28, 2015 (Inrinni) hian an bial chhung Kohhran hrang hranga baptisma zirlaite pualin a huhova baptisma channa hun an buatsaih dawn a. He chanchin buatsaih lai kar tir lam thleng khan baptisma chang tura beisei zat hi 106 an ni a. […]

HRIATTIRNA‬

Kum thar 2016 atana Senior B zir tur “Kohhran leh Mission” tih chu BLS Bookshop lamah lei theihin pho chhuah a ni ta e. Bu khat man Rs. 100/- a ni. Tin, Nupaa pawmte Register pawh General Manager, BLP hnen atangin lei theih a ni bawk e. A man Rs. 50/- zel a ni.

ASSEMBLY‬ 2016-A ZAIPAWL TEL TUMTE TAN

Assembly-2016 programme siam mek a ni a; programme tihlawhtlingtu pakhat chu zaipawlte kan ni a. Nakum Assembly, Hnahthiala-a neih turah Bial zaipawl tel thei tura inngaite chuan December 15, 2015 aia tlai lovah Director, FOD, Headquarters Office, Serkawn-hnenah ziakin in report tur a ni e. Assembly-ah hian inkhawm vawi khatah zaipawl 3 zai tura ruahman […]

‎R‬&D Tour-Allahabad-ah

Mizoram Baptist Kohhran, Relief & Development Department bul tumin thingtlang lo neitu mi 8 thlan chhuahte chuan Sustainable Development Farmers Training neiin November 17-30, 2015 chhung hian Allahabad-ah training an nei a, R&D-a thawktu mi 2 in an hruai.

Committee lian 3 zo fel ta

Mizoram Baptist Kohhran, Assembly hnuaia Committee lian pah thum, Service, Mission leh Central Committee Meeting, kar hmasa leh tunkar chhunga Sap Upa leh Pu Buanga Hall, Serkawn-a neih chu tluang takin an zo fel a, vawiin, November 19,2015 hian Nomination Committee an thu khawm leh ang.

Bawngkawn Brigade Biak in tanpuina pe

Mizoram Baptist Kohhran, Paithar Pastor bial chuan tlem lai deuha Bawngkawn Brigade venga Mizoram Baptist Kohhran Fellowship Biak in vawm chhiat tak thuam that nan Rs. 5,000/- an pe a; he chhiatna danglam tak puala thilpek petu hmasa ber an ni tih Bawngkawn bialtu pastor chuan Paithar Bialtu Pastor a hrilh.

Mission Convention

Bunghmun Kohhran chuan November 20-22 chhung hian Mission Convention an nei dawn a. Convention Thupuiah “Li thuk lam pan rawh” ( Lk 5:4) tih hman a ni ang, Speaker-ah Upa HL Liantluanga Mission Promoter niin, a rual hian hla a rawngbawl turin Nl.C.Vanlalpeki Hnahthial leh Tv.R.Lalhmingmawia Lungmawi te chu an kal dawn a ni.