All posts by admin

Capping & Lamp Lighting Ceremony

Vawiin, November 24 (Ningani) chawhnu dar 1:00 hian Nursing School, Serkawn chuan Capping and Lamp Lighting Ceremony, vawi 62-na chu Nursing Conference Hall, Serkawn-ah neih a ni dawn. He Ceremony-ah hian Deputy Commissioner, Lunglei Pu V. Sapchhunga(IAS) chu khuallian a ni ang.

Rev C. Vanlalhruaia, Hospital Chaplain-in Devotion hun hmangi Pi Hmingthanmawii Pachuau, Principal, Nursing School-in Report a pe ang a, Pi Thangdingliani, Principal, Lunglei Nursing School-in Capping & Lamp Lighting a hmang ang.  Lukhum khumtir turte(Nurse Student) ten Oath Taking neiin Rev. R. Lalbiakliana, FOD Director-in Pathian hnenah a hlan ang a, Chief Guest hnen atangin thuchah ngaihthlak a ni ang. BCM aiawhin Rev. C.Ngurhnema, AGS, Service-in thu a sawi ang a, Special Item leh lawmman semin a zui ang.

 

Pro. Pastor lak thar te

Mizoram Baptist Kohhran Pastoral Committee Meeting, Nimin-a thukhawm chuan Probationary Pastor panga an la thar leh ta. Heng Pro.Pastor lakthar te hi Central Committee( Dec.1-2) leh Assembly Executive Committee-ah te pawmpui tura report a ni ang. Pro Pastor lakthar te:-

1. Andrew Lalhmachhuana,  M.Th – Rahsiveng, Lunglei

2. Lalfamkima, M.Th – Serchhip

3. F. Lalnunrema, BD (1st Class) – Hauruang

4. VL Nithanga, B.Th, BD – Khumtung

5. Hmingthanzama Chawngthu , BD – Buarpui

 

Pastor Bial thar 2 hawn rem ti: Nimina an thurel langsar zingah Pastor Bial thar pahnih hawn remtih a ni a, chungte chu:-

1. Khawzawl Bia (Champhai Bial atangin)

2. Tuiphai Bial (Thingsai leh Cherhlun Bial atangin)

…….

Khawzawl Bial: (Member 510)

1. Khawzawl Dinthar (115 members)

2. Khawzawl vengchhak (133)

4. Hmuncheng (55)

5) Kawlbem (94)

6) Chiahpui(113)

 

Tuiphai Bial (Member 1067)

1. Chawngtui (Member 336)

2. Khawhri(247)

3. Tarpho (313)

4. Aithur (165)

Committee hi vawiin-ah chhunzawm leh mek a ni.

 

Pastoral Committee nei mek

BCM Pastoral Committee meeting ni hnih awh tur chu vawiin hian tan a ni ta a. Tun tum-ah hian Probationary Pastor 5 lak thar tura ruahman a ni a, hemi atan hian diltu mi 20 chuang an awm a ni. Tin, Pastor Posting/Transfer an khawih bawk ang. Heng bakah hian kum 2012 Planning leh Budget te an thlir ang a, 2011 Annual Plan Achievement report te an thlir let bawk dawn a ni.

Thu ngaihtuah tur zinga langsar dang te chu:-

 

1. Minsiter atana Ordain dilna pathum a lut a, chungte chu :-

(a) Dr. RL Hnuni,  (b) Pu Lalbiakthanga (c) Thangridema te an ni.

 

2. Relief To Church dil Kohhran 19 atangin a lut.

 

3. Bial thar siam Proposal.

(a) Tuiphai Bia-Thingsai Bial atangin;

(b) Khawzawl bial-Champhai Bial atangin

 

4. Pension-a kal tur tur (Report)

(i) Rev. H. Sangchema (01.11.2012)

(ii) Rev. F Sangvela (01.12.2012)

(iii) Rev. Peter Sangliana (01.03.2013)

 

5. Minister atan nemngheh tur thlan (3rd Yr. Pro.Pastor-5)

6. Field Director tur ruat – Aruncahal Far East

7. ABC  Thar siam (Proposal)

……………………………………………………………………………………

 

PASTORAL MINISTRY REPORT TLANGPUI.

By Co-ordinator:

Pastoral Committee hnuhnung ber June 22, 2011 – October 31, 2011 chhung BCM Pastoral Ministry Report tlangpui chu hetiang a ni :

 

1  Kohhran Upa Ordain thar:

Kumin hian Pastor Bial —atangin Exam tur report 176 kan nei a. Mi 174-in an exam a. (Mitthi 1, West Phaileng-a mi leh exam lo hrim hrim 1 an awm). August 5, 2011–ah an exam a, Sept 9, 2010 –ah result tihchhuah a ni. Result chu hetiang hi a ni:

Exam zawng zawng    ——–            174

Grade  A       —————                    61

Grade  B———————–                 92

Grade  C————————-              20

Compartment (Paper III exam lo)  —-  1

. Tichuan kuminah Kohhran Upa ordain thar 173 kan nei a ni. Oct. 30, 2011-a BCM ABC Inkhawmpui-ah ordain an ni..

 

 

2. PROBATIONARY PASTOR BUATSAIHNA

 

2.1 Ministerial Training: June 3 – Sept 3, 2010 chhungin Pro. Pastor kum 2-na bei mekten AICS –ah Ministerial Training hi an nei a.Tha takin an train zo thei a. An post pangngai theuhvah an kir leh tawh a ni.

 

2.2 Probationary Pastor Annual Exam:  Nov 3, 2011 khan BCM Committee Hall-ah Pro. Pastor kum 1-na leh kum 2-na ten he Annual Exam hi an nei a.. Kum 3-na te chu kum kal ta ang bawkin, exam lovin anmahni hmun atangin Project Write-up neihtir an ni.

 

 

3. M.Th zir tur lak (2012):

Baptist Today-ah advertise a ni a, diltu mi 5 an awm a. Accademic Programme vek an ni. Administrative Working Committee –in Written test leh Interview a neihtir hnuin mi 3 a thlang a , chungte chu :

(1) Rev. PC Zosangliana, Mualthuam N Bialtu

(2) Rev. C Vanlalhruaia, Hospital Chaplain.

(3) Rev. Lalramngheta Chhangte. Zawlpui Bialtu.

 

Rev.Lalramngheta Chhangte hi MBA zir turin buatsaih ni se, entrance Test-a a tlin loh palh chuan M.Th zir turin try tho se tih a ni a. Tunah hian Delhi-ah Entrance Test ti turin a awm mek. Mi dang 2-te hian January 2012-a Entrance Test ti turin hma an la mek.

      4A – Further Study –a zir zo 2012-a lo chhuak turte):

Sl/No Hming Course Zirna Hmun Subject
1. Rev.Lalmuanzuala Sailo M.Th – II Madurai Church History
2. Rev.James Zorammawia M.Th – II Madurai Social Analysis
3. Rev. Lalremsiama Fanai PGDCPC CMC Vellore  Clin Pas.counselng
4. Nl.Daisy Zomuani MSc.Psy-II Shillong Psy. Counselling

 4B -Further Study Programme-a zir mek mi 7 kan neihte chu:-

s/n Hming Course of Study Zirna Hmun
1 Rev.R.Lalthanmawia D.Th-III – N.T UTC Bangalore
2 Rev H.Lalthlamuana D.Th-II  -Pastoral c&c UTC Bangalore
3 Rev Rodinmawia Ralte D.Th –I – Religion Serampore
4 Rev K.Lalzarliana M.Th-I -Comunication Madurai
5 Rev.R.Lalmuanzuala M.Th-I-Missiology UTC Bangalore
6 Rev K.Lalnunsanga B.D – III – AICS
7 Rev TC Vanlalzuia B.D – III – AICS

M.Th/MBA zir tur mi 3 –te nen an vaiin mi 10 kan nei turah ngaih a ni.

 

      5-. Kohhran ding thar :

      5.1. Thingdawl Vengthar kohhran: March 12, 2011 khan Thingdawl kohhran

atangin an in dang a. Kolasib Bial an ni. Chhungkaw 5, member 37 an ni.

     5-2. Dialdawk Fellowship: May 15, 2011 khan Dialdawk, Lengpui bialah Baptist

Fellowship thar a ding a member 50, chhungkaw 11 an ni. Rev. V. Lalzarlianan a

hawng.

    5-3.  Kamalanagar: Aug. 20, 2011 khan  Kamalanagar (Chawngte C)-a Mizo awmte

chu Chakma  Kohhran atangin lak chhuah a ni a. Kohhran hmingah BCM

            Kamalanagar  tih a ni a. Rev Lalthangliana Hnamte, Coordinator-in a hawng a,

member 97 an ni.

6– Revival & Evangelism lama Rawngbawlna:

6.1 –Team Renewal:

Recognied Team 50 kan neih-te Term kum 2 a ral avangin Renew leh a ni a. Team kal zel thei lo te, Report pe mumal lo te, Renewal Form theh lut lote an awm nual avangin ngaih chan leh rih an ni a. R&E committee neih leh huna Final tur a ni.  Rawngbawla sawmtu neite chu tirh kal reng an ni.

 

6.2– Evangelistic Team Conference :

Jan.26-29, 2012 chhungin BCM Biak in Serkawnah neih tum a ni a. Programme

tlangpui duan a ni tawh a. (Phek hranah  I- C)

 

 

7.- Pastors Refresher Course: Nov.8-18, 2011 chhung khan AICS-ah Bialtu Pastor

7-te he course ti tura  thlante chuan tha takin an zo.Chungte chu :

   (1). Rev. T Lalsangvunga , Lungsen .   (2). Rev.C Chhuntluanga, Theiriat.

(3). Rev.PC Lalnunzira,Champhai.       (4). Rev.R Lalrinliana, Aizawl East.

(5). Rev. KV Thanga, Bazar .             (6). Rev RC Lalthanzama, Tlabung.

(7). Rev K.Lalbiakchhawna,Thingfal

Work Camp tur Accident

Mi 1 thi, hliam 6:

 

Nimin Dt 21.11.2011 khan BCM Zohnuai Member 17 chu Bolisora-ah Work camp turin an kal a, Bolisora khaw thlen hma lawkah hian nizan dar 6- vel khan an Accident ta a, a hmunah hian Pu Rohmingthanga BMP President chu a boral nghal a, midang 6- zet hliam tuar an awm bawk. .

 

Bolisora hi Vaseikai lam, Longpuighat Circle chhunga mi a ni a , BCM in hmathar la in, October thla khan BMP Ramthar ten School an zuk sak na kha a ni. Motor in a thleng thei lova, 3 Kms zet ke a kal ngaihna khua hmun kilkhawr tak a ni.

 

Tukin, dar 7:00 am hian Pu Rohmingthanga ruang leh hliam tuar te hian Bungtlang S an rawn thleng tawh a, Zohnuai atanga anmahni hmuaktu te an lo nghak dawn a ni.

 

Hliam tuar te:
1. Nl Zozamveli (2) Remmawia (3) Lawmzuala Driver
4) B. Lalmuana (5) HC Lalduhawma (6) Lalchhandama,
Mi 15- te 207 ah chuangin mi 2 Bke in an kal a, Chamdur thlen hma deuh hian kawng khuar an helna lamah, kawngthlang an dai sir deuh va, a leiin a dawl lo va,an lum thla ta a nih chu.

 

-Report Kawlkunga Kawlni

Christian Hospital-ah Vision Center hawng

Tunkar Nilaini khan Christian Hospital Vision Center chu Parliamentary Secretary  Pu S.Laldingliana’n a hawng. A hawnna Inkhawm hi Dr. LH Lalrammawia. Sr Medical Officer in a kaihruai a, Dr. KL Remsanga, Head of Department, Eye, Civil Hospital Aizawlin Vision Center Christian Hospitala dah a nih dan leh tha taka Function a nih avanga Computer, Mit enna khawl pawh pek an nih thu sawiin he Vision Center hi Mizoram sawrkar mai ni lo, Central sawrkar hmalakna kal zel a nih thu a sawi bawk.

 

Hemi zawh hian khuallian, Pu S.Laldingliana, Parliamentary Secretary pawhin thu sawi-in hriselna hi India sawrkarin a ngaih pawimawhber te zing a mi anih avangin thingtlang kilkhawr  ber thlenga mipuite hriselna turin sum leh pai nasa takin a seng reng ani  a ti. Rev.C. Ngurhnema’n tawngtainain a hlan a. Aizawl atanga mi thiam 5 lokalin mi 33 a thlawnin an mit zai sak  niin mi sawmkua pakhat laiin an mit an entir bawk . He Surgery Camp hi Dr KL Remsanga Head of Department Eye, Civil Hospital hova neih ani

Mission News Updates

AP East Thu thar
AP East field Director, Rev. R. Lalthangliana’n kan palai a hrilh danin tunlai hian tlawhtu an ngah hle. Aizawl Shalom Kohhran an haw chiah a, Shillong Madanrting Kohhran in Along Biak in thutphah siamin Work Camp an nei mek a. November 20 vel atangin Kohhran hruaitu hovin an tlawh dawn a; chu mi zawhah Tawipui South Kohhran te an thleng thla veleh nghal ang. AP East field-ah hian kumin chhungin Kohhran 4 din tawhin ringthar 465 an nei tawh.

 

Work Camp lam ve thung
Hnahthial Bazar Kohhran ten Udalthanasora-ah Biak in an sa zo chiah a; Sethlun TKP member 20 velin Vathuampuiah Work Camp an tan dawn bawk a; Chanmari bial TKP in Putlungasihah Work Camp neiin member 30 chuang an kal a, Chamdur Project Kohhran pawhin Bolisora-ah Work Camp an nei bawk.

 

Rampawn lamah pawh Serkawn Kohhran chuan Zero (AP West) tlawhin vawiin hian an lo thlen beisei a ni, Anni hian Medical Free Clicnic leh Thalai leh naupang pualin Worship Dance zirtir te, Music & Sound Control dan te an zirtir bakah School rawng hnawih te, Electric Wiring te an zu thawk a ni. Sethlun Kohhran pawh Tripura field-a workcamp turin an chhuak ve leh ta bawk.

 

Baptisma chang thar 11
Tunhnaiah hengah te hian baptisma chang thar kan nei leh ta: Bolisora-ah 7, Rualalung-ah 3, Sugarbasora-ah 1; an vaiin 11.

 

Camping nei
Pu Vanlallawma Hnamte, Bazar Kikawn te chhungkua bul tumin Tuichawng Evangelist team-te chuan Sugarbasora-ah Camping an nei.

 

Mission Convention
Vawiin Pathianni hmang hian Moria Kohhran Rahsiveng, Lli. chuan Mission Cpnvention an nei mek a; speaker atan missionary, Pu C. Pachhunga (AP East) field a ni.

FOD Hriattirna

1. BCM Constitution & Rules leh FOD Inkaihhruaina a thu inkalh a awm chuan Constitution anga kalpui zawk tur a ni.

2. FOD Inkaihhruaina phek 68-12 (3) (a) Unit BMP Executive Committee zat sawm (10) tih kha sawm panga (15) tih zawk tur a ni e. Tin, phek 69 (f)-naa ‘Kohhran hnuaia FOD ….’ tih kha ‘Kohhran hnuaia Fellowship…’ -te tih zawk tur. Phek 69 (i) ‘Unit BMP ..’ tih kha ‘Bial BMP ..’ tih zawk tur a ni.

Sd/-

Rev.R. Lalbiakliana

Director,

Fellowship Organisation Department

Baptist Church of Mizoram

Worship Dance & Action Song Intihsiak

WORSHIP DANCE & ACTION SONG
BCM Worship & Music Deptt. chuan December 17, 2011 hian Lungleiah Junior TKP/Tleirawl Pawlte pualin Worship Dance leh Action song (member 10 aia tlem lo)-a intihsiakna a buatsaih dawn a; lawmman tha tawk tak (pawisa fai) pek tum a ni. Tel duhte chuan a hnuaia hming ziak hnenah hian ziakin emaw telehpone hmangin emaw inhriattir tur a ni e. Thil tul dang chu kan la inhriattir leh zel dawn nia.

Sd/-Rev. R. Lalbiakliana
Director,
Worship & Music Deptt.
Mobile – 9436157483

Worship Seminar nei dawn

BCM Worship & Music Department chuan naktuk Inrinni, Nov.19, 2011 khian Lawngtlai khawpui chhung pastor bial 4 leh Thingfal leh Paithar bialte huapin Lawngtlai Bazar Biak inah Worship Seminar an nei dawn.

Seminar hi Rev.R. Lalbiakliana, BCM Worship & Music Director leh Pu Moses Lalrohlua Sailo, Lecturer, AICS ten an hmanpui ang. He Seminar-ah hian Lawngtlai Area huam chhunga Kohhran Upa leh rawngbawltute, Music Committee members te leh Zaipawl Director te tel tura beisei an ni a, mi 200 vel ni tura ngaih an ni.

Worship & Music Seminar hi Lunglei Area huapin hlawhtling takin neih a lo ni tawh a, November 26 khian Aizawl City huapin Ramhlun North Biak inah Seminar hi neih leh tum a ni bawk.

MTKP Environtment Photo Exhibition tan ta.

MTKP Photo Exhibition 2011
MTKP Photo Exhibition

Vawiin, November 17 zing dar 11:00 khan MTKP buatsaih, Environment Photho Exhibition chi Art & Culture Auditorium,  Lunglei-ah Khuallian Pu Joseph Lalhimpuia, HPC Vice Chairman-in a hawng ta. Hawnna Inkhawm hi Pu Pu R. Lalnghakliana, Exe.Comtt member, MTKP-in a kaihruai a. Rev. R. Zohmingliana, President, TKP-in Hunserh hamngin Chief Guest Pu Mahima’n thu sawiin zaithiam Tv. Lalramchhana leh CR Laldingliani te bakah BCM Choir te an zai a, Pu Kawlhnuna, DFO Lunglei leh Pu K. lalmuansanga, General Secretary, ASEP, MIzoram ten thu an sawi bawk.

He Photo Exhibition-ah hian Participants mi 34 atangin thlalak chi hrang hrang(Item) 94 thehluh a ni a, heng te hi phochhuah a ni. Heng Inelnaa tel bakah hian ASEP atangin Thlalak 12 leh Pu H.Vanlallawma, News Correspondent Lunglei -in thlalak 3 an rawn pho lang bawk.

Exhibition hian naktuk thleng a awh ang a. Naktuk chawhnu Dar 2:00-ah Closing function neih leh a ni ang. Hetah hian Result puan leh lawmman sem a ni ang.

Closing Programme:

 

A hun : November 18,2011(Fri) 2:00pm

 

A hmun: Art & Culture Auditorium, Lunglei

 

Hruaitu : Pu C. Lalthantluanga, Exe.Comtt member, MTKP

 

Hun serh: Upa K. Lalhmingthanga, Sr.Adv.MTKP

 

Chief Guest : Rev. H. LIanngaia, General Secretary, BCM

 

Result puan & Lawmman sem : Pu T. Lalhlimpuia, Exe.Comtt member, MTKP

 

Solo : Nl. Bethsy Lalrinsangi, Tv. R. Lalramchhana

 

Zaipawl :T BCM Choir

 

Hetiang hian lawmman buatsaih a ni:-

1st – Rs 10000 + Citation
2nd – Rs 7000 + Citation
3rd – Rs 5000 + Citation

Viewer choice – Rs 3000 + Citation
Consolation Prize – Mi panga tan Rs 1000 theuh.