All posts by admin

ZOCLINIC

Mizoram Baptist Kohhran Relief and Development Department chuan kan ram a lo neih lam leh Hriselna in hma a sawn zawk theih nante, Thalai

Zoclinic in operation
Zoclinic in operation

lehkha zir sang lote intodelhna atan te leh Nu leh naupang retheite hmasawnna a thawk chho zel a.Hriselna lam bik atan chuan Mobile clinic te neiin thingtlang khaw hrang hrangah mithiamte hruaiin kal thin a ni. Mobile clinic neih thin atang chuan Malaria avanga mipui tuar nasat zia a hriat a. Thihna mai bakah retheihna leh tuarna hrang hrang a thlen dante, hmel a tih chhiatzia te kan hmu a. A bik takin thingtlang lam unaute a tuar nasa ber ber te anni a. Natna mal khaiah chuan Mizorama kan tuar nasat ber a ni a. Chutih rualin Cancer-te HIV/AIDS te ang lo takin Malaria hi chu a tih dam theih, a damdawi pawh awlsam taka awm ani tih hi chu kan hre theuh awm e. Sum leh pai harsatna bakah natna tlanglawn tak anih avangin paldam kan tuma, tam takin mahni a damdawi inchawhin an dampui laiin nunna hlu tak tam tak kan chan bawk thin a. A darh zau zel a tun hma a a awm lohna hmuna ngaihah te pawh kan in tlawh pawh tawn nasat tawh avangin a ram pum tan hlauhawm a lo ni ta a. Khawpui chhung ami pawh an him chuang lo. He natna hi tih nep a nuai bo hial tumin No One has to die of Malaria tih thupui a hmangin Zoclinic hming vuahin BCM Relief and Development Department chuan Malaria do kawngah hma a la mek a. Kum 2000 ah Chawngte atanga tanin a lo hlawhtling chhovin a tangkai hle a. Chuta tang chuan belh chho hret hretin tunah chuan khaw 70 ah mipui 60000 velin an chhawr tangkai theih tura din chhoh ani tawh a.

 

Zoclinic hian a khawmi ngei hmang tangkaia Thisen a Malaria hrik awm leh awm loh rang taka zawn chhuaha. Mithiamte ruahman anga Damdawi peka Malaria veite tih dam hna thawh a tum ber ani a. Chu tiang hna thawk tur chuan Tualchhung Kohhran leh Mission lam hotute nen a mawh phurtu tur, Technician kan ti ve mai a, kan thlang hova. An ni chu training te pe in an bul tanna tur hmanrua, Microscope leh a kaihhnawih chi hrang hrangte R&D lam atanga ngaihtuahsakin an mahni khuaah an thawk ta a. A khawmi te ngei kan han ruatna chhan pawh mahni khua leh tui te chu pawn lam mi aiin kan in ngam tlak mai bakah kan duhsakna a thuk zawk vang ani.

He hna thawh kawngah hian kan thawhpuite atangin a thawhna tur sum leh pai kan dawng thin a. Kan Kohhran ngei kal tlanga sum tuak a hmalak vena kawng pawh dap mek ani a. Kumin Assembly khan chu ruahmanna, Thingtlang leh khawpui Kohhrante thawh hona tur chu a pawm ta a, a lawmawm hle mai.

Zoclinic hi thiamna sang tak leh hmanraw man to tak takte hmang lova hna tangkai tak thawk ani tih hi a hmu tuten an hre chiang telh telh a. Christian Medical Association of India te pawhin an rawn zir chianga tha an ti hle a. Kan tih ang chiah chu ni lo mahse a zul zuiin Project-te siamin tunah hiam Mizoram hmun 885-ah hma an la tan ve leh ta. An ni nen hian kan in Partner nghal a. Kan thawhna tur khua leh a thawktu turte pawh BCM R&D kaltlanga thlang tura min tih angin thlan an ni a. Training pek mek an ni bawk. Christian Medical Association of India hian Mizoram a Malaria do kawnga an thawhna ah hian Partners pahnih an nei a, chungte chu Mizoram Presbyterian Church leh BCM te kan ni a. Presbyterian Church hian Aizawl district (thendarh hma angin) an enkawl a. BCM chuan Lawngtlai leh Saiha District te a enkawl ani. Tin, Rwanda lamah te Bangladesh leh (Myanmar (Burma) lamah te pawh Zoclinic hi hawn tumin pawl hrang hrangin hma an la mek bawk ani.

He natna chimawm tak lak atanga him tur hian Pathian ringtute hian tih theih kan nei a. Chungte chu; Inven, Malaria in rinhlelh veleh a in entirna chang hriat leh Damdawi a hun taka dan dik taka eite hi anni a. Chuvangin helam a kan rawngbawlna hi kan han tar lang ani a. Hemi bakah hian kawng dang a hna kan thawhte pawh rawn tar lan zeuh zeuh tum ani ang.

Pathian in kan ram hmasawnna hi Kristiante atangin a tan a. Kristiante bul tan chu a that em avangin Sorkar pawhin chhunzawm chho zelin vawiin ni ah chuan Sorkarin lian zawkin hma a la a, Kohhran lam chu kan awl lek lek zawk ta ani. A lawmawm hle ani. Tuna hma a Mipa chauh vin an ei a an silh leh fen tura kan ngaihte pawh hemichhiate tan hlei hlei a tha te a lo ni chho ta zel a. Chutiangin hmeichhiate chanai leh tih tura kan ngaih te pawh mipa tih tur, Eirawngbawl, tui leh Mei ngaihtuah te pawh mipa kut in a han tih tak tak chuan a lo sawt zawk mah ma si a. Chutih lai karah hriselna kawnga hma lakna ah erawh chuan mipuiten kan hriat leh tih theih tawk tih a la tlem hle a. Hmanlai nun ang deuhin Damdawi lam thiamna kawnga kan tih theih ang tawk mi mirin kan tih pawh hi chhan hrang hrang avangin kan la ti nep hle a. Chutih laiin kan tih ve theih tawk tih tur hi a tam in kan thiam ve theih reng kan tan atha si tih loh hi kan ngah mai a. A bikin Malaria ang te hi. Malaria ngat hi chu Cancer te Aids te ang lo takin a natna zawn chhuah zung zung theih anih bakah a damdawi a awm that avangin a tih dam theih em em mai si a. Chuvangin Malaria avang hian tumah thi tawh lo turin hma kan la theiin ka hre thin.

Kan Damdawiina thihna 30% vel hi Malaria nena la in kungkaihna nei an ni tiin kan Medical Superintendant chuan a sawi a. Tin ram pum huap pawhin Hrisel lohna, retheih pachhiat leh nun tawi, hmelchhiat te hi Malaria avang hian kan tuar bawk ani tih hi chiang takin a hriat bawk ani. Kan hna thawh tur hian thingtlang lam a hawi lianin a nger deuh chhur bik a. A chhan ber chu thingtlang lamah hian in entirna leh dmdawi lam te a harsat zawk vang ani.

BCM R&D chuan helama kan hmalakna Zoclinic kan ti a, chu chuan Malaria natna rang taka zawn chhuah a a veite dam dawi pek nghal a, a case harsa te Damdawi Ina kal tura midangte rawna Malaria laka mipui chhan chhuah hna thawkin khaw 70 ah hma kan la mek a. He hna kan thawh hi CMAI pawh hian tha an tiin kum 2007 atang khan an rawn zir chianga kan tih ang diak diak chu ni lo mahse chumi zulzui chuan vawiin ni a training hi kan nei ta ani. CMAI leh Mizoram Sorkar leh BCM te tang kawpin he hna hi kan thawk tan mek ani a. BCM lam pawhin helam a hma lo la tu kan nih avangin Medical Department nei mah ila, R&D kutah a dah deuh bik a. Chutiang in CMAI lam pawhin dawr berah min rawn neih a, a chhan chu kan tum a in thuhmun vang ani ber ang. Back to the Bible tih ang deuhin Sorkar pawh Kohhran nen kal tlang turin kan han thawk ho dawn ani a a ropui hle in ka hria. Pathian zarah tha taka kan thawh ho chhoh zel hi kan beisei em em ani.

Christian Medical Association of India hian Mizoram a Malaria do kawnga hna a thawhna ah hian Mizoram Sorkar chu kan ram chhungah a meizang hlaptu ber ni mahse, Offial Partners pahnih an nei a, chungte chu Mizoram Presbyterian Church leh BCM te kan ni a. Presbyterian Church hian Aizawl district (thendarh hma angin) an enkawl a. BCM chuan Lawngtlai leh Saiha District te a enkawl ani. Tin, Rwanda lamah te Bangladesh leh (Myanmar (Burma) lamah te pawh Zoclinic hi hawn tumin pawl hrang hrangin hma an la mek bawk ani.

He hna hi khawvel ram hausate sum thawhlawm atangin kan thawk dawn ani a. An ni hian sum leh pai a rinawm tur leh a hun leh hmun taka hna thawk tur hian heta in hnamhnawih zawng zawngte hi min beisei ani tih hi hrereng ila. Rinawmna leh inpekna nen kan thawh hi BCM chuan a duh em em ani.

Kan rama piang leh cham bang tlat harsatna lian tak thlentu Malaria hi Sorkar mi leh sa leh a hmanrua pek theih te chauh in an thawh tur ani lova. Kan zavaia thawh tur ani. Kan thawh tlan loh chuan kan hneh thei lovanga a tuar nasa ber ber pawh rethei zawk te kan ni zel ang.

Chuvangin, Ringtu ten Pathian rin chhanin, mihringa a dah thiamna, finna leh hmanruate hmang tangkaiin Malaria hi i bei tak tak ang u. Ka vengte sawtna tur ani tih hria a thanem ngai taka kan thawh chuan kan hlawhtling em em ang. Tlang chunga khaw awm anga Kristian ram anihna ti langtu pawimawh tak hmanrua-ah a chang mek a. Tunah hian Bangladesh a pakhat kan nei tawh a, Rwanda leh Myanmar lamah pawh neih tan chhoh mek ani bawk. Tuna kan Malaria do dan rilru leh tihdan hi Malaria tamna ram hmun hrang hrangah pawh a a darh mek ani.

MTKP Environtment Photo Exhibition

MTKP buatsaihin November 17-18 hian A & C Auditorium, Lunglei-ah Environment Awereness Photo Exhibition neih a ni dawn. He Photo Exhibition-ah hian a duh apiang tel turin an sawm a ni. Progamme tlangpui hetiang hi a ni:-

Opening Programme:

A hun : 17th Nov. 2011, 11:00 am

A hmun : Art & Culture Auditorium, Lunglei

Hruaitu : Pu R. Lalnghakliana, Exe.Comtt member, MTKP
Hun serh: Rev. R. Zohmingliana, President, MTKP
Chief Guest : Pu Joseph Lalhimpuia, MLA
Thusawi : Pu Kawlhnuna, Salem, Lunglei
Solo : Nl. Bethsy Lalrinsangi, Tv. R. Lalramchhana
Zaipawl : BCM Choir

Closing Programme:

A hun : November 18,2011(Fri) 2:00pm

A hmun: Art & Culture Auditorium, Lunglei

Hruaitu : Pu C. Lalthantluanga, Exe.Comtt member, MTKP

Hun serh: Upa K. Lalhmingthanga, Sr.Adv.MTKP

Chief Guest : Rev. H. LIanngaia, General Secretary, BCM

Result puan & Lawmman sem : Pu T. Lalhlimpuia, Exe.Comtt member, MTKP

Solo : Nl. Bethsy Lalrinsangi, Tv. R. Lalramchhana

Zaipawl :T BCM Choir
………………..

Prizes : 
1st – Rs 10000 + Citation
2nd – Rs 7000 + Citation
3rd – Rs 5000 + Citation

Viewer choice – Rs 3000 + Citation
Consolation Prize – Mi panga tan Rs 1000 theuh

Thlalak chu hetiang hi a ni tur a ni
1. Kan environment chhiat tawhzia leh humhalh tlak a la awm zia tilang thei a ni tur ani.

2. Mizoram a mi ngei a ni tur ani. a hmun tarlan bawk nise.

3. Thlalak chu 12” x 8” a print in 3 copies thehluh tur a ni.

Thlalak thehluhna hmun turte :
1)Executive Secretary Office, Baptist House, Upper Khatla, Aizawl.

2)Executive Secretary Office, Baptist House, Bazar, Lawngtlai.

3) BCM Headquarters Office, Serkawn, Lunglei.

Hrechiang duh tan 9436150892/ 9436157790/ 9436157372 ahte zawh fiah theih ani ang.

BCM Choir Music Video


Tukin, October 2, 2011, Pathianni khan BCM Choir Music Video – Alpha and Omega tih chu tlangzarh a ni ta. Music Video Tlangzarh inkhawm hi Rev. R. Lalbiakliana, Director, Worship & Music Dept. in inkhawm kaihruaiin thuchah a sawi nghal a, Rev. H. Lianngaia, General Secretary in he music video hi tlangzarhin Pu F. Lalromawia, Director, BCM Choir-in report a pe bawk. Sawi tawh ang khan he Music Video hi Leitlang Picture siam niin recording chu Classic Recoding studio hman a ni a, Music hi Pu ZD Zoramthanga, Small World Multimedia, Serkawn kutchhuak a ni thung.

BCM Choir Music Video tlangzarh dawn

October 2, 2011, Pathianni hian Ramzotlang Serkawn Biak Inah BCM Choir Music Video – Alpha and Omega tih chu tlangzarh a ni dawn ta. Music Video Tlangzarh inkhawm hi Rev. R. Lalbiakliana, Director, Worship & Music Dept. in inkhawm kaihruaiin thuchah a sawi nghal ang a, Rev. H. Lianngaia, General Secretary in tlangzarhin Pu F. Lalromawia, Director, BCM Choir-in report a pe ang.. He Music Video hi Leitlang Picture siam niin recording chu Classic Recoding studio hman a ni a, Music hi Pu ZD Zoramthanga, Small World Multimedia, Serkawn kutchhuak a ni thung.

Regional Committee meeting neih zawh a ni ta :

Tunkar ral ta khan Baptist House, Guwahati-a Regional committee meeting chu tluang taka zawh fel a ni ta. He Meeting-ah hian kum 2012-2013 Budget leh a kaihhnawih thil chi hrang hrang te thirin sawi ho a ni a. Meeting hi Rev. Dr. K. Lalrinthanga, Associate General Secretary, i/c Mission Dept.in a hmanpui a, a ni bakah hian Regional Director leh Mission Field hrang hrang Director te leh Head of Institutions te kal a ni. BCM hian rah tha tak chhuaha Mission hna kan thawh chhunzawm zel theih nan (2011-’12 hian Budget cheng nuai sangkhat chuang sengin, Field 21-a hnam 40 chuang hnenah Chanchin Tha kan hril mek) mahni, tawngtai, thilpekin i tang mar sauh sauh zel ang u.

NEICC-WA Exchange Programme hmang dawn:

NEICC-WA Exchange Programme hmang dawn: Zanin atang hian NEICC- WA (North East India Christian Council-Women Assembly) buatsaihin Kohhran hmeichhe Pawl te intlawhtawn programme-neih a ni dawn. Lairam Isua Krista Baptist Kohhran Hmeichhe pawl, Lawngtlai chuan Mizoram BKHP te an rawn tlawh dawn a ni. Heng mikhualte hi Serkawn Unit BKHP in lo dawngsawngin zanin hian Serkawn-ah inkhawmpui an ni a, Pathinni zingah Lunglei Chanmari leh Pathianni zanah Lunglei Electric veng Biak inah te inkhawmpui an ni ang. Heng mikhualte hi vawiin tlai khan Lunglei lo thlengin member 60 vel zet an lo kal a ni

BCM School Teachers’ Training:

September 27-29 chhung khan BCM Education Department buatsaihin Baptist Higher Secondary School, Junior Section ah “Modern Trends in Education” tih thupui hmangin BCM English Medium School Teachers’ Training Programme hman a ni: Training Co-ordinator, Rev H Sangchema-Director, BCM Education Department chuan thingtlang hmun hrang hranga kan BCM school neih te tih hmasawn hi BCM Education Dept thiltum lian tak anih thu a sawi.

Mizoram hmun hrang hranga BCM English Medium school sawm panga atangin zirtirtu 60 chuang zet he training ah hian an tel a, chung school te chu :- Hmar Chaltlang, Rawpui, Thingsai, Lungsen, Haulawng, Zawlnuam, Zote, Rahsiveng, Bungtlang, Pangzawl, Thingfal, Cherhlun te bakah AICS, BHSS Jr Section te an ni.

Training neih chhung hian Rev H Lianngaia GS, Rev C. Ngurhnema, AGS Service Dept leh Upa CK Mawia, Principal Carey English school ten devotions hun an hruai thin a. Topic hrang hrang, CCE, Modern Education, Right of Education to Free and Compulsory Education Act , Teaching English, A good Teacher , Art of question setting tih te zir ho a ni. Resource persons atan Pu H Vanlalhruaia, Lecturer DIET, Pi Lalthangmawii Chhangte Associate Professor, JBC leh Pu Lalhmachhuana, Lecturer BHSS, Pu Lalrinmawia,Vice Princincipal BHSS leh BHSS Jr a zirtirtu thenkhatte hman an ni. Zirtirtu training a rawn tel ten zawngchhangthlak an tiin, tunlai huna Education a thil thleng mek tamtak an zir chu hlawkpui an inti hle.

BCM R& D hmalakna

BCM Relief & Development Department hmalakna-a Malaria dona kawnga hna thawh chhunzawm naah ‘Zo Clinic Technician Training’ khaw 10 tan BCM R&D Hall, Ramzotlang-ah thla khat awh Training neih mek a ni.

Training chhuakte hian Microscope pakhat theuh an dawn gang a, anmahni khu-ah Zo Clinic hawng ve nghal thei tura beisei an ni. Thisen en bakah hian Injection te, BP Check te, Blood Sugar en te pawh thiam tir nghal turin Training pek an ni. Zo Clinic hi Mizoram chhung khaw 70-ah kalpui mek a ni.

BCM, CMAI (Christian Medical Association of India leh Mizoram Sorkar thawhhona hnuaiah Malaria do hna thawh chhunzawm mek a ni a, khaw 350-a thawktu tur Community Health Volunteer Training pawh CMO Conference Hall, Lunglei-ah neih thin a ni bawk.