All posts by admin

Regional Committee meeting neih zawh a ni ta :

Tunkar ral ta khan Baptist House, Guwahati-a Regional committee meeting chu tluang taka zawh fel a ni ta. He Meeting-ah hian kum 2012-2013 Budget leh a kaihhnawih thil chi hrang hrang te thirin sawi ho a ni a. Meeting hi Rev. Dr. K. Lalrinthanga, Associate General Secretary, i/c Mission Dept.in a hmanpui a, a ni bakah hian Regional Director leh Mission Field hrang hrang Director te leh Head of Institutions te kal a ni. BCM hian rah tha tak chhuaha Mission hna kan thawh chhunzawm zel theih nan (2011-’12 hian Budget cheng nuai sangkhat chuang sengin, Field 21-a hnam 40 chuang hnenah Chanchin Tha kan hril mek) mahni, tawngtai, thilpekin i tang mar sauh sauh zel ang u.

NEICC-WA Exchange Programme hmang dawn:

NEICC-WA Exchange Programme hmang dawn: Zanin atang hian NEICC- WA (North East India Christian Council-Women Assembly) buatsaihin Kohhran hmeichhe Pawl te intlawhtawn programme-neih a ni dawn. Lairam Isua Krista Baptist Kohhran Hmeichhe pawl, Lawngtlai chuan Mizoram BKHP te an rawn tlawh dawn a ni. Heng mikhualte hi Serkawn Unit BKHP in lo dawngsawngin zanin hian Serkawn-ah inkhawmpui an ni a, Pathinni zingah Lunglei Chanmari leh Pathianni zanah Lunglei Electric veng Biak inah te inkhawmpui an ni ang. Heng mikhualte hi vawiin tlai khan Lunglei lo thlengin member 60 vel zet an lo kal a ni

BCM School Teachers’ Training:

September 27-29 chhung khan BCM Education Department buatsaihin Baptist Higher Secondary School, Junior Section ah “Modern Trends in Education” tih thupui hmangin BCM English Medium School Teachers’ Training Programme hman a ni: Training Co-ordinator, Rev H Sangchema-Director, BCM Education Department chuan thingtlang hmun hrang hranga kan BCM school neih te tih hmasawn hi BCM Education Dept thiltum lian tak anih thu a sawi.

Mizoram hmun hrang hranga BCM English Medium school sawm panga atangin zirtirtu 60 chuang zet he training ah hian an tel a, chung school te chu :- Hmar Chaltlang, Rawpui, Thingsai, Lungsen, Haulawng, Zawlnuam, Zote, Rahsiveng, Bungtlang, Pangzawl, Thingfal, Cherhlun te bakah AICS, BHSS Jr Section te an ni.

Training neih chhung hian Rev H Lianngaia GS, Rev C. Ngurhnema, AGS Service Dept leh Upa CK Mawia, Principal Carey English school ten devotions hun an hruai thin a. Topic hrang hrang, CCE, Modern Education, Right of Education to Free and Compulsory Education Act , Teaching English, A good Teacher , Art of question setting tih te zir ho a ni. Resource persons atan Pu H Vanlalhruaia, Lecturer DIET, Pi Lalthangmawii Chhangte Associate Professor, JBC leh Pu Lalhmachhuana, Lecturer BHSS, Pu Lalrinmawia,Vice Princincipal BHSS leh BHSS Jr a zirtirtu thenkhatte hman an ni. Zirtirtu training a rawn tel ten zawngchhangthlak an tiin, tunlai huna Education a thil thleng mek tamtak an zir chu hlawkpui an inti hle.

BCM R& D hmalakna

BCM Relief & Development Department hmalakna-a Malaria dona kawnga hna thawh chhunzawm naah ‘Zo Clinic Technician Training’ khaw 10 tan BCM R&D Hall, Ramzotlang-ah thla khat awh Training neih mek a ni.

Training chhuakte hian Microscope pakhat theuh an dawn gang a, anmahni khu-ah Zo Clinic hawng ve nghal thei tura beisei an ni. Thisen en bakah hian Injection te, BP Check te, Blood Sugar en te pawh thiam tir nghal turin Training pek an ni. Zo Clinic hi Mizoram chhung khaw 70-ah kalpui mek a ni.

BCM, CMAI (Christian Medical Association of India leh Mizoram Sorkar thawhhona hnuaiah Malaria do hna thawh chhunzawm mek a ni a, khaw 350-a thawktu tur Community Health Volunteer Training pawh CMO Conference Hall, Lunglei-ah neih thin a ni bawk.

MTKP – 2013 inkhawmpui awareness campaign

Naktuk, October 2, 2011 Pathianni hian MTKP – 2013 inkhawmpui awareness campaign, Hausiampa Hall, Haulawngah neih a ni dawn. He hun hmang tur hian MTKP Office Bearers leh Executive Committee member te bakah zaithiam CR Laldingliani, F. Lalremsiami leh C Vanlaldintharpuia ten an tawiawm ang a, chawhma lamah Haulawng-a Kohhran pathum – Lalveng, Lamthuamthum leh Bethel –ah te insem darhin hun an hmang ang a, Chawhnu-ah Hausiampa Hall-ah Vantlang inkhawm an nei ang.

Vantlang inkhawm hi Pu H. Lalramenga, Vice Chairman, MTKP 2013 Organising Committee in a kaihruaiin, Secretary leh Treasurer ten Report an pe ang. Rev. Jonathan Pachuau-Presbyterian te, Pastor Pc Lalfakawma, UPC leh Rev. F. Lalsangliana, BCM te bakah Pu R. Lalrinmawia, VCP Haulawng leh V. Vanlalsiama, President YMA Haulawng Branch ten minute 10 theuh thu an sawi ang a, zaipawl pathum – Bethel, Lalveng leh Lamthuamthum Kohhran Zaipawl ten hun an hmang bawk dawn a ni.

Haulawng Bial TKP te hian 2013 MTKP Inkhawmpui hi an urlawk nasa tawh hle a. He Inkhawmpui senso atan hian Rs nuai 27 Budget-ah dahin tunah hian cheng nuai 10 an tlin tawh a ni. He Inkhawmpui atan hian Sub.Committee 12 an siam a, anmahni hmazawn theuhah hma an la chho tan mek a. Haulawng khaw chhunga Kohhran pawl hrang hrang biak inah campaign neiin tunah hian House to House Campaign nei turin hma an la mek bawk.

MTKP – 2013 inkhawmpui awareness campaign

Naktuk, October 2, 2011 Pathianni hian MTKP – 2013 inkhawmpui awareness campaign, Hausiampa Hall, Haulawngah neih a ni dawn. He hun hmang tur hian MTKP Office Bearers leh Executive Committee member te bakah zaithiam CR Laldingliani, F. Lalremsiami leh C Vanlaldintharpuia ten an tawiawm ang a, chawhma lamah Haulawng-a Kohhran pathum – Lalveng, Lamthuamthum leh Bethel –ah te insem darhin hun an hmang ang a, Chawhnu-ah Hausiampa Hall-ah Vantlang inkhawm an nei ang.

Vantlang inkhawm hi Pu H. Lalramenga, Vice Chairman, MTKP 2013 Organising Committee in a kaihruaiin, Secretary leh Treasurer ten Report an pe ang. Rev. Jonathan Pachuau-Presbyterian te, Pastor Pc Lalfakawma, UPC leh Rev. F. Lalsangliana, BCM te bakah Pu R. Lalrinmawia, VCP Haulawng leh V. Vanlalsiama, President YMA Haulawng Branch ten minute 10 theuh thu an sawi ang a, zaipawl pathum – Bethel, Lalveng leh Lamthuamthum Kohhran Zaipawl ten hun an hmang bawk dawn a ni.

Haulawng Bial TKP te hian 2013 MTKP Inkhawmpui hi an urlawk nasa tawh hle a. He Inkhawmpui senso atan hian Rs nuai 27 Budget-ah dahin tunah hian cheng nuai 10 an tlin tawh a ni. He Inkhawmpui atan hian Sub.Committee 12 an siam a, anmahni hmazawn theuhah hma an la chho tan mek a. Haulawng khaw chhunga Kohhran pawl hrang hrang biak inah campaign neiin tunah hian House to House Campaign nei turin hma an la mek bawk.